Top 10 Cinema News : தி கோட் 4 நாள் வசூல் முதல் ஜெயம் ரவி விவாகரத்து வரை.. இன்றைய டாப் 10 சினிமா செய்திகள்!

விஜயின் `GOAT' திரைப்படம் 4 நாட்களில் உலக அளவில் ரூ.288 கோடி வசூல் - தயாரிப்பு நிறுவனம் அதிகாரபூர்வமாக அறிவிப்பு!

விஜய் 2 வேடங்களில் நடித்துள்ள தி கோட் திரைப்படம் கடந்த 5 ஆம் தேதி வியாழன் அன்று வெளியானது. வெங்கட் பிரபு இயக்கியுள்ள இந்த படத்தில் விஜய்யுடன் பிரசாந்த், பிரபு தேவா, மைக் மோகன், சினேகா, லைலா, யோகி பாபு, பிரேம்ஜி உள்ளிட்டோர் நடித்துள்ளனர். இந்நிலையில் படம் வெளியான முதல் 4 நாட்களில் மட்டும் ரூ. 288 கோடி வசூல் செய்துள்ளதாக தயாரிப்பு நிறுவனமான ஏஜிஎஸ் என்டர்டெய்ன்மென்ட் நிறுவனம் அறிவித்துள்ளது.

ஆப்பிள் நிறுவன தயாரிப்புகள் அறிமுக நிகழ்வில் பங்கேற்ற அதிதி - சித்தார்த்!

அமெரிக்காவின் கலிஃபோர்னியாவில் நடைபெற்ற ஆப்பிள் நிறுவன தயாரிப்புகள் அறிமுக நிகழ்வில் பங்கேற்ற அதிதி - சித்தார்த். புகைப்படங்கள் சமூக வலைத்தளத்தில் வைரலாகி வருகிறது.ச்

'லப்பர் பந்து' படத்தில் இடம்பெற்ற டம்மா கோலி பாடல் இன்று வெளியாகிறது!

பிரின்ஸ் பிக்சர்ஸ்' தயாரித்த 'லப்பர் பந்து' படம் கிரிக்கெட் விளையாட்டை மையமாக கொண்ட கதையாகும். இதனை அறிமுக இயக்குனர் தமிழரசன் பச்சமுத்து எழுதி இயக்கியுள்ளார். மேலும் இப்படத்தில் அட்டகத்தி தினேஷ், ஹரிஷ் கல்யாண் ஆகியோர் முன்னணி கதாப்பாத்திரத்தில் நடித்துள்ளனர். படத்தின் டிரைலர் சமீபத்தில் வெளியாகி மக்களிடம் நல்ல வரவேற்பை பெற்றது. மேலும், லப்பர் பந்து வரும் செப்டம்பர் மாதம் 20ஆம் தேதி திரையரங்கில் வெளியாகவுள்ளது. படத்தின் மூன்றாவது பாடலான டம்மா கோலி என்ற பாடல் இன்று வெளியாகவுள்ளதாக படக்குழு அறிவித்துள்ளனர்.

விஜய் மகன் ஜேசன் சஞ்சய் இயக்கும் படத்தின் நாயகன் இவரா?

விஜய் மகன் ஜேசன் சஞ்சய் இப்போது தமிழ் திரையுலகில் இயக்குனராக களம் இறங்குகிறார். ஏற்கனவே இந்த திரைப்படத்தை பிரபல லைகா நிறுவனம் தான் தயாரிக்கிறது என்கின்ற அதிகாரப்பூர்வ அறிவிப்புகள் வெளியான நிலையில், ஜேசன் இயக்கவிருக்கும் அந்த திரைப்படத்தில் நாயகனாக நடிக்க இருப்பது யார் என்கின்ற கேள்வி எழுந்து வந்தது. இந்நிலையில் தற்பொழுது வெளியாகி உள்ள தகவலின்படி பிரபல தெலுங்கு நடிகர் சந்தீப் கிஷன், ஜேசன் சஞ்சய் இயக்கவிருக்கும் முதல் திரைப்படத்தில் நாயகனாக நடிக்க உள்ளதாக தகவல்கள் வெளியாகி உள்ளது.

