கார்த்தியின் சர்ப்ரைஸ் என்ட்ரி..ஐந்து கெட்டப்பில் மிரட்டிய சூர்யா!நிச்சயம் பிளாக்பஸ்டர்-கங்குவா ட்விட்டர் விமர்சனம்

Kanguva Twitter Review: ரசிகர்களின் நீண்ட நாள் காத்திருப்புக்கு முடிவு கட்டும் விதமாக சூர்யா நடிப்பில் சிறுத்தை சிவா இயக்ககத்தில் பிரமாண்டமாக உருவாகியிருக்கும் பீரியட் ஆக்‌ஷன் த்ரில்லர் படமான கங்குவா இன்று வெளியாகியுள்ளது. 

இந்த படத்தின் முதல் காட்சி தமிழ்நாட்டில் காலை 9 மணிக்கு திரையிடப்படும் நிலையில், அண்டை மாநிலங்களான கர்நாடகா, கேரளா, ஆந்திராவில் காலை 5 மணிக்கே முதல் காட்சி திரையிடப்பட்டுள்ளது. அத்துடன் பல்வேறு வெளிநாடுகளிலும் படம் முன்னரே வெளியாகியுள்ளது. இதையடுத்து ரூ. 350 கோடிபட்ஜெட்டில் எடுக்கப்பட்டிருக்கும் கங்குவாவின் எக்ஸ் பக்க விமர்சனத்தை பார்க்கலாம்

இரண்டு ஆண்டுகள் கழித்து திரையரங்குகளில் வெளியாகியிருக்கும் சூர்யாவின் திரைப்படமான கங்குவா தமிழ் தவிர தெலுங்கு, இந்தி, மலையாளம், கன்னடம் ஆகிய மொழிகளில் வெளியாகியிருக்கிறது. படத்தில் நாயகியாக திஷா பதானி, வில்லனாக அனிமல் புகழ் சன்னி தியோலும் நடித்துள்ளனர்.

ஐந்து கெட்அப்களில் சூர்யா

கங்குவா படத்தில் 1678ம் ஆண்டு போர் வீரன் கங்குவா, இன்றைய தலைமுறை இளைஞன் பிரான்சிஸ் என இரட்டை வேடத்தில் சூர்யா தனது ஈடு இணையற்ற நடிப்பின் மூலம் அனைவரையும் கவர்ந்துள்ளதாக நெட்டிசன்கள் கூறி வருகின்றனர். படத்தில் சூர்யா மொத்தம் ஐந்து கெட்அப்களில் சூர்யா தோன்றுகிறார் எனவும், இந்த கதாபாத்திரங்களுக்கு இடையே லுக், பாடிலாங்குவேஜ், நடிப்பு என அனைத்தும் ஈர்க்கும் விதமாக இருப்பதாக கூறப்படுகிறது.

சூர்யாவின் ஒன் மேன் ஷோ

கங்குவா படம் சூர்யாவின் ஒன் மேன் ஷோவாக இருப்பதாக நெட்டிசன் ஒருவர் கருத்து தெரிவித்துள்ளார் கங்குவா கேரக்டரில் சூர்யாவின் என்ட்ரி தெறிக்கவிடும் விதமாக இருக்கும் என கூறப்படுகிறது. கங்குவா உலகில் நுழைய இயக்குநர் சிவா சிறிது நேரம் எடுத்துக்கொண்டார் என்றாலும், அங்கு நுழைந்த பிறகு முழு படமும் வேறு லெவலில் இருப்பதாக நெட்டிசன் ஒருவர் குறிப்பிட்டுள்ளார்.

அதிரடி, விஷுவல் எபெக்ட்ர் பிரம்மாதம்

படத்தில் இடம்பிடித்திருக்கும் ஆக்‌ஷன் காட்சிகளும், விஷுவல் எபெக்ட்ஸ் காட்சியில் பிரமாதமாக இருப்பதாக கருத்துகள் பகிரப்பட்டு வருகிறது. சர்ப்ரைஸாக வரும் கார்த்தியின் என்ட்ரி ஆச்சர்யம் அளிப்பதாகவும், அவரது கேரக்டர் கங்குவா இரண்டாம் பாகம் எப்படி இருக்கும் என்பதற்கான லீட் வெளிப்படுத்துவதாகவும் தெரிவித்துள்ளனர்.

கங்குவா பிளாக்பஸ்டர்

தேவி ஸ்ரீ பிரசாத்தின் பிஜிஎம்தான் இந்தப் படத்துக்கு உயிர் கொடுத்திருக்கிறது என்று கருத்துகளும் பரிமாறப்படுகின்றன. ஒவ்வொரு முறையும் கங்குவா கேரக்டரைப் பார்க்கும்போது கேட்கும் பிஜிஎம் பார்வையாளர்களிடையே உற்சாகத்தை ஏற்படுத்துகிறது என்கிறார்கள். கங்குவா பிளாக்பஸ்டர் என்றும், ஆயிரம் கோடிக்கு மேல் வசூல் நிச்சயம் என்றும் மற்றொரு நெட்டிசன் கருத்து தெரிவித்துள்ளார்.

என்ட்ரி நன்றாக இருந்தாலும் முதல் பாதியில் வரும் பல காட்சிகள் கதையை பொருட்படுத்தாமல் எரிச்சலூட்டுவதாக மற்றொரு நெட்டிசன் கூறியுள்ளார்.