Ind vs Aus 1st Odi: 5 பெளலர்களுடன் களமிறங்கும் இந்தியா! ஆஸி. முதல் பேட்டிங்
பார்டர் கவாஸ்கர் டெஸ்ட் தொடர், விரைவில் தொடங்க இருக்கும் ஐபிஎல் டி20 தொடருக்கு இடையே மூன்று போட்டிகள் கொண்ட ஒரு நாள் தொடரில் இந்தியா - ஆஸ்திரேலியா மோதுகின்றன.
இந்தியா - ஆஸ்திரேலியா மோதும் முதல் ஒரு நாள் போட்டி மும்பை வான்கடே மைதானத்தில் நடைபெறுகிறது.
ட்ரெண்டிங் செய்திகள்
இந்த ஒரு நாள் தொடர் உலகக் கோப்பை சூப்பர் லீக்கில் அங்கமாக இடம்பிடிக்காவிட்டாலும், வரும் நவம்பரில் நடைபெற இருக்கும் 50 ஓவர் உலகக் கோப்பை தொடருக்கு இரு அணிகளும் ஒத்திகை பார்த்துக்கொள்ளும் விதமாக அமைகிறது.
இதையடுத்து முதல் போட்டி நடைபெற இருக்கும் வான்கடே மைதானத்தின் ஆடுகளத்தை பொறுத்தவரை புற்கள் சமமான அளவில் இடம்பிடித்திருப்பதால், பந்து வீச்சாளர்களிடமிருந்து நல்ல பவுன்சர்களை எதிர்பார்க்கலாம் எனவும், இரவில் பனிபொலிவு வரும் பட்சத்தில் பேட்ஸ்மேன்கள் ரன்குவிப்பில் ஈடுபடலாம் எனவும் தெரிவிக்கப்பட்டுள்ளது.
இதைத்தொடர்ந்து இன்றைய போட்டியில் டாஸ் வென்ற இந்திய கேப்டன் ஹர்திக் பாண்ட்யா பந்து வீச்சை தேர்வு செய்தார். இரண்டு ஸ்பின்னர் மற்றும் மூன்று வேகப்பந்து வீச்சாளர்களுடன் இந்திய அணி களமிறங்குகிறது. இவர்களுடன் ஹர்திக் பாண்ட்யாவும் நான்காவது வேகப்பந்து வீச்சாளராக அணியில் உள்ளார்.
ஆஸ்திரேலியா அணியில் அலெக் கேரேவுக்கு பதிலாக ஜோஷ் இங்கிலிஸ் சேர்க்கப்பட்டுள்ளார். டேவிட் வார்னர் இல்லாத நிலையில் மிட்செல் மார்ஷ் தொடக்க பேட்ஸ்மேனாக களமிறங்குவார் என ஆஸ்திரேலியா கேப்டன் ஸ்டீவ் ஸ்மித் கூறியுள்ளார்.
இந்திய அணி கேப்டன் ரோஹித் சொந்த காரணங்களுக்காக முதல் ஒரு நாள் போட்டியில் பங்கேற்காத நிலையில், இந்தப் போட்டியில் ஆல்ரவுண்டர் ஹர்திக் பாண்ட்யா கேப்டனாக செயல்படுகிறார். மிடில் ஆர்டர் பேட்ஸ்மேனான ஷ்ரேயாஸ் ஐயர் காயம் காரணமாக ஒரு நாள் தொடரிலிருந்து விலகியுள்ளார். அவருக்க பதிலாக மாற்று வீரர் யாரும் அணியில் சேர்க்கப்படவில்லை.
ஆஸ்திரேலியா அணி கடைசியாக கடந்த நவம்பர் மாதம்தான் இங்கிலாந்துக்கு எதிராக ஒரு நாள் போட்டியில் பங்கேற்றது. இதில் 3-0 என்ற கணக்கில் வெற்றி பெற்றது. இதன் பின்னர் ஆஸ்திரேலியா ஒரு நாள் அணியின் கேப்டன் பின்ச் ஓய்வு பெற்றதால் தற்போது புதிய கேப்டனாக ஸ்டீவ் ஸ்மித் நியமிக்கப்பட்டுள்ளார்.
நட்சத்திர வீரரான வார்னர் காயம் காரணமாக டெஸ்ட் தொடரிலேயே வெளியேறிவிட்டார். அதேபோல் வேகப்பந்து வீச்சாளர்கள் பேட் கம்மின்ஸ், ஜோஷ் ஹசில்வுட் ஆகியோர் அணியில் இல்லாதது பின்னடைவாகவே அமைந்துள்ளது. இதெல்லாம் ஒரு புறம் இருந்தாலும் காயத்தால் அவதிப்பட்டு வந்த ஆல்ரவுண்டர் மேக்ஸ்வெல் தற்போது குணமாகி அணிக்கு திரும்பியிருப்பது அணிக்கு நல்ல செய்தியாகவே அமைந்துள்ளது.
இரு அணிகளின் விவரம்:
இந்தியா: இஷான் கிஷன், சுப்மன் கில், விராட் கோலி, சூர்யகுமார் யாதவ், கேஎல் ராகுல் (விக்கெட் கீப்பர்), ஹர்திக் பாண்ட்யா (கேப்டன்), ரவீந்திர ஜடேஜா, ஷர்துல் தாக்கூர், குல்தீப் யாதவ், முகமது சிராஜ், முகமது ஷமி
ஆஸ்திரேலியா: ட்ரேவிஸ் ஹெட், மிட்செல் மார்ஷ், ஸ்டீவ் ஸ்மித் (கேப்டன்), மார்னஸ் லபுஸ்சேன், ஜோஸ் இங்கிலிஸ் (விக்கெட் கீப்பர்), கேமரூன் கிரீன், க்ளென் மேக்ஸவெல், மார்கஸ் ஸ்டோய்னிஸ், சீன் அபாட், மிட்செல் ஸ்டார்க், ஆடம் ஸாம்பா
டாபிக்ஸ்