விஜய் மாஸ் ஹீரோவாக உருவான நாள்..அஜித்தின் அட்டர் பிளாப்! தமிழில் இன்று வெளியான படங்கள் லிஸ்ட்
விஜய் மாஸ் ஹீரோவாக உருவான நாள், அஜித்தின் அட்டர் பிளாப் படம், பாலா இயக்கத்தில் அனைத்து தரப்பு ரசிகர்களாலும் கொண்டாடப்பட்ட படம் என தமிழில் இன்று வெளியான படங்கள் பற்றி தெரிந்து கொள்ளலாம்.
தமிழ் சினிமா ரிலீஸ்களில் இன்றைய நாள் முக்கியாமான நாளாக இருந்துள்ளது. தளபதி விஜய் ஆக்ஷன் ஹீரோவாக உருவெடுத்த நாளாக உள்ளது. விஜய் பஞ்ச் வசனம் பேசி, தனக்கென தனியொரு ஸ்டைல், லுக்குடன் தோன்றிபக்கா மாஸ் ஹீரோவாக மாறிய திருமலை படம் இன்றுதான் வெளியாகியுள்ளது. அக்டோபர் 24ஆம் தேதியான இன்று தமிழில் வெளியான படங்கள் எவையெல்லாம் என்பதை பார்க்கலாம்
உத்தமபுத்திரன்
உத்தமபுத்திரன் என்றாலே பலருக்கு நினைவுக்கு வரும் படமாக தனுஷ், ஜெனிலியா, விவேக் நடித்த பேமிலி எண்டர்டெயின்மெண்ட் படம் தான் உள்ளது. ஆனால் பிளாக் அண்ட் ஒயிட் காலத்திலேயே உத்தமபுத்திரன் என்ற பெயரில் வரலாற்று படம் வெளியாகி சூப்பர் ஹிட்டானது. நிற்க, சிவாஜி கணேசன் நடிப்பதற்கு முன்னரே அதே உத்தமபுத்திரன் என்ற டைட்டிலுடன் சிவாஜி நடித்த படத்தின் கதையில், பி.யு. சின்னப்பா, எம்.வி. ராஜம்மா, என்.எஸ். கிருஷ்ணன், டி.ஏ. மதுரம, டி.எஸ். பாலையா உள்பட பலர் நடித்து 1940இல் உத்தமபுத்திரன் ஒரிஜினல் வெர்ஷன் வெளியானது. அந்த டைட்டிலுடன் வெளியான முதல் படத்தை டி. ஆர். சுந்தரம் இயக்கியுள்ளார்.
தமிழில் ஹீரோ இரட்டை வேடங்களில் நடித்த முதல் படம் என்ற பெருமையை பெற்றது இந்த படம். அத்துடன் ஹீரோவாக இரட்டை வேடங்களில் நடித்த முதல் நடிகர் என பெயரையும் பி.யு. சின்னப்பா பெற்றார்.