Arshad Nadeem : ‘அர்ஷத் மற்றும் பாகிஸ்தானுக்கு அவமானம்’ பிரதமரை சாடிய பாக்., கிரிக்கெட் வீரர் டேனிஷ் கனேரியா!

Arshad Nadeem : பாகிஸ்தான் பிரதமர் ஷெபாஸ் ஷெரீப், 2024 பாரிஸ் ஒலிம்பிக்கில் புதிதாக முடிசூட்டப்பட்ட ஈட்டி எறிதல் சாம்பியனான அர்ஷத் நதீம் உடன் இருக்கும் பழைய புகைப்படத்தை சமூக ஊடகங்களில் வெளியிட்டார். அத்துடன், நதீமிற்கு தன்னுடைய வாழ்த்துக்களையும் பகிர்ந்து கொண்டார்.

நதீம் புதிய உயரங்களை எட்டியபோது, அவரின் செயல்திறனைப் பாராட்ட, 10 லட்சம் காசோலையை வழங்கிய அவரது பழைய புகைப்படத்தைப் பிரதமர் ஷெரீப் பயன்படுத்தினார். இந்த பதிவை அறிந்த பாகிஸ்தான் முன்னாள் கிரிக்கெட் வீரர் டேனிஷ் கனேரியா, அந்த புகைப்படத்தை நீக்குமாறு ஷெரீப்புக்கு வலியுறுத்தினார். ஒலிம்பிக் சாம்பியன் அர்ஷத், அந்த பரிசுத் தொகையைக் கொண்டு விமான டிக்கெட்டுகளை வாங்க சிரமப்படலாம் என்றும் ஷெரீப்புக்கு எதிராக கிரிக்கெட் வீரர் கனேரியா கடுமையான கண்டனத்தை பயன்படுத்தினார்.

கனேரியாவின் காட்டமான ட்விட்!

‘‘பிரதமர் அவர்களே, குறைந்தபட்சம் ஒரு கௌரவமான வாழ்த்துக்களை வழங்குங்கள். நீங்கள் கொடுத்த மில்லியன் ரூபாயின் படத்தை அழித்துவிடுங்கள் - அது அவரது உண்மையான தேவைகளுக்கு எதுவும் செய்யாது. இந்த தொகை மிகவும் சிறியது, அவரால் விமான டிக்கெட் கூட வாங்க முடியாது. இது அர்ஷத்தின் தற்போதைய போராட்டங்களைக் கருத்தில் கொண்டு பார்க்கும்போது, அர்ஷத் மற்றும் தேசம் இரண்டிற்கும் ஒரு அவமானம்" என்று கனேரியா அந்த ரீவிட்டில் கூறியுள்ளார்.

நதீமுக்கு ரூ.10 கோடி பரிசுத் தொகை அறிவிப்பு

பாகிஸ்தானின் பஞ்சாப் மாகாண முதல்வர் மரியம் நவாஸ், நதீமுக்கு ரூ.10 கோடி பரிசு அறிவித்துள்ளார். அவரது சொந்த ஊரான கனேவாலில் அர்ஷத்தின் பெயரை ஒரு விளையாட்டு நகரத்திற்கு சூட்டுவதாகவும் அவர் உறுதியளித்தார். 2022 காமன்வெல்த் சாம்பியனான நதீம், டோக்கியோ ஒலிம்பிக்கில் ஐந்தாவது இடத்தைப் பிடித்தார். பாகிஸ்தான் ஈட்டி எறிதல் வீரர் புடாபெஸ்ட் உலக சாம்பியன்ஷிப்பில் வெள்ளிப் பதக்கம் வென்றார். பாரிஸில் நடந்த ஒலிம்பிக் சாதனையை முறியடித்த நதீம், 92.97 மீட்டர் தூரம் எறிந்து தங்கம் வென்றார். நடப்பு சாம்பியன் நீரஜ் 89.45 மீட்டர் தூரம் எறிந்து இரண்டாவது இடத்தையும், கிரெனடாவின் ஆண்டர்சன் பீட்டர்ஸ் 88.54 மீட்டர் தூரம் எறிந்து வெண்கலப் பதக்கத்தையும் வென்றனர்.

விளையாட்டு தொடர்பான அனைத்து செய்திகளையும் உடனுக்குடன் அறிந்து கொள்ள இந்துஸ்தான் டைம்ஸ் தமிழ் உடன் இணைந்திருங்கள்!