David Warner: சிட்னி மைதானத்தில் கெத்தாக ஹெலிஹாப்டரில் வந்து இறங்கிய வார்னர்! ஏன் தெரியுமா?

ஆஸ்திரேலியா கிரிக்கெட் அணியில் முக்கிய வீரராக இருந்து வந்தவர் டேவிட் வார்னர். அதிரடி ஓபனிங் பேட்ஸ்மேனாகவும், மிரட்டலான பீல்டராகவும் டெஸ்ட், ஒரு நாள், டி20 என மூன்று வகை போட்டிகளிலும் அணிக்கு சிறப்பான பங்களிப்பை அளித்துள்ளார்.

கடந்த வாரம் நடைபெற்று முடிந்த பாகிஸ்தான் அணிக்கு எதிரான உள்ளூர் டெஸ்ட் தொடருடன் ஓய்வை அறிவித்தார். சர்வதேச கிரிக்கெட்டிலிருந்து ஓய்வு பெற்ற போதிலும் தொடர்ந்து பிரான்சைஸ் கிரிக்கெட் விளையாடுவேன் என தெரிவித்திருந்தார்.

அதன்படி ஆஸ்திரேலியாவில் தற்போது நடைபெற்று வரும் பிபிஎல் என்று அழைக்கப்படும் பிக் பேஷ் லீக் 2023-24 சீசனில் சிட்னி தண்டர்ஸ் அணிக்காக விளையாடுகிறார் வார்னர். இதையடுத்து உலக புகழ் பெற்றி சிட்னி கிரிக்கெட் மைதானத்தில் நடைபெற இருந்த சிட்னி தண்டர்ஸ் - சிட்னி சிக்ஸர்ஸ் அணிகள் மோதும் போட்டியில் பங்கேற்பதற்காக மைதானத்தில் ஹெலிகாப்டரில் வந்து இறங்கி கெத்தாக என்ட்ரி கொடுத்துள்ளார்.

தனது சகோதரர் திருமணத்தில் இருந்து திரும்பிய வார்னர், ஹெலிகாப்டரில் நேரடியாக மைதனத்தில் அவுட் பீல்ட் பகுதியில் தரையிறங்கி, கீழே இறங்கினார். இதுதொடர்பான விடியோ சமூக வலைத்தளங்களில் வெளியாகி வைரலாகியுள்ளது.

பிபிஎல் தொடரில் விளையாடுவது பற்றி வார்னர் கூறியதாவது:

"பிக் பேஷ் தொடரில் திரும்பவதற்கு போதிய இப்படி வந்து இறங்கியிருப்பது போதுமானதாக இருக்கும். இதை போல் தொடரில் ரன் குவிப்பிலும் ஈடுபடுவேன் என நம்புகிறேன்.

நான் ரன்கள் குவிக்காமல் போனால் வருத்தத்தை ஏற்படுத்தலாம். ஆனால், இது பிபிஎல் தொடராக இல்லாமல் ஆஸ்திரேலியா நாட்டின் கிரிக்கெட் தொடராக இருப்பதால் என பங்களிப்பை கட்டாயம் அளிக்க வேண்டும். நான் ரசிகர்களுக்கு சிறந்த பொழுதுபோக்கை அளிக்க விரும்புகிறேன். அடுத்த மூன்று போட்டிகளில் எனது அணி வெற்றி பெறுவதற்கு அனைத்து உதவிகளையும் செய்வேன்" என்றார்.