David Warner Century: விமர்சனங்களுக்கு பதிலடி.. 26வது டெஸ்ட் சதம் விளாசிய வார்னர்
Jan 06, 2024, 03:41 PM IST
Share
Aus vs Pak 1st Test: பாகிஸ்தானுக்கு எதிரான தொடக்க டெஸ்டின் முதல் நாளில் வார்னர் ஒரு அற்புதமான சதத்தை விளாசினார், இதனால் டெஸ்ட் வடிவத்தில் அவரை அணியில் இருந்து வெளியேற்ற வேண்டும் என்று விமர்சகர்களை அமைதிப்படுத்தினார்.
ஆஸ்திரேலியாவின் நட்சத்திர தொடக்க ஆட்டக்காரர் டேவிட் வார்னர் பாகிஸ்தானுக்கு எதிரான தொடரின் தொடக்க ஆட்டத்தின் போது 26 வது டெஸ்ட் சதத்தை அடித்து தனக்கு எதிரான விமர்சனங்களுக்கு பதிலடி கொடுத்தார்.
பாகிஸ்தான் தொடர்தான் வார்னரின் கடைசி டெஸ்ட் தொடர் என கருதப்படுகிறது. இந்நிலையில், இன்று காலை பெர்த் நகரில் திட்டமிட்டப்படி போட்டி தொடங்கியது. ஆஸ்திரேலியா டாஸ் வென்று பேட்டிங் செய்தது.
தொடக்க ஆட்டக்காரராக களம் புகுந்த வார்னர் ஆக்ரோஷமான ஆட்டத்தை தொடக்கம் முதலே வெளிப்படுத்தினார், 211 பந்துகளில் 164 ரன்கள் எடுத்திருந்தபோது அவர் ஆட்டமிழந்தார். இந்த சதம் அவரது 26வது டெஸ்ட் சதம் ஆகும்.
ஒரு பிட்ச் பவுன்ஸ் வழங்கும் சவால்களை எதிர்கொண்ட போதிலும், வார்னர் தனது அனுபவத்தை பயன்படுத்தி சிறப்பாக விளையாடினார். வெறும் 41 பந்துகளில் தனது அரை சதத்தை எட்டினார். மதிய உணவுக்குப் பிறகு அவரது ஸ்டிரைக் ரேட் குறைந்தபோது, அவர் 26வது டெஸ்ட் சதத்தை பதிவு செய்தார்.
வார்னர் சதம் விளாசியபோது ரசிகர்கள் கைதட்டி உற்சாகப்படுத்தினர்.
ஒட்டுமொத்தமாக இது வார்னரின் 48வது சர்வதேச சதமாகும், இது ரிக்கி பாண்டிங்கிற்கு (71) பிறகு அனைத்து வடிவங்களிலும் ஆஸ்திரேலியாவுக்காக இரண்டாவது அதிக சதம் அடித்தவர் ஆனார் வார்னர். விமர்சனங்கள் இருந்தபோதிலும், ஆஸி. தொடக்க ஆட்டக்காரர் வார்னர் கடந்த சில மாதங்களுக்குப் பிறகு அதிக நம்பிக்கையுடன் இருக்கிறார் என்பது இன்றைய ஆட்டத்தில் வெளிப்பட்டது எனலாம்.