AUS vs NZ : உலகக் கோப்பை கிரிக்கெட் - டாஸ் வென்ற நியூசிலாந்து பவுலிங் தேர்வு!

உலகக் கோப்பை தொடரின் 27ஆவது போட்டி ஆஸ்திரேலியா - நியூசிலாந்து அணிகளுக்கு இடையே தரம்சாலாவில் இன்று நடைபெறுகிறது. பகல் நேர போட்டியாக ஹிமாச்சல பிரதேசம் கிரிக்கெட் அசோசியேஷன் மைதானத்தில்  தொடங்கியது. உலகக் கோப்பை 2023 தொடரில் மிகவும் எதிர்பார்ப்பை ஏற்படுத்திய போட்டிகளில் ஒன்றாக இது அமைந்துள்ளது.

ஆஸ்திரேலியா அணி முதலில் இரண்டு தோல்விகளை சந்தித்தாலும், அடுத்து ஹாட்ரிக் வெற்றியை பெற்று தனது ஆதிக்கத்தை வெளிப்படுத்த தொடங்கியுள்ளது. தற்போது புள்ளிப்பட்டியலில் நான்காவது இடத்தில் இருந்து வருகிறது. பேட்ஸ்மேன்கள், பவுலர்கள் நிலையான ஆட்டத்தை வெளிப்படுத்தி வரும் நிலையில், அந்த அணி கச்சிதமாக இருந்து வருகிறது.

மோசமாக இருந்த மிடில் ஆர்டர் பேட்டிங்கை, நெதர்லாந்துக்கு எதிரான போட்டியில் சாதனை சதம் மூலம் நிவர்த்தி செய்தார் க்ளென் மேக்ஸ்வெல். எனவே தற்போது ஆஸ்திரேலியா அணியின் வலிமை, இந்த உலகக் கோப்பை தொடரின் தொடக்கத்தில் இருந்ததை விட மோலோங்கியுள்ளது.

நியூசிலாந்தை பொறுத்தவரை 5 போட்டிகளில் நான்கு வெற்றிகளை பெற்று புள்ளிப்பட்டியலில் மூன்றாவது இடத்தில் உள்ளது. இந்த உலகக் கோப்பை தொடரில் நான்கு தொடர் வெற்றிகளை பெற்ற முதல் அணியாக இருந்து வந்த நியூசிலாந்தின் வெற்றிப்பயணத்துக்கு, கடந்த போட்டியில் இந்தியா முட்டுக்கட்டை போட்டது. நியூசிலாந்து அணி தனது முதல் தோல்வியை சந்தித்த அதே தரம்சாலா மைதானத்தில் இன்று ஆஸ்திரேலியாவை எதிர்கொள்கிறது.

இந்நிலையில் ஆஸ்திரேலிய அணிக்கு எதிரான போட்டியில் நியூசிலாந்து அணி டாஸ் வென்றது. நியூசிலாந்து அணி கேப்டன் பவுலிங்கை தேர்வு செய்துள்ளார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.