Sai Sudharsan: முதல் பந்தில் பவுண்டரி! முதல் போட்டியில் அரைசதம் - சாதித்த தமிழ்நாடு வீரர் சாய் சுதர்சன்

தென் ஆப்பரிக்கா சுற்றுப்பயணம் சென்றிருக்கும் இந்திய அணி முதலில் டி20 தொடரில் விளையாடியது. இதைத்தொடர்ந்து தற்போது ஒரு நாள் தொடரில் விளையாடி வருகிறது. ஜோகன்னஸ் பெர்கில் உள்ள வான்டர்ஸ் மைதானத்தில் நடைபெற்ற முதல் ஒரு நாள் போட்டியில் இந்தியா 8 விக்கெட் வித்தியாசத்தில் தென் ஆப்பரிக்காவை வீழ்த்தியுள்ளது. இதன் மூலம் 3 போட்டிகள் கொண்ட ஒரு நாள் தொடரில் 1-0 என்ற கணக்கில் முன்னிலை வகிக்கிறது.

இந்த போட்டியில் தமிழ்நாட்டை சேர்ந்த சாய் சுதர்சன் அறிமுக வீரராக களமிறங்கினார். தான் எதிர்கொண்ட முதல் பந்திலேயே பவுண்டரி அடித்து ரன் எண்ணிக்கையை தொடங்கினார். தொடர்ந்து நம்பிக்கை அளிக்கும் விதமாக பேட் செய்த சாய் சுதர்சன், ரன் குவிப்பில் ஈடுபட்டார்.

ஆட்டத்தின் 15.2 ஓவரில் தனது அரைசதத்தை பூர்த்தி செய்தார் சாய் சுதர்சன். இதன் மூலம் அறிமுக போட்டியில் சதமடித்த 17வது இந்தியர் என்ற பெருமை பெற்றார். அத்துடன் அறிமுக போட்டியில் அரைசதத்தை பூர்த்தி செய்த முதல் தமிழ்நாடு வீரர் என்ற தனித்துவ சாதனையும் புரிந்தார்.

41 பந்தில் 50 ரன்கள் எடுத்த சாய் சுதர்சன், 55 ரன்கள் எடுத்து கடைசி வரை ஆட்டமிழக்காமல் இருந்தார். இவர் தனது இன்னிங்ஸில் 9 பவுண்டரிகளை அடித்தார். அத்துடன் ஷ்ரேயாஸ் ஐயருடன் இணைந்து 88 ரன்கள் பார்ட்னர்ஷிப் அமைத்தார் சாய் சுதர்சன்.

இவருடன் இணைந்த ரன் வேட்டையில் ஈடுபட்ட ஷ்ரேயாஸ் ஐயர் 52 ரன்கள் எடுத்தார்.

ஐபிஎல் போட்டிகளில் சாய் சுதர்சன், குஜராத் டைட்டன்ஸ் அணிக்காக விளையாடி வருகிறார். கடந்த இரு சீசன்களிலும் சிறப்பான ஆட்டத்தை வெளிப்படுத்தி அணியின் முக்கிய வீரராக இருந்து வருகிறார்.

இதையடுத்து முதல் சர்வதேச போட்டியிலும் முதல் பந்தில் பவுண்டரி அடித்து, முதல் போட்டியில் அரைசதத்தை பூர்த்தி செய்து அணியின் வெற்றிக்கு உறுதுணையாக இருந்து கவனத்தை ஈர்த்துள்ளார் சாய் சுதர்சன். 

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9