Brazil Nuts For Hypothyroidism: ஹைப்போ தைராய்டு பிரச்னைக்கு தீர்வாக இருக்கும் பிரேசில் நட்ஸ்கள்! வேறு என்ன நன்மைகள்?

என்னதான் ஆரோக்கியமான டயட்டை பின்பற்றினாலும், தொடர்ந்து உடற்பயிற்சி மேற்கொண்டாலும் உடல் எடை அதிகரிப்பு, உடல் சோர்வு, முடி உதிர்வு, மலச்சிக்கல் போன்ற பிரச்னைகள் இருந்து வந்தால் அது ஹைப்போ தைராய்டிசத்தின் விளைவாக கூட ஏற்படலாம்.

ஹைப்போ தைராய்டிசம் பாதிப்பை குறைக்கும் அற்புதம் நிறைந்த உணவாக பிரேசில் நட்ஸ் உள்ளது. ஹைப்போ தைராய்டு பாதிப்பு இருப்பவர்களுக்கு மிகவும் தேவையான ஊட்டச்சத்தாக இருக்கும் செலினியம் இதில் அதிகமாக நிறைந்துள்ளது.

ஹைப்போ தைராய்டிசம் என்றால் என்ன?

தைராய்டு என்பது உங்கள் கழுத்தின் முன்பகுதியில் உள்ள ஒரு சிறிய, பட்டாம்பூச்சி வடிவ சுரப்பியாக உள்ளது. உங்கள் உடல் எவ்வாறு ஆற்றலை பயன்படுத்தி, வளர்சிதை மாற்றத்தைக் கட்டுப்படுத்துகிறது என்பதே தைராய்டின் முக்கிய வேலையாகும். தைராய்டு சுரப்பி உங்கள் உடலின் தேவைகளைப் பூர்த்தி செய்ய போதுமான தைராய்டு ஹார்மோன்களை உருவாக்காதபோது, ஹைப்போ தைராய்டிசம் என்று அழைக்கப்படுகிறது.

ஹைப்போ தைராய்டிசம் அறிகுறியாக, சோர்வு, மலச்சிக்கல், சருமம் உலர்ந்துபோவது, கரகரப்பான குரல், முடி மற்றும் சருமம் கரடுமுரடாவது, தசை பலவீனம், வழக்கத்தை விட ஒழுங்கற்ற மாதவிலக்கு சுழற்சிகள்,

முடி மெலிவது, புருவ முடி உதிர்தல், இதய துடிப்பு மெதுவாவது, நினைவாற்றல் பிரச்னை போன்றவை உள்ளது.

ஹைப்போ தைராய்டிசத்து உதவும் பிரேசில் நட்ஸ்

பிரேசில் நட்ஸ் மெக்னீசியம், பாஸ்பரஸ் மற்றும் மாங்கனீஸின் சிறந்த இயற்கை மூலமாக உள்ளது. இது பிளாஸ்மா செலினியம் அளவுகள், குளுதாதயோன் பெராக்ஸிடேஸ் (GPx) மற்றும் தைராய்டு ஹார்மோன்கள் ஆகியவற்றிலும் நன்மை பயக்கிறது. இதில் வைட்டமின் ஈ மற்றும் கேலிக் அமிலம், எலாஜிக் அமிலம் போன்ற பீனால்கள் உள்ளிட்ட ஆன்டிஆக்ஸிடன்ட்கள் நிறைந்துள்ளது. பிரேசில் நட்கள் போல் நம்மூர்களில் அதிகமாக கிடைக்கும் பாதாம், அக்ரூட் பருப்புகள், பூசணி விதைகள் போன்றவற்றிலும் நல்ல அளவு செலினியம் இருப்பதுடன், ஹைப்போ தைராய்டிசத்துக்கும் நன்மை பயக்கிறது.

தைராய்டு ஹார்மோன்களின் உற்பத்தியின் போது உருவாகும் ஆக்ஸிஜன் ஃப்ரீ ரேடிக்கல்களை அகற்றுவதன் மூலம், தைராய்டில் உள்ள ஆக்ஸிஜனேற்ற பாதுகாப்புக்கு செலினியம் பங்களிக்கிறது

ஹைப்போ தைராய்டிசத்துக்கு சிகிச்சை அளிக்க பிரேசில் நட்ஸ்களை எவ்வாறு உட்கொள்ளலாம்?

