கங்குவா இரண்டாம் பாகம் வருகிறதா.. என்ன சொல்கிறார் தயாரிப்பாளர்.. கங்குவா ரிலீஸ் டாக் எப்படி போய்க்கொண்டு இருக்கிறது?

கங்குவா இந்த ஆண்டின் மிகவும் அதிகம் எதிர்பார்க்கப்பட்ட படங்களில் ஒன்று. பலமுறை தள்ளிப்போன இப்படத்தின் ரிலீஸ் இன்று (நவம்பர் 14) உலகம் முழுவதும் 11ஆயிரத்துக்கும் மேற்பட்ட திரையரங்குகளில் வெளியானது.

சூர்யா, பாபி தியோல் மற்றும் திஷா பதானி நடித்த இந்தப் படம் அதன் முதல் ஷோவில் இருந்து பிளாக்பஸ்டர் ஹிட் என்ற வெற்றியைப் பெறும் என்ற பேச்சு அடிபட்டு வருகிறது. இந்நிலையில் கங்குவா படத்தின் இரண்டாம் பாகம் எப்போது வரும் என்ற விவரங்களை தயாரிப்பாளர் கே.இ. ஞானவேல் ராஜா வெளியிட்டுள்ளார்.

கங்குவா படத்தின் தயாரிப்பாளர் கே.இ.ஞானவேல் ராஜா சமீபத்தில் ஈடைம்ஸ் தொலைக்காட்சிக்கு அளித்த பேட்டியில், கங்குவா இரண்டாம் பாகம் குறித்து பதிலளித்துள்ளார்.

கங்குவா படத்தின் இரண்டாம் பாகத்தை எடுக்க திட்டமிட்டுள்ளதாகவும் அவர் தெளிவுபடுத்தியுள்ளார்.

கங்குவா இரண்டாம் பாகம் எப்போது சூட்?:

இதன் இரண்டாம் பாகத்தின் படப்பிடிப்பு 2026ஆம் ஆண்டில் தொடங்கும் என்றும்; படம் 2027இல் திரைக்கு வரும் என்றும் கே.இ.ஞானவேல் ராஜா கூறினார். இப்படத்தின் ப்ரீ புரொடக்ஷன் பணிகள் அடுத்த ஆண்டே தொடங்கவுள்ளது.

'கங்குவா' படத்தை இரண்டு பாகங்களாக எடுக்க இயக்குநர் சிவா திட்டமிட்டிருந்ததாக, படத்தின் தயாரிப்பாளர் கே.இ.ஞானவேல் ராஜா கூறினார். ஒவ்வொரு கதாபாத்திரத்திற்கும் ஒரு ஃப்ளாஷ்பேக் கதையைக் காட்ட விரும்புவதாகவும்; ஆயிரம் ஆண்டுகளுக்கு முன்பு இருந்த நம் முன்னோர்கள் என்னென்ன செய்தார்கள் என்பது பற்றியும், எல்லாவற்றிலும் அவர்கள் எவ்வளவு உக்கிரமானவர்கள் என்பது பற்றியும், இந்தப் படத்தின் மூலம் சிவா நாம் அறியாத உலகத்தை வெளிக்கொணர்ந்ததாகவும் கூறினார்.

கங்குவா திரைப்படத்தின் சலசலப்பு:

கங்குவா திரைப்படத்தின் காட்சிகள் இன்று (நவம்பர் 14) அதிகாலை முதல் தொடங்கியது. தமிழகம் நீங்கலாக, ஆந்திரா, கேரளா, கர்நாடகா ஆகிய மாநிலங்களில் அதிகாலை 4 மணி காட்சிகள் நடைபெற்றன. இதையடுத்து ரசிகர்கள் சமூக வலைதளங்கள் மூலம் விமர்சனம் செய்து வருகின்றனர்.

சூர்யாவின் நடிப்பு அருமை என்றும், கங்குவா ஒரு பிளாக்பஸ்டர் என்றும் இப்படம் ரசிகர்களிடமிருந்தும் நேர்மறையான விமர்சனங்களைப் பெற்று வருகிறது. சூர்யாவும், பாபி தியோலும் போட்டி போட்டு நடித்திருக்கிறார்கள். குறிப்பாக சூர்யாவின் நடிப்பு ஆஸ்கர் லெவலில் இருப்பதாக சில ரசிகர்கள் கூறியுள்ளனர்.

கங்குவா ஓடிடி ரிலீஸ் எப்போது?:

கங்குவா திரைப்படம் இன்று திரைக்கு வந்துள்ளது. இதனால் படம் எப்போது ஓடிடியில் வெளியாகும் என்ற எதிர்பார்ப்பு எழுந்துள்ளது. ஆறு வாரங்களுக்குப் பிறகுதான் படம் டிஜிட்டலில் ரிலீஸாகும் என்று கூறியுள்ளது. அதன்படி, இப்படம் டிசம்பர் கடைசி வாரத்தில் ஓடிடி தளத்தில் வெளியாகும் என எதிர்பார்க்கப்படுகிறது.

கங்குவா படம் அமேஸான் பிரைம் வீடியோ டிஜிட்டல் உரிமையை ரூ.100 கோடிக்கு வாங்கியுள்ளதாக கூறப்படுகிறது. தெலுங்கு உள்பட 8 மொழிகளில் இப்படம் வெளியாகியுள்ளது. அனைத்து மொழி பதிப்புகளும் அமேஸான் பிரைம் வீடியோவில் கிடைக்கும்.

கங்குவா திரைப்படத்தில் நடித்தவர்கள் விவரம்:

இந்த கங்குவா படத்தில் ஜெகபதி பாபு, நடராஜன் சுப்ரமணியம், யோகி பாபு, ரெடின் கிங்ஸ்லி, கோவை சரளா, ஆனந்தராஜ், கே.எஸ்.ரவிக்குமார் ஆகியோர் முக்கிய வேடங்களில் நடித்துள்ளனர். கங்குவா படத்துக்கு தேவி ஸ்ரீபிரசாத் இசையமைத்துள்ளார். வெற்றி பழனிச்சாமி ஒளிப்பதிவு செய்திருக்கிறார். நிஷாத் யூசுப் படத்தொகுப்பாளராகப் பணிபுரிந்து இருக்கிறார். இப்படத்தில் சூர்யா இரட்டை வேடங்களில் நடித்து இருக்கிறார்.

கங்குவா திரைப்படத்தின் படப்பிடிப்பு கோவா, எண்ணூர் துறைமுகம், பிஜி தீவுகள், கொடைக்கானல், ஆந்திர மாநிலத்தின் ராஜமுந்திரி பகுதிகளில் நடைபெற்றது.