Vidaamuyarchi: பொறுத்தது போதும்... வந்தது விடாமுயற்சி ரிலீஸ் அப்டேட்… டிரீட் கொடுத்த அர்ஜூன்

நடிகர் அஜித்தின் ரசிகர்கள் துணிவு திரைப்படத்திற்கு பின் அவரது அடுத்த திரைப்படம் எப்போது திரைக்கு வரும் என எதிர்பார்த்து காத்திருக்கின்றனர். அவர்களை ஆறுதல் படுத்தும் விதமாக விடாமுயற்சி திரைப்படம் வெளியாகும் தேதி குறித்து நடிகர் அர்ஜூன் அப்டேட் ஒன்றை அறிவித்துள்ளார்.

இயக்குநர் மகிழ்திருமேனி- நடிகர் அஜித் கூட்டணியில் உருவாகிவரும் திரைப்படம் விடாமுயற்சி. லைகா புரொடக்சன் தயாரிக்கும் இத்திரைப்படத்தில், திரிஷா, அர்ஜூன், ரெஜினா காசாண்ட்ரா, ஆரவ் உள்ளிட்டோர் நடித்துள்ளனர்.

பிரச்சனையால் நின்ற படப்பிடிப்பு

இத்திரைப்படத்திற்கான படப்பிடிப்பு பணிகள் கடந்த ஆண்டு தொடங்கிய நிலையில், படப்பிடிப்பு பல்வேறு காரணங்களுக்காக நடத்தப்படாமலே இருந்தது. பின்னர், படக்குழு போஸ்டர்கள் மட்டும் வெளியிட்டு வந்த நிலையில், படப்பிடிப்புத் தளத்தில் எடுத்த வீடியோவை ஆரவ் சோசியல் மீடியாவில் பகிர்ந்தார். இதன்பின், இப்படத்திற்கான எதிர்பார்ப்பு மீண்டும் அதிகரிக்கத் தொடங்கியது.

இதற்கிடையில், நடிகர் அஜித், குட்பேட்அக்லி திரைப்படத்தின் படப்பிடிப்பு பணியில் கலந்துகொண்டார். இதனால், விடாமுயற்சி படத்தின் அனைத்து படப்பிடிப்புகளும் நிறைவடைந்து விட்டதாக ரசிகர்கள் பலரும் கருத்து தெரிவித்து வந்தனர்.

படம் எப்போது ரிலீஸ்

மேலும், இத்திரைப்படம் வரும் தீபாவளிக்கே ரிலீஸ் ஆகும் எனவும் கூறிவந்தனர். ஆனால், படக்குழு இதுதொடர்பாக எந்த அறிவிப்பும் வெளியிடாததால், ரசிகர்கள் மீண்டும் ஏமாற்றம் அடைந்தனர். இதைத்தொடர்ந்து, விடாமுயற்சி படத்தில் இன்னும் சில காட்சிகள் மட்டும் படமாக்கப்பட வேண்டும். இதன் போஸ்ட் புரொடக்ஸன் பணிகள் தற்போது நடைபெற்று வருகிறது என்ற தகவல் வெளியானது.

நடிகர் அர்ஜூன் உறுதி

இதனை உறுதி செய்யும் விதமாக, நிகழ்ச்சி ஒன்றில் பங்கேற்ற நடிகர் அர்ஜூன், சமீபத்தில் தான் விடாமுயற்சி படத்தின் கிளைமாக்ஸ் காட்சியில் நடித்து முடித்தோம். இதைத்தொடர்ந்து படத்தின் இறுதிகட்ட பணிகள் வேகமாக நடந்து வருகிறது. இதனால், திரைப்படம் வரும் டிசம்பர் மாதத்தில் திரைக்கு வரும் எனக்கூறி ரசிகர்களை மகிழ்ச்சியில் ஆழ்த்தியுள்ளார்.

இருப்பினும், டிசம்பர் மாதம் படத்தை ரிலீஸ் செய்வதில் பிரச்சனை ஏற்பட வாய்ப்புள்ளது. இதனால், அடுத்த ஆண்டு ஜனவரி மாதம் பொங்கலை ஒட்டி படம் ரிலீஸாக வாய்ப்புள்ளது என சினிமா வட்டாரத்தில் தகவல் பரவி வருகிறது.

முன்னதாகவே ரிலீஸாகுமா குட் பேட் அக்லி

சினிமா வட்டாரங்களின் இந்த தகவலால், அடுத்த ஆண்டு ஜனவரி மாதம் பொங்கலுக்கு ரிலீஸ் ஆகும் என எதிர்பார்க்கப்பட்ட அஜித்தின் குட் பேட் அக்லி திரைப்படத்தின் ரிலீஸும் தள்ளிப்போக வாய்ப்பு உள்ளது. இதனால், இத்திரைப்படம் அடுத்த ஆண்டு மே மாதம் நடிகர் அஜித்தின் பிறந்த நாளுக்கு ரிலிஸ் ஆகலாம் எனவும் தகவல்கள் உலா வருகிறது. இதனால் ரசிகர்கள் இரண்டில் ஏதேனும் ஒரு படம் விரைவில் வெளியாக வேண்டும் என்ற எதிர்பார்ப்பில் உள்ளனர்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/ பொருள் /அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.