கோடிகளுக்கு ஆசைப்பட்டு பல பாடிகளுடன் சிக்கிய கவின்..பிளாக் காமெடி! தீபாவளி ரேஸில் இணைந்த பிளடி பெக்கர்

டிவி நடிகரான கவின் தமிழ் சினிமாவின் வளர்ந்து வரும் ஹீரோவாக இருந்து வருகிறார். இவர் நடித்திருக்கும் புதிய படமான பிளடி பெக்கர் படத்தின் ட்ரெய்லர் வெளியாகி ரசிகர்கள் மத்தியில் வரவேற்பை பெற்று வருகிறது.

பிளாக் காமெடி கதை

கடந்த சில நாள்களுக்கு முன்னர் படத்தின் டீசர் வெளியிடப்பட்டிருந்தது. இதையடுத்து படத்தின் ப்ரீ ரிலீஸ் நிகழ்வு நடைபெற்று வரும் நிலையில் ட்ரெய்லர் வெளியிடப்பட்டுள்ளது.

இயக்குநர் நெல்சன் திலீப்குமார் தயாரித்திருக்கும் பிளடி பெக்கர் படத்தில் கவின், ரெடிங்க் கிங்ஸ்லீ உள்பட பலரும் நடித்துள்ளார்கள். அறிமுக இயக்குநரும், நெல்சனும் உதவியாளருமான சிவபாலன் முத்து குமார் இயக்கியுள்ளார்.

எவ்வித குறிக்கோளும் இல்லாமல் பிராடு தனம் செய்யும் பிச்சைக்காரனாக இருந்து வரும் கவின், தனது ஆசை நிறைவேற்ற நினைத்து ரூ. 300 கோடி சொத்தை மடக்க நினைக்கும் கும்பலிடம் சிக்கி கொள்கிறார். இதனால் அவர் சந்திக்கும் பிரச்னைகளை சுவாரஸ்யம் கலந்த திரைக்கதையுடன் பிளாக் காமெடி பாணியில் பிளடி பெக்கர் உருவாக்கியிருப்பதாக தெரிகிறது.

ட்ரெய்லர் மூலம் எதிர்பார்ப்பை ஏற்படுத்தியிருக்கும் இந்த படம் தீபாவளி ரிலீஸாக அக்டோபர் 31ஆம் தேதி திரைக்கு வருகிறது.

கவினின் வித்தியாச நடிப்பு

படத்தில் பிச்சைகாரன் கேரக்டரில் தோன்றும் கவின், தாடி மற்றும் அழுக்கு படிந்த சட்டையுடன் அழுக்கான தோற்றத்தில் தோன்றியிருப்பார். நீயா நானா நிகழ்ச்சியில் பங்கேற்ற நக்கலாக வந்த இளைஞர் ஒருவரை இன்ஸ்பிரேஷனாக வைத்து தனது கதாபாத்திரத்தில் நடித்திருப்பதாக கவின் பேட்டி ஒன்றில் தெரிவித்துள்ளார்.

தீபாவளி ரேஸில் சிவகார்த்திகேயனின் அமரன், ஜெயம் ரவியின் பிரதர் ஆகிய படங்களுடன் கவினின் பிளடி பெக்கர் படமும் இணைந்துள்ளது.

கவின் படங்கள்

விஜய் டிவியில் ஒளிபரப்பான கனா காணும் காலங்கள் காலேஜ் வெர்ஷனில் நடித்து அறிமுகமான கவின், சரவணன் மீனாட்சி முதல் சீசனில் வேட்டையன் என்ற வில்லன் கதாபாத்திரத்தில் தோன்றினார்.

இதன் பின்னர் 2019இல் பிக்பாஸ் தமிழ் சீசனில் பங்கேற்ற கவின், நட்புன்னா என்னான்னு தெரியுமா படம் மூலம் ஹீரோவானார்.

தொடர்ந்து லிப்ட், டாடா படங்களில் நடித்தார். இந்த படங்கள் ரசிகர்கள் மத்தியில் நல்ல வரவேற்பை பெற்றது.

இந்த ஆண்டில் இவரது நடிப்பில் ஸ்டார் படம் வெளியாகி நல்ல வசூலை பெற்றது. தற்போது கிஸ், மாஸ்க், நயன்தாராவுடன் ஒரு படம் என பிஸியான நடிகராக இருந்து வருகிறார்.

வெற்றிமாறன் தயாரிப்பில் கவின்

கவின் நடித்து வரும் ‘மாஸ்க்’ படத்தை தனது கிராஸ்ரூட் ஃபிலிம்ஸ் மூலம் தயாரிக்கிறார் இயக்குநர் வெற்றிமாறன்.

இப்படத்தில் கதாநாயகியாக நடிகை ஆண்ட்ரியா நடிக்கிறார். தெலுங்கு பட நாயகி ருஹானி சர்மாவும் இன்னொரு நாயகியாக ‘மாஸ்க்’ படத்தில் நடிக்க கமிட் ஆகியுள்ளார்.

படத்தை ‘தருமி’ என்ற குறும்படத்தை இயக்கி, பெயர்பெற்ற விகர்ணன் அசோக் இயக்குகிறார். மாஸ்க் படத்தில் சார்லி, பாலசரவணன், விஜே அர்ச்சனா, சந்தோஷ் மற்றும் பல அபிமான நட்சத்திரங்கள் நடிக்கின்றனர். படத்துக்கு ஒளிப்பதிவு - ஆர்.டி.ராஜசேகர். படத்தொகுப்பு - ராமர். திரில்லர் பாணியில் மால்க் படம் உருவாகி வருகிறது. படத்துக்கு ஜி.வி. பிரகாஷ் குமார் இசையமைப்பாளராக பணியாற்றினாலும், படத்தில் பாடல்கள் கிடையாது என கூறப்படுகிறது.