Chaplin balu: ‘சிநேகிதனே சிநேகிதனே; பிச்சைக்காரி கூட படுத்தா எப்படி? நான் விவேக்ட்ட சொன்ன உடனே சட்டுன்னு’-சார்லின் பாலு!
Jun 15, 2024, 08:21 AM IST
Share
Chaplin Balu: அப்போது எனக்கு ஒரு யோசனை தோன்றியது. அதாவது பிச்சைக்காரியாக இருக்கும் அந்தக்கதாபாத்திரத்துடன் இணையும், விவேக்கின் உடம்பிலும் அழுக்கு இருக்க வேண்டும் அல்லவா? இதையடுத்து அந்த ஐடியாவை நான் அவரிடம் சொன்னேன். - சார்லின் பாலு!
Chaplin Balu:பிரபல நடிகரான சார்லின் பாபு யூத் படத்தில் விவேக்கிற்கும், கோவை சரளாவிற்கும் இடையேயான காமெடி குறித்து பேசி இருக்கிறார்.
இது குறித்து தமிழ்நாடு நவ் யூடியூப் சேனலுக்கு பேசிய அவர், “ யூத் திரைப்படத்தில், விவேக் கோவை சரளா நடித்த ‘சிநேகிதனே’ காமெடி காட்சி, மக்கள் மத்தியில் அவ்வளவு பெரிய வரவேற்பை பெற்றது. அந்த காட்சியில், விவேக்கும் கோவை சரளாவும் ஒன்றாக இருந்த பின்னர், இனிமேல் உன் வாழ்க்கையே இருட்டுதான்டா என்று கூறி, நான் லைட்டை ஆன் செய்ய வேண்டும். அந்த காட்சியில் முதலில் கோவை சரளா மட்டும்தான் பிச்சைக்காரி போன்று அழுக்காக இருந்தார்.
அப்போது எனக்கு ஒரு யோசனை தோன்றியது. அதாவது பிச்சைக்காரியாக இருக்கும் அந்தக்கதாபாத்திரத்துடன் இணையும், விவேக்கின் உடம்பிலும் அழுக்கு இருக்க வேண்டும் அல்லவா? இதையடுத்து அந்த ஐடியாவை நான் அவரிடம் சொன்னேன். அவர் அதனை உடனே ஏற்றுக்கொண்டார்.
தொடர்ந்து, அவர் மேலே கரியையும் பூசிக்கொண்டார். உண்மையில், அந்தப்படத்தில் எனக்கும் அவருக்கும் சம அளவிலான கேரக்டர். அப்போது அவர் மார்க்கெட்டின் உச்சத்தில் இருந்தார். ஆனாலும் அதனை விவேக் பெரிதாக எடுத்துக்கொள்ளாமல் கேட்டு நடித்தார். உண்மையில் கடவுள் என்ற ஒருவர் இருந்தால், அது அவரது ரூபத்தில்தான் இருப்பார். அதனால்தானோ என்னமோ கடவுள் வரை சீக்கிரமே அழைத்துக்கொண்டு சென்று விட்டார். ” என்று பேசினார்.
நடிகர் சார்லின் பாலு தமிழ்நாடு நவ் சேனலுக்கு கொடுத்த பேட்டியில் வடிவேலு பற்றி பேசி இருந்தார். அந்த பேட்டியும் இங்கே!
இது குறித்து அவர் பேசும் போது, “நான்தான் சினிமா என்று யாரும் நினைக்கவே கூடாது. அது, அவர்களை தவறான இடத்திற்கு அழைத்துச் சென்று விடும். ‘பூந்தோட்டம்’ திரைப்படத்தில் உங்களுக்கு எல்லாம் தெரிந்த அந்த காமெடி நடிகர், என்னுடைய கேரக்டரை பிடுங்கி நடித்தார். ஆம், பூந்தோட்டம் திரைப்படத்தில் எனக்கு 10 நாட்கள் ஷூட்டிங் என்று கூறியிருந்தார்கள். இதையடுத்து நான் ஷூட்டிங் ஸ்பாட்டிற்கு சென்றிருந்தேன்.
வடிவேலுவின் கோரமுகம்
எனக்கு எதிர்புறமாக அந்த நடிகர் உட்கார்ந்து இருந்தார். அவரை பார்த்த போது, அவர் கொஞ்சம் கோபமாக இருக்கிறார் என்பது தெரிந்தது. அதை பார்த்த உடனேயே, நான் அவரிடம் சென்று, ஏன் கோபமாக இருக்கிறீர்கள் என்று கேட்டேன். முதலில் அவர் பிடி கொடுக்கவில்லை. அடுத்ததாக ஒரு பேப்பரை எடுத்து, அந்தப்படத்தில் இடம் பெற்ற முக்கியமான நடிகர்களின் பெயர்களை எழுத சொல்லி, அந்தப்பட்டியலில் தான் இல்லை என்பதை கூறினார்.
அதாவது, நான் கமிட் ஆகி இருந்த கேரக்டரை அவர்தான் செய்ய வேண்டும் என்று மறைமுகமாக சொன்னார். இதைக்கேட்ட எனக்கு அழுகையாக வந்துவிட்டது. அடுத்த நாள் பார்த்தால், அந்த கேரக்டர் அவருக்கு சென்று விட்டது. இந்த நிலையில், அந்தப்டப்பிங் ஸ்டியோவிற்கு என்னை அழைத்து இருந்தார்.
அங்கு சென்று பார்த்த பொழுது, அந்த கேரக்டரை காண்பித்து செல்லம்… இந்த கேரக்டரை நீ செய்வதாக இருந்தாயாமே, இது எனக்கு தெரிந்திருந்தால், நான் அந்த கேரக்டரை செய்திருக்கவே மாட்டேனே என்று சொன்னார். அதற்காக நான் அவர் மீது கோபப்படவோ, பொறாமைப்படவோ இல்லை. ஆனால், அதை அவர் எப்போது கூறி இருக்க வேண்டும். அவர் அந்த கேரக்டரை நன்றாக செய்யவில்லை. உள்ளார்ந்து நடிக்க வில்லை.” என்று பேசினார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
டாபிக்ஸ்