World Cup 2023: அரையிறுதி வாய்ப்பை தக்க வைக்கும் போட்டியில் நெதர்லாந்து பேட்டிங்
Nov 03, 2023, 05:14 PM IST
Share
World Cup 2023, AFG vs NED Toss: ஸ்பின் பவுலர்களுக்கு நன்கு கைகொடுக்கும் லக்னோ ஆடுகளத்தில் நெதர்லாந்து, ஆப்கானிஸ்தான் என இரு அணிகளும் கூடுதல் ஸ்பின்னர்களுடன் களமிறங்குகின்றன. இன்றைய போட்டியானது இரண்டு அணிகளுக்கும் அரையிறுதிக்கான ரேஸ் ஆக அமைந்துள்ளது.
உலகக் கோப்பை தொடரின் 34வது போட்டி நெதர்லாந்து - ஆப்கானிஸ்தான் அணிகளுக்கு இடையே லக்னோவிலுள்ள ஏகானா மைதானத்தில் நடைபெறுகிறது. இதில் டாஸ் வென்ற நெதர்லாந்து அணி கேப்டன் ஸ்காட் எட்வர்ட்ஸ் பேட்டிங்கை தேர்வு செய்துள்ளார்.
நெதர்லாந்து அணியின் ஓபனிங் பேட்ஸ்மேனானவிக்ரம்ஜித் சிங், ஸ்பின்னர் ஷாரிஸ் அகமது ஆகியோருக்கு பதிலாக ரோலோஃப் வான் டெர் மெர்வே, சாகிப் சுல்பிகர் ஆகியோர் சேர்க்கப்பட்டுள்ளனர். ஆப்கானிஸ்தான் அணியில் நவீன் உல் ஹக்குக்கு பதிலாக கூடுதல் ஸ்பின்னர் நூர் அகமது சேர்க்கப்பட்டுள்ளார்.
இந்த இரண்டு அணிகளும் முதல் முறையாக உலகக் கோப்பை போட்டிகளில் இன்று மோதுகின்றன. இன்றைய போட்டியில் வெற்றி பெறும் அணி அரையிறுதிக்கான வாய்ப்பை உறுதிபடுத்தி கொள்ளலாம் என்கிற சூழலில் பலப்பரிட்சை செய்கிறது. எனவே வெற்றிக்கணக்கை தொடங்கப்போவது யார் என்கிற எதிர்பார்ப்பை ஏற்படுத்தும் போட்டியாக
இன்றைய போட்டியில் களமிறங்கு இரு அணிகளின் விவரம்
ஆப்கானிஸ்தான்: ரஹ்மானுல்லா குர்பாஸ், இப்ராஹிம் ஜத்ரன், ரஹ்மத் ஷா, ஹஷ்மத்துல்லா ஷாகிதி (கேப்டன்), அஸ்மத்துல்லா உமர்சாய், இக்ரம் அலிகில் (விக்கெட் கீப்பர்), முகமது நபி, ரஷித் கான், முஜீப் உர் ரஹ்மான், நூர் அகமது, ஃபசல்ஹாக் ஃபரூக்கி
நெதர்லாந்து: மேக்ஸ் ஓ டவுட், வெஸ்லி பாரேசி, கொலின் அக்கர்மேன், சைப்ராண்ட் ஏங்கல்பிரெக்ட், ஸ்காட் எட்வர்ட்ஸ் (கேப்டன் மற்றும் விக்கெட் கீப்பர்), பாஸ் டி லீட், சாகிப் சுல்பிகர், லோகன் வான் பீக், ரோலோஃப் வான் டெர் மெர்வே, ஆர்யன் தட், பால் வான் மீகெரென்
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்