வேட்டையன் படத்தின் மனசிலாயோ பாடல் வெளியானது!

டி.ஜே.ஞானவேல் இயக்கத்தில் ரஜினிகாந்த் நடித்திருக்கும் திரைப்படம் வேட்டையன். இந்த திரைப்படம் அக்டோபர் 10ஆம் தேதி உலகம் முழுவதும் வெளியாகவுள்ளது. இதற்கான பணிகள் விறுவிறுப்பாக நடைபெற்று வருகின்றன. இப்படத்தில் ரஜினிகாந்திற்காக அனிருத் இசையமைப்பில் உருவாகியுள்ள முதல் பாடல் மனசிலாயோ நேற்று வெளியானது. இப்பாடல் தற்போது டிரெண்டாகி வருகிறது.

ஆர்த்தி- ஜெயம் ரவி விவாகரத்துக்கு இதுதான் காரணமா?

ஜெயம் ரவி, எக்ஸ் தள பக்கத்தில், ஆர்த்தியுடனான திருமண வாழ்க்கையில் இருந்து விலகுவதாக அதிகாரப்பூர்வமாக அறிவித்திருந்தார். இந்த செய்தி திரைத்துறையினரை மட்டுமில்லாமல், அவரின் ரசிகர்களையும் அதிர்ச்சியில் அழ்த்தி உள்ளது. இதுகுறித்து வலைப்பேச்சு அந்தணன் யூடியூப் சேனல் ஒன்றுக்கு பேட்டி அளித்துள்ளார். அதில், ஆர்த்திக்கு ஜெயம்ரவி மீது வந்த சந்தேகம் தான் ஜெயம் ரவி இப்படி ஒரு முடிவை எடுக்க காரணம் என கூறியுள்ளார்.

இன்று 44ஆவது பிறந்தநாளை கொண்டாடிவரும் நடிகர் ஜெயம் ரவி!

நடிகர் ஜெயம் ரவி கோலிவுட்டின் முன்னணி நடிகர்களில் ஒருவர். அவரது இயக்கத்தில் கடைசியாக சைரன் திரைப்படம் வெளியானது. அடுத்ததாக ஜெனி, காதலிக்க நேரமில்லை ஆகிய படங்கள் வரவிருக்கின்றன. சூழல் இப்படி இருக்க அவர் தனது மனைவியை பிரிவதாக நேற்று அதிகாரப்பூர்வமாக அறிவித்து ஷாக் கொடுத்தார். இந்நிலையில் இன்று அவர் தனது 44ஆவது பிறந்தநாளை கொண்டாடிவருகிறார்.

ராதையாக தோன்றிய ஃபோட்டோக்களை டெலிட் செய்த தமன்னா!

நடிகை தமன்னா சமீபத்தில் கண்ணனின் ராதையாக ஒரு ஃபோட்டோஷுட் நடத்தியிருந்தார். அதில் அவரது ஆடை குறித்து ரசிகர்கள் விமர்சித்ததால், தனது வலைப்பக்கத்திலிருந்து அப்படங்கள் மற்றும் வீடியோக்களை நீக்கியுள்ளார் தமன்னா.

நெகட்டிவ் விமர்சனங்களுக்கு இயக்குநர் வெங்கட் பிரபு பதில்!

“தி கோட்” திரைப்படம் குறித்த நெகட்டிவ் விமர்சனங்களுக்கு இயக்குநர் வெங்கட் பிரபு பதிலளித்துள்ளார். அதில் “இவர்கள் (நெகட்டிவ் விமர்சனம் கொடுப்பவர்கள்) கொடுத்தது film review-தானே தவிர.. ஒரு கமிர்ஷியல் பட review இல்லை. இந்த படம் பல திரைப்படத்தின் reference என்றுதான் பேசுகிறார்களே தவிர... இந்த படம் எப்படி வந்துள்ளது என்பது குறித்து யாரும் பேசவில்லை. ஆகவே, எனக்கு இதைப்பற்றிய கவலையே இல்லை.”என தெரிவித்துள்ளார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.