Ravichandran Ashwin: இங்கிலாந்துக்கு எதிரான டெஸ்ட் போட்டியில் இருந்து பாதியில் விலகிய அஸ்வின்

இந்தியா - இங்கிலாந்து அணிகள் 5 போட்டிகள் கொண்ட டெஸ்ட் தொடர் விளையாடி வருகிறது. இரு அணிகளுக்கு இடையிலான மூன்றாவது டெஸ்ட் போட்டி ராஜ்கோட்டில் நடைபெற்று வருகிறது. 

இதையடுத்து இந்தியா அணியின் பிரதான ஸ்பின்னராக இருந்து வரும் ரவிச்சந்திரன் அஸ்வின், குடும்ப அவசரம் காரணமாக இங்கிலாந்துக்கு எதிரான தொடரிலிருந்து விலகியுள்ளதாக பிசிசிஐ அறிவித்துள்ளது.  

இதுதொடர்பாக பிசிசிஐ அதிகாரப்பூர்வ எக்ஸ் பக்கத்தில், "குடும்ப அவசரம் காரணமாக இந்திய - இங்கிலாந்து 3வது டெஸ்டில் இருந்து ஆர் அஸ்வின் விலகினார்.

இந்த சவாலான காலங்களில், இந்திய கிரிக்கெட் கட்டுப்பாட்டு வாரியமும் (பிசிசிஐ), அணியும் அஸ்வினுக்கு முழு ஆதரவு அளிக்கும்" என தெரிவித்துள்ளது.

அத்துடன் தற்போது நடைபெற்று வரும் டெஸ்ட் போட்டியிலும் அவர் பாதியிலேயே விலகி இருப்பதால் இந்திய அணி முக்கிய பவுலர் இல்லாமல் விளையாடவுள்ளது.

எஞ்சியுள்ள இரண்டு டெஸ்ட் போட்டிகளிலும் அவர் விளையாடுவது குறித்து எந்த தகவலும் தெரிவிக்கப்படவில்லை. 

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9