Malaysia Masters Final: 79 நிமிடம் போராட்டம்!வாய்ப்பை கோட்டைவிட்டு தோல்வியை தழுவிய பிவி சிந்து - தொடரும் கோப்பை கனவு!

பேட்மிண்டன் விளையாட்டில் இந்தியாவுக்காக இரண்டு ஒலிம்பிக் பதக்கங்களை வென்ற பிவி சிந்து, மலேசியாவில் நடைபெற்று வரும் மலேசியா மாஸ்டர்ஸ் தொடர் இறுதிப்போட்டியில் தகுதி பெற்றார். இந்த ஆண்டின் முதல் இறுதிப்போட்டிக்கு தகுதி பெற்ற பிவி சிந்து, இரண்டு ஆண்டுகளாக இருந்து வரும் கோப்பை வறட்சிக்கு முற்றுப்புள்ளி வைப்பார் என எதிர்பார்க்கப்பட்டது.

ஆனால், இறுதிப்போட்டியில் சீனாவை சேர்ந்த உலகின் நம்பர் 7 வீராங்கனை வாங் ஜி இ எதிராக போராடி தோல்வியை தழுவினார்.

வாய்ப்பை நழுவவிட்ட சிந்து

பிவி சிந்து - வாங் ஜி இ ஆகியோருக்கு இடையே பரபரப்பாக சென்ற இறுதிப்போட்டி 79 நிமிடம் வரை நீடித்தது. இதில் 21-16 5-21 16-21 என்ற புள்ளிக்கணக்கில் பிவி சிந்து தோல்வியை தழுவினார்.

முதல் செட்டில் முன்னிலை பெற்ற அவர், இரண்டாம் செட்டில் மிக பெரிய புள்ளி வித்தியாசத்தில் கோட்டை விட்டார். இருப்பினும் மூன்றாவது செட்டில் மீண்டும் ஆதிக்கம் செலுத்திய சிந்து 11-3 என முன்னிலை பெற்றார். இதனால் அவர் வெற்றி பெறுவதற்கான வாய்ப்பு பிரகாசமாக இருந்தது. ஆனால் துர்தஷ்டவசமாக வாய்ப்பை வீணடித்த சிந்து 16-21 என்ற கணக்கில் கோப்பையை பறிகொடுத்தார்.

சிந்து செய்த சிறு சிறு தவறுகளை தனக்கு சாதகமாக்கி கொண்ட சீனா வீராங்கனை வாங் ஜி இ, கோப்பையை தன் வசமாக்கினார். இந்த தோல்வியால் சிந்துவின் இரண்டு ஆண்டு கோப்பை கனவு தொடர்கிறது.

ஆறுதலாக அமைந்த சாதனை 

இந்த தொடரில் தோல்வியை தழுவினாலும் இதுவரை பேட்மிண்டன் விளையாட்டில் 453 வெற்றிகளை பெற்றிருக்கும் பிவி சிந்து, அதிக வெற்றிகளை குவித்த இந்திய வீராங்கனை என்ற சாதனை புரிந்துள்ளார். இது அவருக்கு ஆறுதல் அளிக்கும் விஷயமாக உள்ளது. 

நம்பிக்கை அளித்துள்ளது

"ஒட்டுமொத்தமாக, இது ஒரு நல்ல போட்டியாக இருந்தது என்று என்னால் கூற முடியும். இது சற்று ஏமாற்றமளிக்கிறது, ஆனால் இந்த போட்டியிலிருந்தும் முழு போட்டியிலிருந்தும் நிறைய நேர்மறையான விஷயங்களை எடுத்துக் கொள்ள வேண்டும்.

நான் குறைந்தபட்சம் இறுதிப் போட்டிக்கு வந்ததில் மகிழ்ச்சி அடைகிறேன், நான் நன்றாக விளையாடினேன். இந்த போட்டிகள் நிச்சயமாக எனக்கு நிறைய நம்பிக்கையை அளிக்கும், ஆனால் நான் அதை வென்றிருக்க முடியும். இது அந்த நாட்களில் ஒன்றல்ல" என தோல்விக்கு பின்னர் பிவி சிந்து கூறினார்.

பாரிஸ் ஒலிம்பிக்கில் தனது மூன்றாவது ஒலிம்பிக் பதக்கத்தை நோக்கமாகக் கொண்ட உலக நம்பர் 15 சிந்து, இந்த சீசனின் தொடக்கத்தில் முழங்கால் காயத்திலிருந்து திரும்பி வந்ததிலிருந்து அடக்கமாகத் தோன்றினார்.

பாரிஸ் ஒலிம்பிக்கில் கரோலினா மரின், டாய் சூ யிங், சென் யூ ஃபெய் மற்றும் அகானே யமகுச்சி போன்ற பெரிய வீராங்கனைகளை சிந்து தோற்கடித்து சிறிது காலம் ஆகிவிட்டது.

ஆனால் இப்போது பெங்களூரில் உள்ள பிரகாஷ் படுகோனே பேட்மிண்டன் அகாடமியில் பயிற்சி பெறும் ஹைதராபாத்தைச் சேர்ந்த 28 வயதான அவர், இந்த வாரம் நன்றாக இருந்தார், ஆனால் வெற்றிகரமான நிலையில் இருந்து வாங்கிற்கு எதிரான தோல்வி வரும் மாதங்களில் அவர் நிவர்த்தி செய்ய விரும்பும் ஒன்று.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v