Remedies For Cough: மழைக்காலம் வந்தாச்சு! குழந்தைகளுக்கு வரும் இருமலை தடுக்க சில வழிமுறைகள்!

மழைக்காலமான இந்த மாதங்களில் குழந்தைகளுக்கு அடிக்கடி நோய்த் தொற்று ஏற்படும். இந்த நோய்களை வீட்டில் இருக்கும் மருத்துவ பொருட்களை வைத்தே சரி செய்யலாம். மேலும் சில வழிமுறைகளை தொடர்ந்து பின் பற்றுவதன் வாயிலாக இருமல், சளி போன்ற தொந்தரவுகளில் இருந்து எளிமையாக விடுபடலாம். இதனை பின்பற்ற குழந்தைகளின் பெற்றோர் முயற்சி எடுக்க வேண்டும். ஏனெனில் குழந்தைகள் சில சமயங்களில் இதனை செய்யாமல் தவிர்க்க முயலும். எனவே அவர்களை உடன் இருந்து செய்யுமாறு பெற்றவர்கள் ஊக்குவிக்க வேண்டும்.  இயல்பாகவே குழந்தைகளுக்கு நோய் எதிறப்புச் சக்தி குறைவாக இருக்கும். இதனை சரிசெய்ய பின் வரும் வழிமுறைகளை பின்பற்றவும்.  

அதிக தண்ணீர் குடிக்கவும் 

குழந்தைகள் அதிக தண்ணீர் குடிக்க ஊக்குவிக்க வேண்டும். எப்போதும் ஹைட்ரேட்டாக இருப்பது குழந்தைகளுக்கு சளியை எதிர்த்துப் போராட உதவும். காஃபின் பொருட்கள் இல்லாத தேநீர்,  எலுமிச்சை கலந்த சூடான நீர் போன்ற சூடான திரவங்களை குடிப்பது சளியை தளர்த்துவதன் மூலமும், தொண்டை புண்ணை ஆற்றுவதன் மூலமும் இருமலைப் போக்க உதவும்.

ஆவி பிடித்தல் 

 குழந்தைகளை குளிப்பாட்ட  சூடான தண்ணீரை மட்டும் பயன்படுத்தவும். மேலும் அடிக்கடி சுடு தண்ணீர் வைத்து ஆவி பிடிக்க வைக்க வேண்டும்.இது சளியை தளர்த்தவும், நிம்மதியான தூக்கத்தையும் வழங்க ஆதாரமாக உள்ளது. 

நெசல் டிராப்ஸ் 

மூக்கு அடைப்பும் குழந்தைகளின் இருமலுக்கு காரணமாக இருக்கலாம். ஒரு குழந்தை மூக்கு அடைக்கப்படும்போது வாயில் சுவாசிக்க முயலும். இது அவர்களின் தொண்டையை எரிச்சலடையச் செய்து இருமலுக்கு வழிவகுக்கும். குழந்தையின் மூக்கடைப்பைக் குறைப்பது அவர்களின் இருமலைக் குறைக்க உதவும். குழந்தைகளின் மூக்கில் இருந்துஅடிக்கடி மூக்கை ஊதுவது அல்லது மூக்கு ஸ்ப்ரே போடுவது மூக்கில் உள்ள சளியைத் தளர்த்த உதவும். குழந்தைகள் தாங்களாகவே மூக்கில் இருக்கும் சளியை வெளியேற்ற முடியா விட்டால், மூக்கிலிருந்து சளியை வெளியேற்ற உறிஞ்சும் சாதனத்தை பயன்படுத்தவும். 

தேன் 

ஒரு டீஸ்பூன் தேன் இருமலை எதிர்த்துப் போராடவும் உங்கள் குழந்தையின் தொண்டையை ஆற்றவும் உதவும். இந்த தீர்வு 1 வயதுக்கு மேற்பட்ட குழந்தைகளுக்கு மட்டுமே பரிந்துரைக்கப்படுகிறது.

சூடான உப்பு நீரில் வாய் கொப்பளிக்கவும்

உப்பு நீரில் வாய் கொப்பளிப்பது தொண்டை புண் மற்றும் சளியைக் குறைக்க உதவும். ஒரு கிளாஸ் வெதுவெதுப்பான நீரில் அரை டீஸ்பூன் உப்பைக் கலந்து, குழந்தைகளை வாய் கொப்பளிக்கச் செய்யுங்கள். இந்த மருந்து பொதுவாக 6 அல்லது 7 வயதுக்கு மேற்பட்ட குழந்தைகளுக்கு சிறந்தது, அவர்கள் உப்பு நீரை விழுங்காமல் வாய் கொப்பளிக்கலாம்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒரு போதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.