Venthayam Benefits : தினமும் முளை கட்டிய வெந்தயம் சாப்பிடுவதால் கிடைக்கும் பலன்கள்.. சர்க்கரை முதல் ஆண்மை அதிகரிப்பு வரை

Venthayam Benefits : வெந்தய விதைகளின் நன்மைகளைப் பற்றி பலர் அறிந்திருக்கிறார்கள். ஆனால் இந்திய உணவுகளில், இது அரிதாகவே பயன்படுத்தப்படுகிறது. காரணம் அதன் சுவை. இவை சற்று கசப்பாக இருக்கும். வெந்தயத்தை அப்படியே சாப்பிடுவதால் அதிக ஆரோக்கியம் இருந்தாலும் முளை கட்டிய  வெந்தய விதைகளை சாப்பிடுவது மிகவும் நல்லது. இந்த முளைத்த வெந்தயத்தை சாப்பிடுவது ஆரோக்கியத்திற்கு நல்லது, குறிப்பாக நீரிழிவு நோயால் பாதிக்கப்பட்டவர்கள். இந்த வெந்தய விதைகளை அதிகாலையில் சாப்பிட்டு வந்தால், சர்க்கரை நோய் போன்ற நோய்களை கட்டுப்படுத்துவது மட்டுமின்றி, இந்த நோய்களுக்கு மருந்தாகவும் செயல்படுகிறது. ஆயுர்வேதத்தில் மூலிகையாகப் பயன்படுத்தப்படும் வெந்தயத்தை துளிர்விட்டு உண்பதால் பல நன்மைகள் கிடைக்கும்.

வெந்தயத்தில் வைட்டமின்களுடன் அதிக அளவு மினரல்களும் உள்ளன. ஒரு டீஸ்பூன் வெந்தயத்தில் 3.7 மில்லிகிராம் இரும்புச்சத்து உள்ளது. இதனால் ரத்தசோகை பிரச்னை கட்டுப்படும்.

வெந்தயத்தை ஏன் சாப்பிட வேண்டும்?

வெந்தயத்தின் சுவை மிகவும் கசப்பானது. அதனால்தான் சாப்பிடுவது சிரமமாக இருக்கிறது. வெந்தயத்தை முளைத்த விதையாகச் சாப்பிட்டால் சுவை சற்று நன்றாக இருக்கும். இது எளிதில் ஜீரணமாகும். உலர்ந்த வெந்தயத்தை உண்பதால் வயிற்று உப்புசம் மற்றும் வாயு ஏற்படலாம். எனவே வெந்தயத்தை ஊறவைத்து அல்லது முளை கட்டிய விதைகளை சாப்பிடுவது நல்லது. முளைகளை எந்த சூப், சாலட் அல்லது மற்ற முளை கட்டிய தானியங்களுடன் கலந்து சாப்பிடலாம்.

ஒரு மாதத்தில் எட்டு ஸ்பூன் முளைத்த வெந்தயத்தைச் சாப்பிட்டால் போதும் என்பது ஊட்டச்சத்து நிபுணர்களின் கருத்து. அந்த அளவு சாப்பிட்டாலும் ஆரோக்கியம் மேம்படும். கால் ஸ்பூன் வெந்தயத்தை ஊறவைத்து முளைத்த பின் சாப்பிடவும்.

முளைத்த வெந்தயத்தின் நன்மைகள்

பாட்டி காலத்திலிருந்தே வெந்தயத்தை பால் உற்பத்திக்காக பயன்படுத்தினர். வெந்தயத்தை முளைத்த விதைகளாக்கி அல்லது பானமாக அருந்தினால் தாய்யின் பால் உற்பத்தி அதிகரிக்கும். மேலும், அத்தகைய பாலால், குழந்தையின் வளர்ச்சியும் வேகமாக இருக்கும். வெந்தய பானத்தை குடிப்பவர்கள் சாதாரண தாய்ப்பால் கொடுக்கும் பெண்களை விட இரண்டு மடங்கு பால் உற்பத்தி செய்வதாக ஆய்வுகள் தெரிவிக்கின்றன.

சர்க்கரை

நீரிழிவு நோயாளிகளுக்கு வெந்தயத்தை சாப்பிடுவதால் பெரும் நன்மைகள் இருப்பதாக பல ஆய்வுகள் முடிவுகள் கூறுகின்றன. முளைத்த விதைகளை தினமும் சாப்பிட்டு வர இரத்தத்தில் உள்ள சர்க்கரையின் அளவை கட்டுக்குள் வைத்திருக்கும். முளைத்த வெந்தய விதைகளை கால் ஸ்பூன் தினமும் சாப்பிட்டு வந்தால் இரத்தத்தில் உள்ள சர்க்கரையின் அளவைக் குறைக்கலாம். இன்சுலின் எதிர்ப்பு பிரச்சனையும் குறைகிறது.

மாதவிடாய் வலியால் அவதிப்படும் பெண்கள், முளைத்த வெந்தயத்தை உணவில் சேர்த்துக் கொள்ள வேண்டும். இது மாதவிடாய் வலியைக் குறைக்கிறது. வலி நிவாரணி மருந்துகளையும் எடுத்துக்கொள்ள வேண்டிய அவசியமில்லை.

ஹார்மோன் சமநிலை

மாதவிடாய் நின்ற பெண்கள் வெந்தயத்தை சாப்பிட வேண்டும். வெந்தயத்தை முளைத்த விதை வடிவில் சாப்பிடுவது எளிது. இவற்றின் பயன்கள் அதிகம். இது ஹார்மோன் அளவை சமநிலையில் வைத்திருக்கும்.

ஆஸ்திரேலியாவில் நடத்தப்பட்ட ஆய்வில், வெந்தய சாறு குடிப்பதால் ஆண்களுக்கு டெஸ்டோஸ்டிரோன் அளவு அதிகரிப்பதாக கண்டறியப்பட்டுள்ளது. வெந்தய விதைகளை 6 வாரங்கள் தொடர்ந்து குடிப்பதால், செக்ஸ் டிரைவ் மற்றும் செக்ஸ் செயல்திறன் அதிகரிக்கும் என்று ஒரு ஆய்வில் கண்டறியப்பட்டுள்ளது. ஆண்கள் தினமும் வெந்தயத்தை உணவில் சேர்த்துக்கொள்ளலாம்.

கொலஸ்ட்ரால் கட்டுப்பாடு

வெந்தயத்தை சாப்பிடுவதால் கெட்ட கொலஸ்ட்ரால் குறைந்து உடலில் நல்ல கொலஸ்ட்ராலை அதிகரிக்கிறது. இது இதய ஆரோக்கியத்தை மேம்படுத்துகிறது மற்றும் இதய நோய் அபாயத்தை குறைக்கிறது.

முளைத்த வெந்தய விதைகளை சாப்பிடுவது உடல் எடையை குறைக்க உதவுகிறது, ஏனெனில் அதில் உள்ள அனைத்து நார்ச்சத்துகளும் நிறைவான உணர்வை தருகிறது. இது பசியை கட்டுக்குள் வைத்திருக்கும். வெந்தயத்தில் அழற்சி எதிர்ப்பு மற்றும் புற்றுநோய் எதிர்ப்பு பண்புகள் உள்ளன.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil  

Google News: https://bit.ly/3onGqm9