Kasthuri: நடிகை அனுராதாவெல்லாம் அப்படி.. கட்டில் அறை காட்சியில் நடித்தால் இப்படி தான் - நடிகை கஸ்தூரி பகீர் பேட்டி

Kasthuri: நடிகை அனுராதா குறித்தும் கட்டில் அறை காட்சி குறித்தும் நடிகை கஸ்தூரி பகீர் பேட்டியளித்துள்ளார்.

இதுதொடர்பாக நடிகை கஸ்தூரி கிங் 24x7 யூட்யூப் சேனலுக்கு அளித்த பேட்டியில் கூறியதாவது, ‘’நடிகையான எங்களுடன் சில பேர் காஃபி குடிக்கலாம்ன்னு கூப்பிடுவாங்க. அப்போது நான் உங்கள் மனைவியையும் கூட்டிட்டு வாங்கன்னு சிரிச்சிட்டே சொல்லிடுவேன். உங்கள் வீட்டுப்பெண்ணிடம் யாராவது இப்படி கேட்டால் எப்படி இருக்கும். எந்தவொரு பெண்ணும் படுக்கிறதுக்காக நடிக்கிறதுக்கு வரவில்லை. இதுக்காகவா காலையில் எழுந்து மேக்கப் போட்டு, கிளீசரின் போட்டு நடிச்சு, இரவுபகல் பாராமல் வெயிலிலும் மழையிலும் நடிக்கிறதுன்னா கிள்ளுக்கீரையா, கவர்ச்சி நடிகை என்றால் அவிழ்த்துப்போட்டு நடிக்கிறதுன்னு நாக்கில் நரம்பில்லாமல் பேசிட்டுப்போயிடுவான்.

ஒரு கவர்ச்சி நடிகையாக இருக்கிறது கண்ணீர் நடிகையாக இருக்கிறதைவிட ரொம்ப ரொம்ப கஷ்டம். அம்மா நடிகையாக இருந்து நீங்கள் பாசமாக இருந்து கூப்பிடுறது ரொம்ப ஈஸி. அதில் நீங்கள் குண்டாக இருக்கலாம். வயதானவர்களாக இருக்கலாம். உருவம் அதில் பிரச்னை கிடையாது.

கவர்ச்சி நடிகைக்கு இருக்கும் சவால்கள்:

கவர்ச்சி நடிகையாக இருக்கிறவங்க அப்படி இல்லை. குறிப்பிட்ட வயதில் இருக்கணும். இளமையான தோற்றம் அளிக்கணும். அதற்கு உடம்பை வொர்க் அவுட் செய்து ஃபிட்டாக வைத்திருக்கணும். சாப்பாடு இல்லாமல், பட்டினி கிடந்து இருக்கணும்.

நடிகை அனுராதா மேடம் பற்றி பிரபு சார் சொல்வார். அவங்க நடிக்க வரும்போது அரை பட்டினியாகவே வருவார்களாம். அதற்காக அப்போதே அவங்க டயட்டில் இருப்பாங்களாம். நடிகை ஸ்ரீதேவி மேடம், சிக்கன் சூப்பில் சிக்கனை தூக்கிப்போட்டுட்டு, அந்த சூப்பை மட்டும் தான் குடிப்பாங்களாம். அதுதான் அவங்க உணவாம்.

நான் எல்லாம் நன்றாக சாப்பிட்டுவிடுவேன். பிறகு வொர்க்-அவுட் பண்ணிக்கலாம்ன்னு சொல்லிடுவேன். அடுத்தது கவர்ச்சி நடிகை கல்யாணம் பண்ணக்கூடாது. பாய் ஃபிரெண்ட் இருக்கக்கூடாதுன்னு சொல்வாங்க. ஏனென்றால், அப்படி கவர்ச்சி நடிகை செய்யும்போது அவர்களின் மீது ரசிகர்களுக்கு இருக்கும் மோகம் குறைஞ்சிடுமாம். எனவே, கவர்ச்சி நடிகை தங்களோட பெர்ஷனல் வாழ்க்கையையும் தியாகம் செய்வாங்க. இப்படி எவ்வளவு இருக்குப் பாருங்க. ஆனால், சில பேர் சொல்வாங்க.. நீ உடல் தெரியிற மாதிரி நடிக்கிற, அதனால் ஒழுக்கம் இருக்காதுன்னு. அது உண்மை கிடையாது.

கவர்ச்சி நடிகைகளின் குடும்ப வாழ்க்கை:

எல்லோரும் கவர்ச்சி நடிகையாகணும்னு வருவதில்லை. நடிகை அனுராதா மேடம், டான்ஸ் மாஸ்டர் சதீஸை கட்டிக்கிட்டாங்க. அவர் இறக்கும்வரை, அனுராதா மேடம் எப்படி பார்த்துக்கிட்டாங்கன்றது தெரியும்.

நடிகைகள் குடும்ப வாழ்க்கைக்கு தகுதியில்லாமல் சொல்றவங்களுக்கு இதெல்லாம் தான் பதில். சினிமா என்றால் பிராத்தலா. படுக்கிறதுக்காகவா சினிமாவுக்கு வராங்க. அப்படி இல்லைங்க. பிறகு எதுக்கு இயக்குநர் ஆகணும்னு ஒருத்தர் வருகிறார். நேரடியாக வாடிக்கையாளர் ஆகிடலாம்ல. தயாரிப்பாளர் ஏன் பணம்போட்டு படம் தயாரிக்கணும். அவர்களுக்கெல்லாம் வேறு வேலை இல்லையா. பொம்பளசோக்கு தான் வேலையா.

என்னை நீ சத்யராஜ்கிட்ட அல்வா வாங்குனவனு தான் சொல்றாங்க. இதை அவர்ட்டபோய் சொல்லச்சொல்லுங்க. இது ஒரு ஆணோட வக்ர மனநிலை. இது உண்மைகிடையாது. நிழல்வேறு நிஜம்வேறு. படத்தில் எத்தனையோ நடிகர்கள் கொலைசெய்யிறாங்க. அப்போது அவர்கள் நிஜத்தில் கொலைகாரர்களா..இல்லையே. பிறகு,பெண்கள் கட்டில் அறை காட்சியில் நடித்தால், உடனே அவர்கள் படுத்தால் என்று எப்படி நீங்கள் கேட்பீர்கள். அது காட்சி. இப்போது கேமராவில் சினிமா முன்னாடி செஞ்சதை, கேமரா பின்னாடி செய்யலாம்ன்னு யாரும் கேட்கமாட்டாங்கங்க. பொதுமக்கள் அப்படி நினைச்சு தவறாக முத்திரை குத்திறாங்க. தமிழ்நாட்டில் சில ஆண்டுகளில் நர்ஸிங் வேலைக்கு பெண்களை அனுப்பமாட்டாங்க.இதுதான் நம் சமூகம்'' என நடிகை கஸ்தூரி நடிகைகள் குறித்தும் நம் சமூகம் குறித்தும் பேசியுள்ளார்.

நன்றி: கிங் 24X7 யூட்யூப் சேனல்!

பொறுப்புத்துறப்பு: இந்தப் பேட்டியில் கூறப்பட்ட கருத்துக்கும் இந்துஸ்தான் டைம்ஸ் நிறுவனத்துக்கும் அதை எழுதியவருக்கும் எந்த தார்மீக உரிமையும் கிடையாது. இது முழுக்க முழுக்க பேட்டியளிப்பவரின் தனிப்பட்ட கருத்து மட்டுமே!