Eng vs Ind 3rd Test Preview: புதிய மைல்கல்லை எட்ட காத்திருக்கும் அஸ்வின்!-இந்தியா, இங்கி., பலம்-பலவீனம் என்ன?

குஜராத் மாநிலம், ராஜ்கோட்டில் உள்ள சவுராஷ்டிரா கிரிக்கெட் ஸ்டேடியத்தில் பிப்ரவரி 15 ஆம் தேதி தொடங்கும் ஐந்து போட்டிகள் கொண்ட தொடரின் மூன்றாவது டெஸ்டில், இங்கிலாந்துக்கு எதிராக டீம் இந்தியா மோதுகிறது. இந்தப் போட்டி காலை 9.30 மணிக்கு தொடங்குகிறது.

ஐந்து ஆட்டங்கள் கொண்ட டெஸ்ட் தொடர் தற்போது 1-1 என சமநிலையில் உள்ளது, இங்கிலாந்து 28 ரன்கள் வித்தியாசத்தில் தொடரின் தொடக்க ஆட்டத்தை வென்றது மற்றும் விசாகப்பட்டினத்தில் நடந்த இரண்டாவது டெஸ்டில் டீம் இந்தியா 108 ரன்கள் வித்தியாசத்தில் வெற்றி பெற்றது.

தொடர் தொடங்கியதில் இருந்தே இந்திய அணி தொடர்ந்து பலத்த அடியை சந்தித்து வருகிறது. முதலில், விராட் கோலி தனிப்பட்ட காரணங்களுக்காக முதல் இரண்டு டெஸ்டில் இருந்து வெளியேறினார், இப்போது அவர் மீதமுள்ள தொடரிலும் இருந்தும் வெளியேறுவார் என்பது உறுதிப்படுத்தப்பட்டுள்ளது.

ஐதராபாத்தில் நடந்த தொடரில் இடம்பிடித்திருந்த கே.எல். ராகுல், இரண்டாவது டெஸ்டையும் தவறவிட்டார், அவர் காயம் காரணமாக மூன்றாவது போட்டியிலும் இடம்பெற மாட்டார்.

மூன்றாவது டெஸ்ட் அணியில் கே.எல் ராகுலுக்கு பதிலாக கர்நாடக பேட்ஸ்மேன், தேவ்தத் படிக்கல் களமிறங்குகிறார், ஆனால் பேட்டிங் ஆர்டரைப் பின்பற்றி சர்பராஸ் கான் களமிறங்குவார். மேலும் ஸ்ரேயாஸ் ஐயர் இல்லாததால், ரஜத் படிதார் மிடில் ஆர்டரில் இடம்பிடித்தார்.

பின்னடைவுகளுக்கு மத்தியில் டீம் இந்தியாவுக்கு நட்சத்திரஆல்-ரவுண்டரான ரவீந்திர ஜடேஜா, இரண்டாவது டெஸ்டில் தொடை காயத்தால் வெளியேறினார்.  பேட்டிங்கில் குறைந்த அனுபவம் கொண்ட வீரர்களுடன் இந்தப் போட்டியில் இந்தியா களம் இறங்குகிறது.

இங்கிலாந்து

மறுபுறம், இந்தியாவுக்கு எதிரான தொடரில் முக்கிய சுழற்பந்து வீச்சாளர் ஜாக் லீச் வெளியேறியதால், இங்கிலாந்துக்கும் தலைவலி ஏற்பட்டுள்ளது. அனுபவம் வாய்ந்த சுழற்பந்து வீச்சாளர்களில் அவர்கள் சற்று குறைவாக கொண்டு இருக்கிறார்கள் என்பதே இதற்கு அர்த்தம்.

இருப்பினும், இந்தப் போட்டியில் இங்கிலாந்துக்கு சில அட்வான்டேஜும் உள்ளது. அதாவது, இந்திய அணியில் அனுபவமற்ற பேட்டிங் லைன்அப் அவர்களுக்கு அட்வான்டேஜாக அமையும்.

உத்தேச பிளேயிங் லெவன்

இந்தியா: ரோஹித் சர்மா (கேப்டன்), யஷஸ்வி ஜெய்ஸ்வால், ஷுப்மான் கில், சர்பராஸ் கான், ரஜத் படிதார், துருவ் ஜூரல் (விக்கெட் கீப்பர்), ரவீந்திர ஜடேஜா, ரவிச்சந்திரன் அஷ்வின், அக்சர் படேல், ஜஸ்பிரித் பும்ரா, முகமது சிராஜ்

இங்கிலாந்து: ஜாக் கிராலி, பென் டக்கெட், ஆல்லி போப், ஜோ ரூட், ஜானி பேர்ஸ்டோ, பென் ஸ்டோக்ஸ் (கேப்டன்), பென் ஃபோக்ஸ், ரெஹான் அகமது, டாம் ஹார்ட்லி, சோயப் பஷீர், ஆல்லி ராபின்சன்

டீம் இந்தியாவுடன் ஒப்பிடும்போது இங்கிலாந்து மிகவும் நன்றாகவும், அனுபவம் வாய்ந்த பேட்டிங் ஆர்டரையும் கொண்டுள்ளது. இருப்பினும், டீம் இந்தியா அவர்களின் பந்துவீச்சு வரிசையை பலப்படுத்தியிருப்பதாகத் தெரிகிறது. எனவே, இந்தியா சவால் அளிக்கலாம் என எதிர்பார்க்கப்படுகிறது.

பிட்ச் ரிப்போர்ட்

ராஜ்கோட்டில் உள்ள ஆடுகளம் பாரம்பரியமாக பேட்ஸ்மேன்களுக்கு நட்பாக இருப்பதால், குல்தீப் யாதவ் மற்றும் அக்சர் படேல் ஆகியோரில் ஒருவரை இந்தியா தேர்வு செய்ய வேண்டும், அக்சர் படேல் ஆல்-ரவுண்டர் என்பதால் அவருக்கு வாய்ப்பு பிரகாசமாக உள்ளது.

499 விக்கெட்டுகளை வீழ்த்தியுள்ள, இந்தியாவின் முதன்மை சுழற்பந்து வீச்சாளர் ஆர் அஷ்வின், இந்த ஆட்டத்தின் போது எலைட் 500 விக்கெட் என்ற மைல்கல் சாதனையைப் படைப்பார் என எதிர்பார்க்கப்படுகிறது.