அஜித் சார்..இது உங்களுக்காக, உங்களால்தான்.. குட் பேட் அக்லீ படத்தில் இணையும் வில்லாதி வில்லன்.. நெகிழ்ச்சி பதிவு!

அஜித் தற்போது நடித்து வரும் குட் பேட் அக்லீ படம் விறுவிறுப்பாக ஷூட்டிங் செய்யப்பட்டு வருகிறது. அடுத்த வருடத்தின் தொடக்கத்தில் இந்த படம் திரைக்கு வரும் என எதிர்பார்க்கப்படுகிறது. இந்த படத்தில் அஜித்துக்கு ஜோடியாக த்ரிஷா நடித்து வருகிறார். என்னை அறிந்தால் படத்திற்கு பிறகு இந்த ஜோடி மீண்டும் இணைந்திருக்கிறது. மேலும் பிரசன்னாவும் ஒரு முக்கிய ரோலில் நடித்து வருகிறார்.

தமிழ் சினிமாவில் உச்ச நடிகராக இருக்கும் அஜித்குமாரை வைத்து, மைத்ரி மூவி மேக்கர்ஸ் தயாரித்து வரும் திரைப்படம், ‘குட் பேட் அக்லி’. இப்படம் வரக்கூடிய, 2025ஆம் ஆண்டு பொங்கலுக்கு வெளியாகும் என அறிவிக்கப்பட்டுள்ளது. இந்தப் படத்திற்கு தேவிஸ்ரீபிரசாத் இசையமைக்கிறார். இந்நிலையில் படக்குழுவினர் சார்பில், குட் பேட் அக்லி படத்தின் ஃபர்ஸ்ட் லுக் போஸ்டர் மே 19ஆம் தேதி வெளியிடப்பட்டது.

கையில் டாட்டூக்களுடன் மாஸாக அஜித்

இதில் அஜித்தின் வெவ்வேறு பாணியிலான மூன்று படங்கள் இடம்பெற்றிருந்தன. இதில் நடிகர் அஜித் குமார் கலர் ஃபுல்லான சட்டை அணிந்து, ஸ்டைலான கூலர் கண்ணாடிகளை அணிந்து, கையில் டாட்டூக்களுடன் மாஸாக இருந்தார்.

அதன் பின்னர் படத்தில் இருந்து இரண்டாவது லுக் வெளியிடப்பட்டது. அதில் அஜித் மாஸாக, கைகளை மடக்கி போஸ் கொடுத்திருந்தார். அதன்பின்னர், சமீபத்தில் திரைத்துறையில் 32 ஆண்டுகளை நிறைவு செய்த அஜித் குமாரின் திரை வாழ்க்கையை கொண்டாடும் விதமாக, குட் பேட் அக்லி படத்தில் இருந்து போஸ்டர் ஒன்று ஆகஸ்ட் 3ஆம் தேதி வெளியிடப்பட்டு இருந்தது.

‘குட் பேட் அக்லி’ உடன் பயணம்

அந்தப் போஸ்டரில், 32 வருட மனஉறுதி, துணிவு, ஒழுக்கம் மற்று கண்ணியம் ‘குட் பேட் அக்லி’ உடன் பயணம் செய்கிறது என்றும்; இன்னும் பல ஆண்டுகள் உங்கள் புகழ் ஓங்க வாழ்த்துகள் என்றும் குறிப்பிட்டு நடிகர் அஜித் குமாருக்கு வாழ்த்து தெரிவித்து இருக்கிறது.

அர்ஜுன் தாஸ் நெகிழ்ச்சி பதிவு

இந்நிலையில் தற்போது அர்ஜுன் தாஸ் இந்த படத்தில் அஜித் உடன் நடித்து இருப்பது பற்றி நெகிழ்ச்சியாக பதிவிட்டு இருக்கிறார். அப்பதிவில் "சினிமா வாய்ப்பு தேடி சென்னை வந்த புதிதில், அஜித்தின் மேனேஜர் சுரேஷ் சந்திரா டீமில் பணியாற்ற வாய்ப்பு கிடைத்தது. அதன் மூலமாக பல இயக்குனர்கள் மற்றும் தயாரிப்பாளர்களை சந்தித்து வாய்ப்பு தேட முடிந்தது. அஜித் சார் உடன் மிக நெருக்கமாக பணியாற்றி இருக்கிறேன். அவரது ஷூட்டிங் செட் செல்வது, ப்ரோமோஷன், மார்க்கெட்டிங் செய்வது போன்ற பல வேலைகள் செய்திருக்கிறேன். வீரம் படத்தின் டீஸர் அப்லோடு செய்ததே நான் தான். 

இத்தனை வருடங்களாக மாறாமல் இருப்பது அஜித் சாரின் கருணையும் பெருந்தன்மையும் தான். அவர் செய்ய வேண்டிய அவசியம் இல்லை, ஆனால் அவர் தனது ஒவ்வொரு படத்திலும் எனக்காக எப்போதும் ஒரு வார்த்தையை வைத்தார். மாஸ்டருக்குப் பிறகு அவர் என்னைக் கூப்பிட்டு "அர்ஜுன் நாம் விரைவில் ஒன்றாக வேலை செய்வோம்" என்று சொன்னது எனக்கு இன்னும் நினைவிருக்கிறது. அது இறுதியாக நடந்ததில் நான் உண்மையிலேயே மகிழ்ச்சியடைகிறேன். நான் அவருடன் திரையைப் பகிர்ந்து கொள்கிறேன். இது ஒரு கனவு நனவாகும் தருணம்.

அஜித் சார், இது உங்களுக்காக, உங்களால்தான்

அஜித் சாருடன் எப்போது படம் செய்வேன் என்று எப்போதும் என்னிடம் கேட்கும் அஜீத் சாரின் ரசிகர்களிடம் - இது தான் பதில் என்று நினைக்கிறேன். அனைத்து ஆதரவுக்கும் அன்புக்கும் நன்றி. இந்த படத்திற்கான நான் என்னை முழுவதுமாக அர்பணிப்பேன். ஆதிக் அண்ணா, என் மீது நம்பிக்கை வைத்ததற்கு நன்றி. மைத்ரி மூவி, வாய்ப்புக்கு நன்றி. எப்போதும் போல் உங்கள் அனைவரின் ஆசியும் ஆதரவும் வேண்டும். அஜித் சார், இது உங்களுக்காக, உங்களால்தான். விரைவில் திரையரங்குகளில் சந்திப்போம்” என அர்ஜுன் தாஸ் நெகிழ்ச்சியுடன் பதிவிட்டுள்ளார்.