தைராய்டு செயல்பாட்டுக்கு அவசியமான தாதுக்களான செலினியம் அதிகமாக இருப்பதால், பிரேசில் நட்ஸ்கள் ஹைப்போ தைராய்டிசத்துக்கு இயற்கையான தீர்வாக கூறப்படுகின்றன.

தினமும் 1-3 பிரேசில் நட்ஸ்கள் சாப்பிடுவதால், தைராய்டு ஆரோக்கியத்தை ஆதரிக்க போதுமான செலினியத்தை வழங்குகிறது. பிரேசில் நட்ஸ்களை பச்சையாகவும் அளவாகவும் உட்கொள்ள வேண்டும் என ஊட்டச்சத்து நிபுணர்கள் கூறுகிறார்கள்.

அவற்றை நன்கு மென்று சாப்பிடுவது செரிமானம் மற்றும் ஊட்டச்சத்துக்களை உறிஞ்சுவதற்கு உதவுகிறது.

பிரேசில் நட்ஸ்களை உங்கள் உணவில் ஒரு சிற்றுண்டியாக சேர்ப்பது அல்லது சாலடுகள், ஓட்ஸ் அல்லது ஸ்மூத்திகளில் சேர்ப்பது அவற்றின் ஆரோக்கிய நன்மைகளை எளிதாக பெறலாம்.

பிரேசில் நட்ஸ்களில் இருக்கும் மற்ற நன்மைகள்

அழற்சியை குறைக்கிறது

பிரேசில் நட்ஸ்கள் ஆன்டிஆக்ஸிடன்ட்களின் சிறந்த மூலமாக இருப்பதால், இது ஃப்ரீ ரேடிக்கல்களின் சேதத்தைத் தடுக்கிறது. செல்களின் ஆரோக்கியத்தை பராமரிக்கிறது. பிரேசில் நட்ஸ்கள் கேலிக் மற்றும் எலாஜிக் அமிலங்கள், வைட்டமின் ஈ, செலினியம் போன்ற ஆக்ஸிஜனேற்றங்கள் பீனால்களின் நல்ல மூலமாக உள்ளது.

செலினியம் குளுதாதயோன் பெராக்ஸிடேஸ் என்கிற என்சைம் அளவை அதிகரிக்கிறது. இது உடலில் ஏற்படும் வீக்கத்தைக் குறைக்க உதவுகிறது. அத்துடன் ஆக்ஸிஜனேற்ற சேதத்திலிருந்து உடலைப் பாதுகாக்கிறது.

ரத்த சர்க்கரை அளவை குறைக்க உதவுகிறது

ரத்த சர்க்கரை அதிகரிப்பு பிரச்னை இருப்பவர்கள், பிரேசில் நட்ஸ்களை சாப்பிடுவதால் நன்மை பெறலாம். செலினியம் அதிகம் உள்ள உணவுகள் ரத்த சர்க்கரை அளவை மேம்படுத்த உதவுகின்றன. 8 வாரங்களுக்கு நாள்தோறும் தொடர்ச்சியாக பிரேசில் நட் சாப்பிட்டால் உடலில் அதிகரித்த குளுக்கோஸ் மற்றும் மொத்த கொழுப்பை குறைக்கிறது

மூளையின் செயல்பாட்டை மேம்படுத்துகிறது

பிரேசில் நட்ஸ்களில் எலாஜிக் அமிலம் உள்ளது. இதில் இருக்கும் ஆக்ஸிஜனேற்ற மற்றும் அழற்சி எதிர்ப்பு பண்புகள் கொண்ட பாலிபினால் மூளைக்கு நரம்பியல் மற்றும் ஆண்டிடிரஸன் நன்மைகளை வழங்குகிறது. மத்திய நரம்பு மண்டலத்தில் முக்கியமான மூளை சமிக்ஞை பாதைகளை பராமரிப்பதில் செலினியம் முக்கிய பங்கு வகிக்கிறது என்று பல்வேறு ஆய்வுகள் மூலம் தெரியவந்துள்ளது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews   

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v