Gold Rate On Union Budget 2024: மத்திய பட்ஜெட்டில் தங்கம் இறக்குமதி சுங்க வரி குறைவு - அதிரடியாக குறைந்த தங்கம் விலை!

Gold Rate On Union Budget 2024: மத்திய பட்ஜெட்டில் தங்கம் இறக்குமதிக்கான சுங்க வரியை 15%ல் இருந்து 6% ஆக குறைத்து அறிவிக்கப்பட்ட நிலையில், சென்னையில் ஆபரணத் தங்கத்தின் விலை கிராமுக்கு ரூ.260 குறைந்து,  சவரனுக்கு ரூ.52,400க்கு விற்பனையாகிறது. 

மதியத்துக்குப் பின்பு சர்ரென குறைந்த தங்கம் விலை:

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நாள்தோறும் நிர்ணயம் செய்யப்படுகிறது. அதன்படி, தங்கம் விலை கடந்த சில மாதங்களாக திடீரென அதிரடியாக உயர்வதும், குறைவதுமாக இருந்து வந்தது.

சென்னையில் கடந்த சில நாட்களாக 22 கேரட் ஆபரணத் தங்கத்தின் விலை வரலாறு காணாத வகையில் நாளுக்கு நாள் புதிய உச்சத்தை அடைந்து வந்தது. 

இந்நிலையில், 22 கேரட் ஆபரணத் தங்கத்தின் விலை இன்று சவரனுக்கு ரூ.120 குறைந்து காணப்பட்டது. இந்நிலையில் பட்ஜெட் தாக்கலின்போது தங்கம் இறக்குமதிக்கான சுங்க வரியை 15 விழுக்காட்டில் இருந்து 6 விழுக்காடு ஆக குறைத்து அறிவிக்கப்பட்ட நிலையில், சென்னையில் ஆபரணத் தங்கத்தின் விலை, சவரனுக்கு ரூ.2080 குறைந்து விற்பனையாகிறது.

சென்னையில் தங்கம் விலை நிலவரம் குறித்து பார்ப்போம்.

மத்திய பட்ஜெட் தாக்கலுக்கு முன்பு தங்கம் விலை நிலவரம்:

சென்னையில் 22 கேரட் ஆபரணத் தங்கத்தின் விலை இன்று (ஜூலை 23) சவரனுக்கு ரூ.120 குறைந்து ரூ.54,480-க்கு விற்கப்படுகிறது. ஒரு கிராம் ஆபரணத் தங்கத்தின் விலை ரூ.6,810க்கு விற்பனை செய்யப்படுகிறது.

மத்திய பட்ஜெட் தாக்கலுக்கு பின்பு தங்கம் விலை நிலவரம்:

மத்திய பட்ஜெட் தாக்கல் இன்று நடைபெற்ற நிலையில் சுங்க வரியை 15 விழுக்காட்டில் இருந்து 6 விழுக்காடாக குறைத்து அறிவிக்கப்பட்ட நிலையில், சென்னையில் ஆபரணத்தங்கத்தின் நிலை கிராமுக்கு 260 ரூபாய் குறைந்துள்ளது. இதன்மூலம், சவரனுக்கு 2080 ரூபாய் குறைந்து, ஒரு சவரன் ரூ.52,400க்கு விற்பனையாகிறது. 

இன்றைய வெள்ளி விலை நிலவரம்:

வெள்ளி விலை கிராமுக்கு 40 காசுகள் குறைந்து ரூபாய் 95.60-க்கும், ஒரு கிலோ வெள்ளி ரூ.95,500-க்கும் விற்பனையாகிறது.

நேற்றைய வெள்ளி விலை நிலவரம்:

வெள்ளி விலை நேற்று (ஜூலை 22) ஒரு கிராம் ரூ.96.00க்கும், ஒரு கிலோ வெள்ளி ரூ.96,000-க்கும் விற்பனையானது.

தங்கம் விலை உயர்வு ஏன்?

இந்தியாவிலும் குறிப்பாக தமிழ்நாடு உள்பட தென்னிந்தியாவிலும் தங்கம் விற்பனை சிறப்பாக நடைபெறுவது வழக்கம். குழந்தை பிறப்பது முதல் பல்வேறு நல்ல நிகழ்ச்சிகளுக்கு தங்கம் வாங்குவது நமது வழக்கமாக உள்ளது. தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக நமது நாட்டில் இருக்கிறது. தங்கத்தின் விலை தொடர்ந்து அதிகரித்து வருகிறது.

இந்தியாவிலும் குறிப்பாக தமிழ்நாடு உள்பட தென்னிந்தியாவிலும் தங்கம் விற்பனை சிறப்பாக நடைபெறுவது வழக்கம். குழந்தை பிறப்பது முதல் பல்வேறு நல்ல நிகழ்ச்சிகளுக்கு தங்கம் வாங்குவது நமது வழக்கமாக உள்ளது. தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக நமது நாட்டில் இருக்கிறது. தங்கத்தின் விலை தொடர்ந்து அதிகரித்து வருகிறது.

பெண் குழந்தை என்றால் திருமணம் செய்து கொடுக்கும்போது பல சவரன் நகையை அணிவித்து அனுப்பும் பழக்கம் பல குடும்பங்களில் இன்றும் வழக்கத்தில் இருக்கிறது. ஆபத்து காலங்களில் அடகு வைப்பதற்கும் தங்க நகைகள் உபயோகமாக இருப்பதும் இதற்கு முக்கிய காரணங்களில் ஒன்றாக பார்க்கப்படுகிறது.

தங்க பத்திர முதலீடு திட்டம்:

மத்திய தங்க பத்திர முதலீடு திட்டத்தை கொண்டுவந்துள்ள போதிலும், தங்கம் விற்பனையாவது குறையவில்லை என்பதே உண்மை. உக்ரைன் மீது ரஷ்யா போர் தொடுத்ததை தொடர்ந்து முதலீட்டு உலகம் சற்று பயந்து போனது. ஆனாலும், கடந்த ஆண்டு மந்தமாக இருந்த தங்கச் சந்தை தற்போது எழுச்சி கண்டுள்ளது. இன்றைய தங்கம் விலைதங்கமானது வரலாற்று ரீதியாக அரிய உலோகமாகவே கருதப்பட்டு வந்தது. காரட் என்ற அலகால் தங்கம் மதிப்பிடப்படுகிறது. 24 காரட் என்பது தூயத் தங்கமாகும். இதில் ஆபரணங்கள் செய்ய முடியாது.

22 காரட் முதல் 9 காரட் வரை தங்க நகைகள் செய்யப்படுகின்றன. 22காரட் தங்கம் என்பது 91.6 சதவீதம் தங்கமும் 8.4 சதவீதம் செம்பு, வெள்ளி போன்ற மற்ற உலோகமும் கலந்ததாகும். சேர்க்கப்படும் உலோகங்களுக்கேற்ப தங்கத்தின் மதிப்பு கிடைக்கிறது. 22 காரட்டில் செய்யும் தங்க நகைகள் எளிதில் சேதம் அடையக்கூடியவை. காரட் குறையக் குறைய தங்க நகைகளின் தன்மை கெட்டியாகவும் உறுதியுடனும் இருக்கும்.