World Cup 2023: இலங்கை பவுலர்களை புரட்டி எடுக்கும் இந்தியா! கோலி, கில் அரைசதம்

உலகக் கோப்பை தொடரின் 33வது போட்டி இந்தியா - இலங்கை அணிகளுக்கு இடையே மும்பை வான்கடே மைதானத்தில் நடைபெறுகிறது. இதில் டாஸ் வென்ற இலங்கை அணி கேப்டன் குசால் மெண்டிஸ் பவுலிங்கை தேர்வு செய்துள்ளார்.

இலங்கை அணியில் ஆல்ரவுண்டர் தனஞ்ஜெய டி சில்வாவுக்கு பதிலாக லெக் ஸ்பின்னர் துஷன் ஹேமந்தா சேர்க்கப்பட்டுள்ளார். இந்திய அணியில் எந்த மாற்றமும் செய்யப்படாமல் அதே காம்பினேஷனுடன் களமிறங்கியுள்ளது.

இந்திய அணியில் ஓபனர்களாக ரோஹித் ஷர்மா - சுப்மன் கில் ஆகியோர் பேட் செய்தனர். ஆட்டத்தின் முதல் ஓவரில் முதல் பந்தில் பவுண்டரின் ரன் குவிப்பை தொடங்கினார் ரோஹத் ஷர்மா. இதன் பின்னர் இரண்டாவது பந்திலேயே கிளீன் போல்டு ஆகி வெளியேறினார் ரோஹித்.

ரோஹித் ஷர்மாவுக்கு இடது கை வேகப்பந்து வீச்சாளர்கள் தலைவலியாக இருந்து வரும் நிலையில், உலகக் கோப்பை 2023 தொடரில் சிறப்பாக செயல்பட்டு வரும் இடது கை வேகப்பந்து வீச்சாளரான மதுஷங்காவிடம் தனது விக்கெட்டை பறிகொடுத்தார். இதனால் 4 ரன்களின் முதல் விக்கெட், முக்கிய விக்கெட்டை இழந்து இந்தியாவுக்கு நெருக்கடி ஏற்பட்டது.

பின்னர் வந்த கோலியும், ரோஹித் போல் பவுண்டரியுடன் தனது ரன் குவிப்பை தொடங்கினார். முதல் ரன் அடிக்க 7 பந்துகளை எதிர்கொண்ட கில், 8வது பந்தில் பவுண்டரி அடித்து முதல் ரன் அடித்தார். இந்திய டாப் ஆர்டர் பேட்ஸ்மேன்கள் மூன்று பேரும் தங்களது முதல் ரன்களை பவுண்டரியுடன் அடித்தனர்.

ஆட்டத்தின் 4.5 ஓழரில் கில் பயிண்ட் திசையில் அடித்த பந்தை கேட்ச் பிடிக்காமல் தவறவிட்டார் அசலங்கா. கில் அப்போது 9 ரன்கள் அடித்திருந்தார். இதைத்தொடர்ந்து ஆட்டத்தின் 5.1 ஓவரில் கோலி கொடுத்து ரிட்டர்ன் கேட்ச் வாய்ப்பை தவறவிட்டார் சமீரா. கோலி அப்போது 10 ரன்கள் அடித்திருந்தார்.

கில், கோலி ஆகியோர் தங்களுக்கு கிடைத்த அதிர்ஷ்டத்தை நன்கு பயன்படுத்தி விளையாடிய ரன் குவிப்பில் ஈடுபட்டனர். ஆட்டத்தின் 8.3 ஓவரில் இவர்கள் 50 ரன்கள் பார்ட்னர்ஷிப் அமைத்தனர். பிரதான பவர்பளே முடிவில் இந்தியா ஒரு விக்கெட் இழப்புக்கு 60 ரன்கள் எடுத்தது.

ஆட்டத்தின் 16.1 ஓவரில் கோலி தனது அரைசதத்தை பூர்த்தி செய்தார். 50 பந்துகளில் 50 ரன்களை எடுத்த அவர் தனது இன்னிங்ஸில் 8 பவுண்டரிகளை அடித்தார். 

இதன்பின்னர் ஆட்டத்தின் 18.3 ஓவரில் பவுண்டரியுடன் சுப்மன் கில்லும் தனது அரைசதத்தை பூர்த்தி செய்தார். கில் 55 பந்துகளில் 52 ரன்கள் எடுத்த நிலையில், தனது இன்னிங்ஸில் 7 பவுண்டரிகளை அடித்தார்.

20 ஓவர் முடிவில் இந்தியா ஒரு விக்கெட் இழப்புக்கு 120 ரன்கள் எடுத்துள்ளது. கில் 53, கோலி 54 ரன்களுடன் விளையாடி வருகின்றனர்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9