Ajith: இறங்கி வேலை செய்யும் குட் பேட் அக்லி படக்குழு.. விரைவில் வெளிநாடு பறக்கும் அஜித் - மாஸ் அப்டேட்!

Ajith: நடிகர் அஜித் புதிதாக நடித்து வரும் ‘குட் பேட் அக்லி’ படத்தின் மூன்றாம் கட்டப் படப்பிடிப்பு ஸ்பெயினில் நடக்கவுள்ளதாகத் தகவல் வெளியாகியுள்ளது.

தமிழ் சினிமாவில் உச்ச நடிகராக இருக்கும் அஜித்குமாரை வைத்து, மைத்ரி மூவி மேக்கர்ஸ் தயாரித்து வரும் திரைப்படம், ‘குட் பேட் அக்லி’. இப்படம் வரக்கூடிய, 2025ஆம் ஆண்டு ஜூன் மாதம் பொங்கலுக்கு வெளியாகும் என அறிவிக்கப்பட்டுள்ளது. இந்தப் படத்திற்கு தேவிஸ்ரீபிரசாத் இசையமைக்கிறார். இந்நிலையில் படக்குழுவினர் சார்பில், குட் பேட் அக்லி படத்தின் ஃபர்ஸ்ட் லுக் போஸ்டர் மே 19ஆம் தேதி வெளியிடப்பட்டது.

இதில் அஜித்தின் வெவ்வேறு பாணியிலான மூன்று படங்கள் இடம்பெற்றிருந்தன. இதில் நடிகர் அஜித் குமார் கலர் ஃபுல்லான சட்டை அணிந்து, ஸ்டைலான கூலர் கண்ணாடிகளை அணிந்து, கையில் டாட்டூக்களுடன் மாஸாக இருந்தார்.

வெளியான வெவ்வேறு லுக்குகள்:

அதன் பின்னர் படத்தில் இருந்து இரண்டாவது லுக் வெளியிடப்பட்டது. அதில் நாக்கைத்துரத்திக்கொண்டு, அஜித் மாஸாக, கைகளை மடக்கி போஸ் கொடுத்திருந்தார். அதன்பின்னர், சமீபத்தில் திரைத்துறையில் 32 ஆண்டுகளை நிறைவு செய்த அஜித் குமாரின் திரை வாழ்க்கையை கொண்டாடும் விதமாக, குட் பேட் அக்லி படத்தில் இருந்து போஸ்டர் ஒன்று ஆகஸ்ட் 3ஆம் தேதி வெளியிடப்பட்டு இருந்தது.

அந்தப் போஸ்டரில், 32 வருட மனஉறுதி, துணிவு, ஒழுக்கம் மற்று கண்ணியம் ‘குட் பேட் அக்லி’ உடன் பயணம் செய்கிறது என்றும்; இன்னும் பல ஆண்டுகள் உங்கள் புகழ் ஓங்க வாழ்த்துகள் என்றும் குறிப்பிட்டு நடிகர் அஜித் குமாருக்கு வாழ்த்து தெரிவித்து இருக்கிறது.

குட் பேட் அக்லி படத்தின் பட்ஜெட் எவ்வளவு:

விடாமுயற்சி படத்திற்கு இடையே, குட் பேட் அக்லி படத்தில் கமிட் ஆனார் அஜித்குமார். இந்தப்படத்தை அஜித்தின் ரசிகரும், மார்க் ஆண்டனி படம் மூலமாக 100 கோடி ரூபாய் வசூலித்து கொடுத்த இயக்குநருமான ஆதிக் ரவிச்சந்திரன் இயக்கி வருகிறார். இந்தப்படத்தின் முதற்கட்ட படப்பிடிப்பு முடிந்து, அது இரண்டாவது கட்ட படப்பிடிப்பு ஹைதராபாத்தில் முடிந்தது.

இந்தப் படத்தின் பட்ஜெட் ரூ.270 கோடி எனத்தெரிகிறது. அதில் அஜித்தின் சம்பளம் மட்டும் ரூ. 165 கோடி ரூபாயாம். இப்படத்தில் அஜித் மூன்று கட்ட கதாபாத்திரங்களில் நடிப்பதாகத் தகவல்கள் தெரிவிகின்றன. இந்ந்நிலையில், இப்படத்தில் அஜித்துடன் ஜோடியாக தென்னிந்திய சமீபத்திய சென்சேஷனல் நடிகை ஸ்ரீலீலா நடிக்கிறார்.

மேலும், தபுவும் கண்டுகொண்டேன் கண்டுகொண்டேன் படத்துக்குப் பின், அஜித்துடன் ஜோடி சேர்கிறார். மேலும், எஸ்.ஜே. சூர்யா முக்கியக் கதாபாத்திரத்திலும், அரவிந்த் சாமி வில்லன் கதாபாத்திரத்திலும் நடிக்கின்றனர். சமீபத்தில் ‘பிரேமலு’ என்னும் மலையாளப் படத்தில் நடித்து, பலரையும் ஈர்த்த, நஸ்லென் கே.கஃபூர் முதன்முறையாக இந்த நேரடித்தமிழ்ப் படத்தில் நடிக்கிறார். மேலும் தெலுங்கின் முன்னணி நடிகரான சுனிலும் இப்படத்தில் நடிக்கிறார்.

எங்கு தெரியுமா சூட்டிங்:

இந்நிலையில் குட் பேட் அக்லி திரைப்படத்தின், இரண்டு கட்ட படப்பிடிப்பு ஹைதராபாத்தில் நடந்து முடிந்துள்ள நிலையில், அடுத்த கட்டப் படப்பிடிப்பு, ஸ்பெயினில் நடக்கயிருக்கிறது. இதற்காக 70 நாட்கள் சூட்டிங் செய்ய படக்குழு திட்டமிட்டிருக்கிறது. இதில் சில பாடல்காட்சியினையும், சண்டைக்காட்சிகளையும், எடுக்க படக்குழு திட்டமிட்டுள்ளதாகத் தகவல் கிடைத்துள்ளது. இதனால் குட் பேட் அக்லி படத்தின் படக்குழுவினர் ஸ்பெயின் செல்ல உள்ளனர்.

இந்நிலையில் அஜித், திரிஷா, ஆரவ் ஆகியோர் நடித்து மகிழ் திருமேனி இயக்கியிருக்கும், ‘விடாமுயற்சி’ படத்தின் டீஸர் அடுத்த வாரம் வெளியாகவுள்ளதாகத் தகவல் வெளியாகியிருக்கிறது.