பாத்து பாத்து ரசிச்ச பொன்னுங்க.. இப்படி பண்ணிட்டீங்களே.. குமுறும் ரசிகர்கள்

தமிழ் சினிமாவில் வெளியாகும் படங்களில் சில காலம் கடந்து நம் நினைவுகளில் நிற்கும். எத்தனை முறை ஒரு படத்தை பார்த்தாலும் புதிதாக பார்ப்பது போன்றே இருக்கும். நம் உணர்வுகளில் ஏதோ தாக்கத்தை உண்டு பண்ணியிருக்கும். அப்படிப்பட்ட படம் தான் 2011ம் ஆண்டு ஏ.எல். விஜய் இயக்கத்தில் வெளிவந்த தெய்வத் திருமகள். 

மூளை வளர்ச்சி குறைந்த தந்தையாக நடிகர் விக்ரமும், அவரின் மகளாக பேபி சாராவும் அந்தப் படத்தில் வாழ்ந்திருப்பார்கள். இருவரின் நடிப்பும், மக்களின் கண்களை குளமாக்கின.

பேபி சாரா

பின், தமிழில் சைவம், சில்லுக் கருப்பட்டி, பொன்னியின் செல்வன் போன்ற படங்களில் நடித்த அவர், மலையாளம், தெலுங்கு சினிமாவிலும் தனது கவனத்தை செலுத்தி வந்தார்.

இந்நிலையில் அவர், தற்போது பாலிவுட் படம் ஒன்றில் ஒப்பந்தம் ஆகியுள்ளார். அதுதான் இப்போது ஹாட் டாப்பிக்காக சென்று கொண்டிருக்கிறது. இந்தத் திரைப்படத்தில் கதாநாயகியாக களமிறங்கும் இவருக்கு வயது 19 தான் ஆகிறது. இவர், பாலிவுட் முன்னணி நடிகரான ரன்வீர் சிங்கிற்கு ஜோடியாக நடிக்க உள்ளாராம்.

நெட்டிசன்கள் குமுறல்

இது வெறும் தகவல் மட்டுமே என்ற நிலையிலும் இதை அறிந்த மக்கள் மிகவும் கோபமடைந்துள்ளனர். ரன்வீர் சிங்கின் பேண்ட் பாஜா பாரத் படம் வெளியான சமயத்தில் பேபி சாராவுக்கு வெறும் 5 வயது தான். அப்படி இருக்கையில், அவ்வளவு சிறிய வயது பெண்ணை எப்படி ரன்வீருக்கு ஜோடியாக நடிக்க வைக்கலாம். மகள் வயது பெண்ணுடன் ரன்வீரை டூயட் ஆட வைப்பீர்களா?, நாங்கள் பார்த்து பார்த்து ரசித்த குழந்தை அவர் என பலரும் கொதித்து வருகின்றனர்.

ரன்வீர் சிங் - சாரா நடிக்கும் இந்தப் படத்தில் சஞ்சய் தத், மாதவன் உள்ளிட்டோரும் நடிக்க உள்ளனராம்.

அவரா இவர்?

சிலர் இப்படி சாராவிற்காக குரல் கொடுத்து வரும் நிலையில், சாரா நடித்திருந்த கொட்டேஷன் கேங் படத்தின் புகைப்படங்களையும் பலர் பகிர்ந்து வருகின்றனர். அந்தப் படத்தில் சாரா புகைப்பிடிப்பது போன்ற காட்சிகளில் நடித்திருப்பார். பொன்னியின் செல்வன் படத்தில், சிறுவயது விக்ரமின் ஜோடியாக இவரை நடிக்க வைத்த போதே பலரும் கேலி செய்தனர். ஒரு படத்தில் தனது மகளாக நடித்துவிட்டு, மற்றொரு படத்தில் காதலியாக நடிக்க வைக்கிறார்கள் என நெட்டிசன்கள் கொந்தளித்த நிலையில், இப்போது ரன்வீர் சிங்குடன் நடிப்பதற்கு கொதித்து வருகின்றனர்.

இதற்கிடையில், நடிகை பேபி சாரா இயக்குநர் ஏ.எல் விஜய்யின் அடுத்த படத்தில் கதாநாயகியாக நடிக்க உள்ளதாக தகவல்கள் வெளியாகின. ஆனால், அவை வெறும் தகவலாகவே இருக்கும் நிலையில் தான் தற்போது சாரா பாலிவுட்டில் கதாநாயகியாக அறிமுகமாக உள்ளார். அதுமட்டுமின்றி விரைவில் இந்தப் படத்தின் அறிவிப்பு வெளியாகும் என தெரிவிக்கப்பட்டுள்ளது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்