தினமும் இந்தப்பழத்தை ஒன்றாவது சாப்பிடவேண்டும்; காய்ச்சல் காணாமல் போகும்! வேறு நன்மைகள் என்ன?

தினமும் நீங்கள் ஒரே ஒரு கொய்யாப்பழத்தை மட்டும் கட்டாயம் சாப்பிட்டுவிட வேண்டும். இதனால் உங்கள் உடலுக்கு எண்ணற்ற நன்மைகள் கிடைக்கும் அவை என்னவென்று பாருங்கள். தினமும் ஒரு கொய்யா பழத்தை ஏன் கட்டாயம் சாப்பிட வேண்டும் என்று தெரிந்துகொண்டால் நீங்கள் கட்டாயம் சாப்பிட்டு பலன்பெறுவீர்கள். கொய்யாப்பழம், அதன் இனிப்பு சுவைக்கு பெயர்போனது. இது மிருதுவாகவும், மொறுமொறுப்பாகவும் இருக்கும். இதில் கலோரிகள் குறைவு. ஆனால் வைட்டமின்கள், மினரல்கள் மற்றும் நார்ச்சத்துக்கள் அதிகம். தினமும் ஒரே ஒரு கொய்யாப்பழம் சாப்பிடுவது உங்கள் உடலுக்கு எண்ணற்ற நன்மைகளைக் கொடுக்கும். இது செரிமானத்தை அதிகரித்து மலச்சிக்கலைப் போக்குவது முதல் உங்கள் உடலின் நோய் எதிர்ப்பு மண்டலத்தை வலுப்படுத்தும். தினமும் நீங்கள் இந்த சுவையான பழத்தை உங்கள் உணவில் சேர்த்துக்கொள்வதால் உங்கள் உடலுக்கு கிடைக்கும் நன்மைகள் என்னவென்று தெரிந்துகொள்ளுங்கள்.

காய்ச்சலை எதிர்த்து போராட உதவும்

உங்கள் உடலின் நோய் எதிர்ப்புத்திறனை அதிகரிக்க வைட்டமின் சி சத்துக்கள் அதிகம் நிறைந்த உணவுகளைத் தான் சாப்பிடவேண்டும் என்று அல்ல, நீங்கள் இந்த கொய்யாப்பழத்தையும் அதற்கு பதில் எடுத்துக்கொள்ளலாம். காய்ச்சல் நேரத்தில் சாப்பிட, உங்கள் உடல் தொற்றுக்களை எதிர்த்துப் போராட உதவும். காய்ச்சல் வைரஸ்களை விரட்டும் தன்மைகொண்டது.

ஆரோக்கியமான செரிமானம் மற்றும் வயிற்றுப்போக்கில் இருந்து விடுதலை

நீங்கள் உங்கள் செரிமான மண்டலத்தின் ஆரோக்கியத்தை அதிகரிக்க வேண்டும் என்று எண்ணினால், கொய்யாப்பழம் சிறந்த தேர்வு. இந்த பழத்தில் அதிகளவில் நார்ச்சத்துக்கள் நிறைந்துள்ளது. இது உங்கள் குடல் இயக்கத்தை நன்றாக பராமரிக்க உதவுகிறது. மலச்சிக்கலைத் தடுக்கிறது. கொய்யா இலைகள் வயிற்றுப்போக்கை குணப்படுத்த உதவுகிறது.

தைராய்ட் ஆரோக்கியத்தை பராமரிக்கிறது

தைராய்ட் பிரச்னைகளை நீங்கள் கண்டுகொள்ளாவிட்டால், அது தைராய்டை நோய்களுக்கு வழிவகுக்கும். எனவே தினமும் ஒரு கொய்யாப்பழம் சாப்பிடுவது தைராய்ட் சுரப்பியின் ஆரோக்கியத்துக்கு வழிவகுக்கிறது. கொய்யாப்பழத்தில் அதிகளவில் காப்பர் உள்ளது. இந்த முக்கிய மினரல் தைராய்டு சுரப்பி நன்றாக இயங்க உதவுகிறது. தைராய்ட் சுரப்பி நன்றாக சுரக்கவும், இந்த ஹார்மோனை உடல் உறிஞ்சவும் உதவுகிறது.

