கேது 2025 முரட்டு அடி.. பணத்தில் திக்கு முக்காடி மிக்க போகும் ராசிகள்.. கட்டுமரம் போல் யோகம் வரும்!

Lord Ketu: நவகிரகங்களில் அசுப நாயகனாக விளங்க கூடியவர் கேது பகவான். இவருடைய இடமாற்றம் அனைத்து ராசிகளுக்கும் மிகப்பெரிய தாக்கத்தை ஏற்படுத்தும். கேது பகவான் நவகிரகங்களில் எப்போதும் பின்னோக்கிய பயணத்தை செய்யக்கூடியவர். சனிபகவானுக்கு பிறகு மிகவும் மெதுவாக நகரக்கூடிய கிரகமாக கேது பகவான் விளங்கி வருகின்றார். கேது பகவான் ஒரு ராசியில் இருந்து மற்றொரு ராசிக்கு செல்ல 18 மாதங்கள் எடுத்துக் கொள்கிறார்.

ராகு மற்றும் கேது இணைபிரியாத கிரகங்களாக திகழ்ந்து வருகின்றனர். வெவ்வேறு ராசிகளில் பயணம் செய்தாலும் இவர்களுடைய செயல்பாடு ஒரே மாதிரி இருக்கும். அந்த வகையில் கேது பகவான் கடந்தாண்டு அக்டோபர் மாத இறுதியில் கன்னி ராசியில் தனது பயணத்தை தொடங்கினார்.

இந்த ஆண்டு முழுவதும் இதே ராசியில் பயணம் செய்வார். வரும் 2025 ஆம் ஆண்டு தனது இடத்தை மாற்றுகிறார். அதற்கு பிறகு கேது பகவான் வருகின்ற 2025 ஆம் ஆண்டு மே 18ஆம் தேதியன்று சிம்ம ராசிக்கு செல்கிறார். கேது பகவானின் சிம்ம ராசி பயணம் கட்டாயம் அனைத்து ராசிகளுக்கும் தாக்கத்தை ஏற்படுத்தும். இருப்பினும் ஒரு சில ராசிகள் இதன் மூலம் ராஜ யோகத்தை பெறுகின்றனர். அது எந்தெந்த ராசிகள் என்பது குறித்து இந்த காணலாம்.

மிதுன ராசி

உங்கள் ராசிகள் மூன்றாவது வீட்டில் கேது பகவான் பயணம் செய்யப்போகின்றார். இதனால் உங்களுக்கு 2025 ஆம் ஆண்டு மிகவும் மகிழ்ச்சியாக இருக்கும் கடின உழைப்பு நல்ல பலன்களை பெற்று தரும். முன்னேற்றத்திற்கான வாய்ப்புகள் உங்களுக்கு கிடைக்கும். தன்னம்பிக்கை மற்றும் தைரியம் அதிகரிக்கும். தொழில் மற்றும் வேலையில் உங்களுக்கு அடுத்த நிலை செல்வதற்கான வாய்ப்புகள் கிடைக்கும். வேலை செய்யும் இடத்தில் உயர் அலுவலர்கள் உங்களுக்கு ஒத்துழைப்பு கொடுப்பார்கள். பதவி உயர்வு மற்றும் சம்பள உயர்வு கிடைப்பதற்கான வாய்ப்புகள் அதிகம் உள்ளது.

வேலை இல்லாதவர்களுக்கு நல்ல வேலை கிடைக்கும். புதிய வாய்ப்புகள் உங்களைத் தேடி வரும். வியாபாரத்தில் உங்களுக்கு லாபம் ஈட்டுவதற்கான வாய்ப்புகள் அதிகம் கிடைக்கும். ஆன்மீகத்தில் ஆர்வம் அதிகரிக்கும். குடும்பத்தினரால் உங்களுக்கு முன்னேற்றம் இருக்கும். நண்பர்களால் உதவி கிடைக்கும். புனித யாத்திரை செல்வதற்கான வாய்ப்புகள் அதிகம் உள்ளது. வாழ்க்கையில் பல்வேறு விதமான நேரங்களில் உங்களுக்கு அதிர்ஷ்டம் தேடி வரும். புதிதாக வீடு மற்றும் வாகனம் வாங்குவதற்கான வாய்ப்புகள் அதிகம் உள்ளது. சொத்து சம்பந்தப்பட்ட சிக்கல்கள் அனைத்தும் நிவர்த்தி அடையும். உடல் ஆரோக்கியத்தில் உங்களுக்கு சிறப்பான முன்னேற்றம் இருக்கும்.

துலாம் ராசி

உங்கள் ராசியில் 11-ஆவது வீட்டில் கேது பகவான் நுழைகின்றார். 2025 ஆம் ஆண்டு உங்களுக்கு சிறப்பான ஆண்டாக அமையப்போகின்றது. உங்கள் அடையாளம் என்ன என்பது மற்றவர்களுக்கு தெரிய போகின்றது. அனைத்து துறைகளிலும் உங்களுக்கு வெற்றி கிடைக்கும். நீண்ட நாட்களாக முடிவடையாமல் இருந்த காரியங்கள் அனைத்தும் வெற்றிகரமாக முடிவடையும். புதிய வருமானத்திற்கான ஆதாரங்கள் அதிகரிக்கும்.

கேதுவின் சஞ்சார காலம் உங்கள் விருப்பம் அனைத்தும் தெளிவாக நிறைவேறும். இந்த காலகட்டத்தில் நீங்கள் முழு கவனத்தோடு இலக்குகளை அடைவதில் இருக்க வேண்டும். விரும்பிய பலன்கள் அனைத்தும் உங்களுக்கு கிடைக்கும். காதல் விவகாரங்களில் சற்று கவனமாக இருப்பது நல்லது. வேலை செய்யும் இடத்தில் உயர் அலுவலர்கள் உங்களுக்கு சாதகமாக செயல்படுவார்கள். உடன் பிறந்தவர்களால் உங்களுக்கு முன்னேற்றம் கிடைக்கும். உறவினர்களால் ஏற்பட்டு வந்த சிக்கல்கள் அனைத்தும் குறையும். வேலை செய்யும் இடத்தில் பதவி உயர்வு மற்றும் சம்பள உயர்வு கிடைக்கக்கூடும். அதிர்ஷ்டத்தின் ஆதரவு உங்களுக்கு முழுமையாக கிடைக்கும். பணவரவில் எந்த குறையும் இருக்காது.

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.