Samantha Citadel Teaser: ஆக்‌ஷன் ப்ளஸ் ரொமான்ஸில் கலக்கல்..! புதிய அவதாரமாக சமந்தா தோன்றும் சிட்டாடல்: ஹனி பன்னி டீஸர்

தென்னிந்தியா சினிமாக்களில் டாப் நடிகையாக வலம் வரும் நடிகை சமந்தா, பாலிவுட் நடிகர் வருண் தவான் பிரதான கதாபாத்திரத்தில் நடிக்க ஆக்‌ஷன் ஸ்பை த்ரில்லர் பாணியில் உருவாகியிக்கும் வெப் சீரிஸ் சிட்டாடல்: ஹனி பன்னி.

மிகவும் எதிர்பார்ப்பை ஏற்படுத்தியிருக்கும் இந்த வெப்சீரிஸின் டீஸர் வெளியீட்டு நிகழ்வு மும்பையில் நடைபெற்றது. இதில் நடிகை சமந்தா கருப்பு நிற லோநெக் டாப்புடன் இணைந்த பேன்ட் அணிந்து வருகை புரிந்த கவர்ச்சி விருந்து படைத்தார்.

டீஸர் வெளியீடு

இதையடுத்து பெரிதும் எதிர்பார்ப்பை ஏற்படுத்திய சிட்டாடல் டீஸர் வெளியிடப்பட்டது. 1.33 நிமிடங்கள் ஓடும் இந்த டீஸரில் டயலாக்குகள் எதுவும் இடம்பெறவில்லை என்றாலும், முழுக்க சமந்தா - வருண் ஜோடியின் அதிரடி ஆக்‌ஷன், ஒரு சில ரெமான்ஸ் காட்சிகள் இடம்பிடித்திருந்தன. இந்த சீரிஸில் சமந்தாவுக்கு சிறு வயது குழந்தை இருப்பது போல் காண்பிக்கப்பட்டுள்ளது. எனவே அவர் ஆக்‌ஷன் ப்ளஸ் ரெமான்ஸில் கலக்குவததோடு, பாசமான தாயாகவும் மாறுபட்ட நடிப்பை வெளிப்படுத்தியிருப்பார் என தெரிகிறது.

குறிப்பாக இந்த சீரிஸில் சமந்தா - வருண் ஜோடி இடையிலான கெமிஸ்ரியை காண ரசிகர்கள் ஆர்வமாக இருக்கிறார்கள். அதற்கு ஏற்ப பல காட்சிகளும் இதில் இடம்பிடித்திருக்கும் என்றே எதிர்பார்க்கப்படுகிறது.

இதையடுத்து அமேசான் ப்ரைம் ஓடிடி தளத்தில் சிட்டாடல்: ஹனி பன்னி வரும் நவம்பர் 7ஆம் தேதி முதல் ஸ்டிரீம் ஆகும் என அதிகாரப்பூர்வமாக அறிவிக்கப்பட்டுள்ளது.

சமந்தாவின் கம்பேக்

மயோசிடிஸ் என அரிய வகை நோய் எதிர்ப்பு சக்தி குறைபாடு நோயால் பாதிக்கப்பட்டிருந்த சமந்தா, இடையில் சில காலம் சினிமாவுக்கு பிரேக் எடுத்துவிட்டு தற்போது மீண்டும் நடிப்பு பக்கம் திரும்பியுள்ளார்.

அவரது கம்பேக் வெப்சீரிஸாக இந்த சிட்டாடல்: ஹனி பன்னி அமைந்திருக்கும் நிலையில் இதன் டீஸரை ரசிகர்கள் அதிகமாக ஷேர் செய்து பயர் விட்டு வருகிறார்கள்.

பிரேக் எடுப்பதற்கு முன்னர் கடைசியாக இந்த சிட்டாடல் சீரிஸில் தான் நடித்தார் சமந்தா. இதன் செட்களில் இருந்து புகைப்படத்தையும், சிட்டாடல் பட இயக்குநர் ராஜ்டிகே மற்றும் திரைக்கதை ஆசிரியர் சீதா மேனன் ஆகியோருடன் இருக்கும் புகைப்படத்தையும் பகிர்ந்து உருக்கமான பதிவையும் பகிர்ந்தார்.

இதைத்தொடர்ந்து தற்போது சிட்டாடல் சீரிஸ் நிகழ்ச்சியில் தோன்றி ரசிகர்களை மகிழ்வித்திருப்பதோடு, செஃல்பி புகைப்படங்களையும் எடுத்து குஷியுடன் இருந்துள்ளார்.

ப்ரியங்கா சோப்ரா வெப்சீரிஸின் ரீமேக்

ஹாலிவுட்டில் ப்ரியங்கா சோப்ரா - ரிச்சர்டு மேடன் இணைந்து நடித்து ஸ்பை த்ரில்லராக வெளியான வெப்சீரிஸின் இந்திய பதிப்பு தான் சமந்தா - வருண் தவான் நடித்திருப்பும் சிட்டாடல்: ஹனி பன்னி. இந்தியில் உருவாகியிருக்கும் இந்த சீரிஸ் தமிழ், தெலுங்கு உள்பட பிற இந்திய மொழிகளிலும் டப் செய்யப்பட்டு ரிலீஸ் செய்யப்படவுள்ளது.

இதற்கிடையே ஹாலிவுட்டில் ப்ரியங்கா நடித்து வெளியான சிட்டாடல் வெப்சீரிஸை காட்டிலும் இந்திய பதிப்பில் டீஸர் பெட்டராக இருப்பதாக ரசிகர்கள் பலரும் புகழ்ந்து வருகிறார்கள். ப்ரியங்கா நடித்த ஹாலிவுட் வெப் சீரிஸில் அதிரடி ஆக்‌ஷனுடன், ரெமான்ஸ், நெருக்கமான படுக்கயறை காட்சியும் ஏராளமாக இருக்கும். அதன் இந்திய பதிப்பான சிட்டாடன்: ஹனி பன்னி இங்குள்ள ரசிகர்களை கவரும் விதமாக சில மாற்றங்கள் செய்திருப்பதாக கூறப்பட்டுள்ளது.

நயன், கிர்த்தி சுரேஷுக்கு அடுத்தபடியாக பாலிவுட் என்ட்ரி

சிறிய இடைவெளிக்கும் பிறகு மீண்டும் நடிப்பு பக்கம் திரும்பியிருக்கும் சமந்தா பாலிவுட் படம் ஒன்றில் சமந்தா, ஷாருக்கான் ஜோடியாக நடிக்க இருப்பதாக தகவல்கள் வெளியாகின. பாலிவுட் முன்னணி இயக்குநர் ராஜ்குமார் ஹிரானி, இந்த படத்தை இயக்க இருப்பதாகவும் கூறப்பட்டது. ஆனால் இதுதொடர்பாக அதிகாரப்பூர்வ அறிவிப்பு வெளியாகவில்லை. இந்த தகவல் நிஜமாகும் பட்சத்தில் சமீத்திய கோலிவுட் நடிகைகளில் லேடி சூப்பர்ஸ்டார் நயன்தாரா, கீர்த்தி சுரேஷுக்கு அடுத்தபடியாக சமந்தா பாலிவுட்டில் அறிமுகமாவார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/