பல்வலிக்கு நிவாரணம்

கொய்யத இலைகள் பல் வலிக்கு இயற்கை வலி நிவாரணியாகும். இதில் உள்ள வீக்கத்துக்கு எதிரான குணங்கள் மற்றும் பாக்டீரியாக்களுக்கு எதிரான குணங்கள் சேர்ந்து பாக்டீரியா தொற்றுக்களுக்கு எதிராக கொய்யா போராட உதவுகிறது. இது வலிக்கு நிவாரணம் கொடுக்கிறது. தொற்றுக்களை தடுக்கிறது. இது பற்சிதைவுகள் மற்றும் ஈறுகளில் உள்ள பிரச்னைகளையும் போக்குகிறது.

லோ கிளைசமிக் இண்டக்ஸ்

கொய்யாப்பழம் லோ கிளைசமிக் இண்டக்ஸ் உணவுகளில் உள்ளது. இதற்கு அர்த்தம் என்னவெனில் இது ரத்தத்தில் சர்க்கரையை மெதுவாக கலக்கச்செய்யும். நீங்கள் சாப்பிட்ட பல மணி நேரங்களுக்குப்பின்னர்தான் ரத்தத்தில் சர்க்கரையின் அளவு உயரும். இந்த பொறுமையான நிகழ்வால், நீரிழிவு நோயாளிகளுக்கு ரத்தத்தில் திடீரென சர்க்கரை உயர்வதைத் தடுக்கிறது. திடீரென ரத்தத்தில் சர்க்கரை உயர்ந்தால், அது உங்களுக்கு பல்வேறு உடல் உபாதைகளை ஏற்படுத்தும்.

கொழுப்பை குறைத்து இதய ஆரோக்கியத்தை மேம்படுத்துகிறது

இதய நோய்கள் உலகளவில் மரணத்துக்கு காரணமாக இருக்கின்றன. எனவே உங்கள் உணவில் கொய்யாப்பழங்கள் சாப்பிடுவதை வழக்கமாக்கிக்கொள்வதால், அது உங்கள் இதயத்துக்கு பாதுகாப்பைக் கொடுக்கிறது. கொய்யாப்பழத்தில் ஆன்டி ஆக்ஸிடன்ட்கள் அதிகம் உள்ளன. மேலும் இதில் உள்ள லைக்கோபென்கள், உங்கள் உடலில் உள்ள கெட்ட கொழுப்பை வெளியேற்றி, இதய திசுக்களில் உள்ள ஆக்ஸிடேட்டிவ் அழுத்தத்தைக் குறைக்கிறது. இதய ஆரோக்கியத்தை மேம்படுத்துகிறது.

நார்ச்சத்துக்கள் நிறைந்தது

ரத்த சர்க்கரை அளவைக் கட்டுப்படுத்துவதில் நார்ச்சத்துக்கள் முக்கிய பங்கு வகிக்கின்றன. அது கொய்யாப்பழத்தில் அதிகளவில் உள்ளது. இதில் உள்ள அதிகப்படியான நார்ச்சத்துக்கள், செரிமானத்தை மெதுவாக்கி, உடல் சர்க்கரை அளவை மெதுவாக கிரகிக்க உதவுகிறது. இதனால் நிலையான ரத்த சர்க்கரை அளவுகள் உறுதிப்படுத்தப்படுகிறது. நார்ச்சத்துக்கள் வயிறு நிறைந்த உணர்வைக் கொடுக்கின்றன. நீரிழிவு நோயைக் கட்டுப்படுத்த உதவுகிறது. அதிகம் சாப்பிடவேண்டும் என்ற உணர்வைக் கட்டுப்படுத்துகிறது.

உடல் எடை

நீங்கள் உடல் எடை குறைப்பு பயணத்தில் இருந்தால், அதை ஆரோக்கியமான முறையில் குறைக்க கொய்யாப்பழங்கள் உதவுகின்றன. கொய்யாப் பழத்தில் கலோரிகள் குறைவாக உள்ளது. இது உங்கள் பசியைப் போக்கி வயிறு நிறைந்த உணர்வைக் கொடுக்கிறது. இதில் உள்ள அதிகப்படியான நார்ச்சத்துக்கள் மற்றும் தண்ணீர் சத்த், உங்கள் பசியைப் போக்கி, உங்கள் உணவுக்கு கூடுதல் கலோரிகளை ஏற்றுவதில்லை. எனவே தினம் ஒரு ஆப்பிள், எலுமிச்சைப் போல், கொய்யாவும் உங்கள் உடலுக்கு எண்ணற்ற நன்மைகளைத் தரக்கூடியது.