யார் கெத்து? மாஸ் காட்டிய பெண்கள் அணி.. மொக்கை வாங்கிய ஆண்கள் அணி.. இன்றைய எபிசோடில் தரமான சம்பவம் இருக்கு!

பிக்பாஸ் சீசன் 8 நிகழ்ச்சி கடந்த 6ஆம் தேதி தொடங்கியது. மொத்தம் 18 போட்டியாளர்கள் கலந்து கொண்ட நிலையில், கடந்த வாரம் ரவீந்தர் சந்திரசேகர் வெளியேறினார். தற்போது 17 போட்டியாளர்கள் விளையாடி வருகின்றனர்.பிக்பாஸ் நிகழ்ச்சியில், கடந்த வாரம் போட்டியாளர்கள் மக்களை சரியாக என்டர்டெயின் செய்யவில்லை என்று புதிதாக தொகுப்பாளராக களமிறங்கி இருக்கு விஜய்சேதுபதி வறுத்தெடுத்த நிலையில், இந்த வாரம் உஷாரான போட்டியாளர்கள், ஆரம்பம் முதலே ஸ்கோர் செய்யும் வகையில் விளையாட ஆரம்பித்தனர். சிலர் தனியாகவும், பலர் அணியாகவும் தங்களை ஸ்கோர் செய்து கொண்டிருக்கின்றனர்.

ஞாபகம் வருதே ஞாபகம் வருதே

பிக் பாஸ் சீசன் 8 இன் 12 ஆம் நாளின் முதல் ப்ரோமோ தற்போது வெளியாகியுள்ளது. இந்த ப்ரோமோவில் ஆனந்தி ஞாபகம் வருதே ஞாபகம் வருதே என அறிக்கையை வாசிக்கிறார். அதில் ஒவ்வொரு வீட்டில் இருந்தும் மூன்று நபர்கள் இந்த டாஸ்க் விளையாடலாம். மொத்தம் 15 பொருட்கள் லிஸ்டில் இருக்கும். அதனை மனப்பாடம் செய்த பிறகு ஆக்டிவிட்டி ஏரியாவுக்கு சென்று அதே ஆர்டரில் நீங்கள் அடுக்க வேண்டும் என அறிக்கையை வாசிக்கிறார் ஆனந்தி.

பின்னர் முத்துக்குமரன் அதனை முடித்து விட்டேன் பிக் பாஸ் என சொல்ல பின்னர் பிக்பாஸ் யார் கெத்து என்ற இந்த டாஸ்க் ஆண்கள் அணி 24 புள்ளிகளும், பெண்கள் அணிகள் 25 புள்ளிகளும் பெற்று பெண்கள் அணி இந்த டாஸ்கை வெற்றி பெறுகிறார்கள். இதன் மூலம் பெண்கள் அணியில் நாமினேட்டான ஒருவரை காப்பாற்ற முடியும் என பிக்பாஸ் சொல்கிறார்.

இன்றைய எபிசோடில் தரமான சம்பவம்

இதனை கேட்டு பெண்கள் அணி கத்தி கூச்சலிட்டு மகிழ்ச்சியை வெளிப்படுத்துகின்றன. இன்றைய எபிசோடில் தரமான சம்பவம் காத்திருக்கிறது என்பது இதில் இருந்து தெரிகிறது. ஏற்கனவே ஆண்கள் அணி பக்கா பிளான் பண்ணி விளையாட்டை ஆடி வருகின்றனர். தற்போது பெண்கள் அணி வெற்றி பெற்றதால் இனி ஆண்கள் அணி இறங்கி பல டாஸ்க்குகளை பெண்களுக்கு கொடுப்பார்கள் என்று தெரிகிறது. பொறுத்திருந்து பார்ப்போம்.

திறைமைகளை வெளிபடுத்திய போட்டியாளர்கள்

போட்டி போட்டு கொண்டு இருந்த இரு அணிகளும் 12ஆம் நாளான நேற்று ஜாலியாக விளையாடினர். நேற்று போட்டியாளர்கள் பாடல் பாடியதும், நடித்தும் தங்கள் திறைமைகளை வெளிப்படுத்தினர். இதில் தொகுப்பாளர் முத்துக்குமரனின் நடிப்பு வெகுவாக பலரையும் ஈர்த்தது. தொகுப்பாளர் முத்துக்குமரனும், ஆர்.ஜே. ஆனந்தியும் சேர்ந்து சிறிய நாடகத்தை அரங்கேற்றினர். முத்துக்குமரன் சிவாஜி வசனத்தை 4 நிமிடங்கள் பேசினார். காதலும், வீரமும் கலந்த கதை என முத்துக்குமரன் பேசியதும் போட்டியாளர்கள் அனைவரும் மெய்மறந்து கேட்டு கொண்டு இருந்தனர். அவரின் பேச்சி தற்போது சமூக வலைதள பக்கத்தில் வைரல் ஆகி பலரது பாராட்டுக்களை பெற்று வருகிறது.

நடிப்பை பாதியிலேயே நிறுத்திய அன்ஷிதா

திருமணத்துக்குப் பிறகான தம்பதியின் சோக நிகழ்வை நடிகை பவித்ராவும், தீபக்கும் இணைந்து நடித்துக் காண்பித்தனர். இதில் தீபக் நடிப்பு மிக அருமையாக இருந்ததாக பலர் கருத்துக்களை பதிவிட்டு வருகின்றனர்.

அதேபோல விஜே விஷாலும், அன்ஷிதாவும் நடித்தது பலரிடையே சிரிப்பலையையும் ஏற்படுத்தினாலும், அன்ஷிதா உண்மையாக அழுதுகொண்டு நடிப்பை பாதியிலேயே நிறுத்திவிட்டார். தனது நிஜ வாழ்க்கையில் நடந்த சம்பவம் நினைவுக்கு வந்ததால், நடிப்பதை நிறுதிவிட்டு அழத்தொடங்கினார். பிக்பாஸ் வீட்டில் இருந்த போட்டியாளர்கள் அவரை சமாதானம் செய்தனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.