புலம்பும் பாக்கியலட்சுமி ஜெனி.. இப்படியா பண்ணுவீங்க.. இத்தோட நிறுத்திக்கோங்க.. எச்சரிக்கும் நடிகை!

ரியாலிட்டி ஷோக்களுக்கு இணையாக விஜய் டிவியில் ஒளிபரப்பாகும் சீரியல்களுக்கும் ரசிகர்கள் ஏராளம். குடும்பக் கதை, காதல் கதை, பெண்ணின் முன்னேற்றம், கல்லூரி காதல் என பல வெரைட்டிகளில் சீரியல்களை தயாரித்து அதனை ஒளிபரப்பி வருகிறது.

பிரைம் டைம் சீரியல்

அந்த வகையில், டிஆர்பிக்காக பல வேலைகளை செய்துவரும் விஜய் டிவி, தனது பிரைம் டைம் சீரியல்கள் குறித்தும், ரியாலிட்டி ஷோக்கள் குறித்தும் பெரும் மெனக்கெடல்களை செய்து வருகிறது. அந்த வகையில், விஜய் டிவியின் பிரைம் டைம் சீரியல்களில் பல ஆண்டாக இடம் பிடித்து வந்தது பாக்கியலட்சுமி சீரியல். இந்த சீரியல் நடிகை குறித்து சில நாட்களாக சில வதந்திகள் பரவி வருகிறது.

பரவிய வதந்தி

இந்த சீரியலில் ஜெனியாக நடித்துவரும் திவ்யா கணேஷ், அதே சீரியலில் இவருக்கு ஜோடியாக செழியன் கதாபாத்திரத்தில் நடிக்கும் விகாஷ் சம்பத்தை காதலித்து வருவதாக கடந்த சில நாட்களாகவே செய்திகள் வெளியான வண்ணம் இருந்தது. இதுதொடர்பாக பல செய்திகளும், வீடியோக்களும் வெளியான நிலையில் இதுகுறித்து நடிகை திவ்யா கணேஷ் தனது இன்ஸ்டாகிராம் ஸ்டோரியில் விளக்கமளித்துள்ளார்.

காட்டமாக பதிலளித்த திவ்யா

அந்தப் பதிவில், சமீபத்தில் என்னைக் பற்றி பல செய்திகளும் வீடியோக்களும் வெளியாவைக் கண்டேன். அந்த செய்திகளை வெளியிட்டவர்களுக்காகவே இந்தப் பதிவு.

விஜய் தொலைக்காட்சியில் ஒளிபரப்பாகும் பாக்யலட்சுமி சீரியலில் நான் 'ஜெனி'யாக நடிக்கிறேன் என்பது பலருக்கும் தெரியும். 'செழியன்' கதாப்பாத்திரத்தில் என்னுடன் பணியாற்றும் சக கலைஞர் விகாஷ் சம்பத். நாங்கள் இருவரும் காதலித்து வருகிறோம் என பலரும் செய்தி வெளியிட்டதுடன் என் கடந்த காலத்தில் நிகழ்ந்த சில விஷயங்களையும் குறிப்பிட்டுள்ளனர்!

எங்கள் இருவருக்கும் குடும்பங்கள் உள்ளது. இதை நான் உங்களிடம் தெரிவிக்க விரும்புகிறேன்! மேலும் எங்கள் இருவரைப் பற்றி வெளியிடப்பட்ட அனைத்து செய்திகளும் பொய்யானவை. எங்கள் இரு குடும்பங்களைப் பற்றியும், நாங்கள் இருவரும் காதலிக்குமாறும் இனி செய்திகளைப் பரப்புவதையோ, பகிர்வதையோ நிறுத்துமாறு உங்கள் அனைவரையும் கேட்டுக் கொள்கிறேன்!

மேலும், என் வாழ்வில் அனைவரும் மறக்க விரும்பும் சில விஷயங்கள் நடந்தன, அதனை நான் மீண்டும் மீண்டும் நினைத்துப் பார்க்க விரும்பவில்லை! செய்திகளில் இதுபோன்ற விஷயங்களைத் திரும்பத் திரும்பக் குறிப்பிடுவது கவலையளிக்கிறது. அதுமட்டுமில்லாமல் அவை என்னை வாழ்க்கையில் முன்னேற விடாமல் தடுக்கிறது!

இதை ஒரு வேண்டுகோளாக எடுத்துக் கொள்ளுங்கள், என் கனவுகளும் சென்றடையும் பாதையும் வேறு, இப்படி பொய்யான செய்திகளை பகிர்வதை நிறுத்துங்கள்! வேண்டுமென்றே ஒருவரின் நாளைக் கெடுப்பது முட்டாள்தனம் என்பதை நினைவில்வையுங்கள்! எனமிகவும் காட்டமாக பதிலளித்து வருகிறார்.

திவ்யா கணேஷ்

திவ்யா கணேஷ் கேளடி கண்மணி என்ற சன் டிவி சீரியல் மூலம் மக்களுக்கு பரிட்சையமானார். பின் சன் டிவியில் அடுத்தடுத்த சீரியல்களில் நடித்த இவர், விஜய் டிவியில் ஒளிபரப்பாகும் பாக்கியலட்சுமி சீரியலில் ஜெனி கதாபாத்திரத்தில் நடித்து வருகிறார்.

முன்னதாக இவர் செல்லம்மா, மகாநதி என்ற விஜய் டிவியின் இரண்டு சீரியல்களில் நடித்து பின் அதிலிருந்து விலகியது குறிப்பிடத்தக்கது. திவ்யா கணேஷுடன் இணைத்து பேசப்பட்ட விகாஷ் சம்பத்திற்கு ஏற்கனவே திருமணமானது குறிப்பிடத்தக்கது.