Anushka Shetty: சத்தமே இல்லாம நடக்கும் திருமண வேலை.. தொழிலதிபரை மணக்கிறாரா அனுஷ்கா?

தமிழ், தெலுங்கு என தென்னிந்திய ரசிகர்களை மொழி வேறுபாடின்றி தனது அழகாலும் நடிப்பாலும் கட்டிப் போட்டவர் நடிகை அனுஷ்கா. இவர் இரு மொழிகளிலும் ஏகப்பட்ட ஹிட் படங்களை கொடுத்துள்ளார். குறிப்பாக, அருந்ததி, சிங்கம், பாகுபலி போன்ற திரைப்படங்களில் இவரது நடிப்பு அனைவராலும் வெகுவாக பாராட்டப்பட்டது.

அவர் தொடர்ந்து ஹிட் படங்களைத் தருவார் என அவரது ரசிகர்கள் எதிர்பார்த்து வந்த நிலையில் அனுஷ்கா உடல் எடை காரணமாக அதிக படங்களில் நடிக்காமல் இருந்தார். இந்நிலையில், அவர் தற்போது தெலுங்கில் முன்னணி இயக்குநரான கிரிஷின் புதிய படத்தில் நடிக்க ஒப்பந்தமாகியுள்ளார். இதற்கான படப்பிடிப்பு தற்போது ஹைதராபாத்தில் தொடங்கியுள்ளது.

இந்த நிலையில், அனுஷ்காவிற்கு துபாயை சேர்ந்த தொழிலதிபர் ஒருவருடன் திருமணம் நடக்க உள்ளதாக தகவல்கள் பரவிய வண்ணம் உள்ளது.

அபார நடிப்பால் அசத்திய பொம்மாயி

அனுஷ்கா தெலுங்கில் வெளியான அருந்ததி படத்தில் இரட்டை கதாபாத்திரத்தில் வெளுத்து வாங்கியிருந்தார். இந்தப் படத்தின் மூலம் தமிழ், தெலுங்கு ரசிகர்களின் மனதை கொள்ளையடித்தார். 90'ஸ் கிட்கள் பயந்து அலரிய பேய் பட லிஸ்ட்டில் அருந்ததி படத்திற்கு முக்கிய பங்கு உண்டு. பொம்மாயி என்ற வார்த்தையை கேட்டாலே அலறியவர்களும் உண்டு. பின் இந்த வெற்றியால் ஹீரோயினுக்கு முக்கியத்துவம் தரும் கதாபாத்திரங்களை தேர்ந்தெடுத்து நடித்து வந்தார்.

சறுக்கிய இஞ்சி இடுப்பழகி

இதன்பின், நடிகர் ஆர்யாவுடன் ஃபிட்னஸ் விழிப்புணர்வு படமான இஞ்சி இடுப்பழகி படத்தில் நடிக்க ஒப்பந்தமானார் அனுஷ்கா. டயட், சைக்கிளிங் போன்ற சின்ன சின்ன செய்கைகளின் மூலமே உடல் எடையை குறைக்க முடியும். ஆனால், பலர் ஜிம், வெயிட் லாஸ் சென்டர் என ஆரம்பித்து மக்களை ஏமாற்றுகின்றி வருகின்றனர் என்பதை விளக்கவே இந்தப் படம் எடுக்கப்பட்டது.

ஆனால், உடல் எடையை வேகமாக ஏற்றிய அனுஷ்காவால் எடையை குறைக்க முடியவில்லை, இதற்காக படத்தில் கூறியவற்றையே செய்து பார்த்தும் வேலைக்கு ஆகாததால் மனமுடைந்தார். பின் எவ்வளவு முயன்றும் உடல் எடையை குறைக்க முடியாமல் திணறினார். ஏன் பாகுபலி 2ம் பாகத்தில் அனுஷ்காவை சிஜி மூலமே உடல் எடை குறைந்தவராக காட்டினர்.

மந்தமான சினிமா வாய்ப்பு

இதற்கிடையில், அனுஷ்காவின் திருமணம் குறித்தும், உடல் எடை குறித்தும் பல தகவல்கள் பரவியதால் அவர் அதிக அளவில் சினிமாவில் கவனம் செலுத்தவில்லை. கடந்த 7 வருடங்களில் அவர் 3 படங்களில் மட்டுமே நடித்துள்ளார்.

இந்த சமயத்தில் தான் முன்னணி தெலுங்கு இயக்குநர் கிரிஷ் உடன் அனுஷ்கா இணைந்து பணியாற்ற தற்போது ஒப்பந்தமாகியுள்ளார். ஆந்திர, ஒடிசா எல்லையில் கஞ்சா கடத்தப்படுவது தொடர்பாக இந்தக் கதை அமைந்துள்ளதாம். இந்தப் படத்திற்கு காட்டி என பெயரிட்டுள்ளது படக்குழு. படத்தின் அறிவிப்பு வெளியாகும் முன்பே சில நாட்கள் படப்பிடிப்பு நடத்தப்பட்டு பின் நிறுத்தப்பட்டதாகவும், தற்போது ஹைதராபாத்தில் மீண்டும் படப்பிடிப்பு தொடங்கி நடந்து வருபதாகவும் படக்குழு தெரிவித்துள்ளது.

திருமண ஏற்பாடுகள் தீவிரம்

இந்த நிலையில் தான், அவர் விரைவில் திருமண பந்தத்தில் இணைய உள்ளார் என்றும். அனுஷ்காவிற்கு 40 வயதைக் கடந்து விட்டது என்பதால், அவரது குடும்பத்தினர் இந்த முறை நிச்சயம் திருமணத்தை நடத்தியே ஆக வேண்டும் என தீர்மானித்துள்ளதாகவும் தகவல்கள் வெளியாகி உள்ளது.

நடிகர் பிரபாஸூம் அனுஷ்காவும் காதலித்து வருவதாக பல ஆண்டுகளாக வதந்திகள் வெளியாகி வரும் நிலையில், தற்போது அனுஷ்காவிற்கு துபாய் தொழிலதிபர் ஒருவருடன் மிக வேகமாக திருமண ஏற்பாடுகள் நடந்து வருகிறார்.

இந்த விஷயம் தொடர்பாக அவரது குடும்பத்தாரிடம் விசாரித்தால், அவர்கள் எந்தப் பதிலும் கூறாமல் நழுவிச் சென்றனராம். இதனால், அனுஷ்காவிற்கு திருமணம் ஆவது உண்மையாக இருக்கலாம் என பலரும் தெரிவித்து வருகின்றனர்.