South Africa Team: அறிமுக போட்டியிலேயே கேப்டன்-தென் ஆப்பிரிக்க வீரருக்கு அடித்த லக்!

கிரிக்கெட் தென்னாப்பிரிக்கா (CSA) செவ்வாயன்று நியூசிலாந்திற்கு எதிரான டெஸ்ட் தொடருக்கான கேப்டனாக நீல் பிராண்டை நியமித்தது, அதே நேரத்தில் அடுத்த மாதம் டெஸ்ட் சுற்றுப்பயணத்திற்கான தொடக்க வீரர் எட்வர்ட் மூர் உட்பட மேலும் ஏழு வீரர்களையும் சேர்த்துக் கொண்டது. இவர்கள் இதுவரை தேசிய அணிக்காக விளையாடியவர்கள் இல்லை என்பது குறிப்பிடத்தக்கது.

https://twitter.com/ProteasMenCSA/status/1747180999446794736 

எட்வர்ட் மூர், 117 முதல்தர போட்டிகளில் 7743 ரன்களை குவித்தவர், உள்நாட்டு கிரிக்கெட் வட்டாரத்தில் அறியப்பட்ட பெயர். அவர் இந்த சீசனில் சிறந்த வீரராக இருந்தார், பிரிவு 1 CSA 4-நாள் தொடரில் 51.75 சராசரியில் 414 ரன்கள் எடுத்தார்.

இதற்கிடையில், நியூசிலாந்திற்கு எதிரான டெஸ்ட் தொடரில் தென்னாப்பிரிக்காவை வழிநடத்த, இதுவரை தேசிய அணியில் இடம்பெறாத நீல் பிராண்ட் தேர்ந்தெடுக்கப்பட்டார். 1995 ஆம் ஆண்டு முன்னாள் நியூசி., கிரிக்கெட் வீரர் லீ ஜெர்மனுக்குப் பிறகு தனது டெஸ்ட் அறிமுகத்தில் சர்வதேச ஆண்கள் அணியை வழிநடத்தும் முதல் வீரர் என்ற பெருமையை இடது கை பேட்டர் நீல் பெறுவார்.

கீகன் பீட்டர்சன், ஜுபைர் ஹம்சா மற்றும் டேவிட் பெடிங்ஹாம் ஆகியோர் அணியில் உள்ள வீரர்கள், அவர்கள் இந்தியாவுக்கு எதிரான கேப்டவுன் டெஸ்டிலும் ஒரு பகுதியாக இருந்தனர்.

மிகவும் அனுபவம் வாய்ந்த டுவான் ஆலிவியர் என மொத்தம் எட்டு அன்கேப்டு வீரர்கள் அணியில் இடம் பெற்றுள்ளனர்.

ஜனவரி 29 முதல் 31 வரை நியூசிலாந்து லெவன் அணிக்கு எதிராக வார்ம்-அப் போட்டியில் விளையாடும் SA, பிப்ரவரி 4-ம் தேதி மவுன்ட் மவுங்கானுயில் நடக்கும் முதல் டெஸ்டில் கிவிஸை எதிர்கொள்கிறது.

தென்னாப்பிரிக்கா அணி: நீல் பிராண்ட் (கேப்டன்), டேவிட் பெடிங்ஹாம், ருவான் டி ஸ்வார்ட், க்ளைட் ஃபோர்டுயின், ஜுபைர் ஹம்சா, எட்வர்ட் மூர், ஷேபோ மோரேகி, மிஹ்லாலி மபோங்வானா, டுவான் ஆலிவியர், டேன் பேட்டர்சன், கீகன் பீட்டர்சன், டேன் பீட், ரேனார்ட் வான் டோண்டர் பெர்க் மற்றும் காயா சோண்டோ.