பீட்ரூட் அல்வா; சரும பொலிவு, உடல் ஆரோக்கியம் என எண்ணற்ற நன்மைகளைத் தரும் ஸ்னாக்ஸ்!

பீட்ரூட்டில் உள்ள ஊட்டச்சத்துக்கள் மற்றும் நன்மைகள் என்னவென்று முதலில் தெரிந்துகொள்ளுங்கள். கலோரிகள் 29, புரதம் 1.4 கிராம், கொழுப்பு, 0.1 கிராம், கார்போஹைட்ரேட் 6.1 கிராம், நார்ச்சத்துக்கள் 2.0 கிராம், 304 மில்லிகிராம் பொட்டாசியம், 120 மைக்ரோகிராம் ஃபோலேட் உள்ளது. பீட்ரூட் சிலருக்கு சிறுநீரகத்தில் சிறிய அளவில் பாதிப்புக்களை ஏற்படுத்தலாம். அதனால் வாரத்தில் ஒன்று அல்லது இரண்டு முறை மட்டுமே எடுத்துக்கொள்வது பாதுகாப்பானது. பீட்ரூட்டில் உள்ள நற்குணங்களுக்காக அதை உணவில் சேர்த்துக்கொண்டு, பல்வேறு ரெசிபிகள் செய்து, சாப்பிட்டு மகிழுங்கள். உடலுக்கு தேவையான எண்ணற்ற ஆரோக்கிய நன்மைகளைத் தரும் பீட்ரூட்களை வாரத்தில் இரண்டு அல்லது மூன்று நாட்கள் எடுத்துக்கொள்ள வேண்டும் என்று மருத்துவர்கள் அறிவுறுத்துகிறார்கள். ரத்தத்தை சுத்தம் செய்து ரத்தத்தில் உள்ள ஹீமோகுளோபின் அளவை அதிகரிப்பதில் பீட்ரூட்கள் முக்கிய பங்கு வகிக்கிறது. உடலில் உள்ள கழிவுகளை வெளியேற்ற உதவுவதால் தினமும் எடுத்துக்கொள்ளக்கூடிய உணவுகள் பட்டியலில் பீட்ரூட் உள்ளது. எனவே பீட்ரூட்டை அடிக்கடி உணவில் சேர்த்து ஆரோக்கிய வாழ்க்கைக்கு அடித்தளம் இடுங்கள். எளிதில் கிடைக்கக்கூடியதாகவும் உள்ளது. கட்டாயம் பீட்ரூட்டில் இந்த கோலா உருண்டையை செய்து சாப்பிட்டு மகிழுங்கள்.

பீட்ரூட்டின் நன்மைகள்

ஆன்டி ஆக்ஸிடன்ட்கள் நிறைந்தது.

புற்றுநோய்க்கு எதிரான குணங்கள் உள்ளது.

வீக்கத்துக்கு எதிரான குணங்கள் நிறைந்தது.

ரத்த அழுத்தத்தை குறைக்கும்.

உடற்பயிற்சியின் ஆற்றலை அதிகரிக்கும். உடலில் ஆற்றல் அளவை அதிகரிக்கும்.

செரிமான ஆரோக்கியத்தை அதிகரிக்கிறது.

குடல் ஆரோக்கியத்தை பாதுகாக்கிறது.

மூளை ஆரோக்கியத்தை அதிகரிக்கிறது.

மெனோபாஸ்க்கு பிந்தைய காலத்திற்கு பயனுள்ளது.

ரேநாய்ட் ஃபினாமினன் அறிகுறிகளைப் போக்குகிறது.

இத்தனை ஆரோக்கிய நன்மைகள் நிறைந்த பீட்ரூட்டில் அல்வா செய்வது எப்படி என்று தெரிந்துகொள்ளங்கள். கேரட் அல்வாவை விட எளிதாக செய்துவிடலாம். மேலும் இதன் சுவையும் அலாதியானது.

தேவையான பொருட்கள்

நெய் – ஒரு ஸ்பூன்

முந்திரி – ஒரு கைப்பிடியளவு

திராட்சை – ஒரு கைப்பிடியளவு

பீட்ரூட் – 1 (துருவியது)

பால் – ஒரு கப்

சர்க்கரை – அரை கப்

இனிப்பு இல்லாத கோவா – 2 டேபிள் ஸ்பூன்

(இது தேவைப்பட்டால் சேர்த்துக்கொள்ளலாம்)

ஏலக்காய்ப் பொடி – ஒரு சிட்டிகை

உப்பு – ஒரு சிட்டிகை

தர்ப்பூசணி விதைகள் காய்ந்தது – சிறிதளவு

(அலங்கரிப்பதற்காக தேவைப்பட்டால் சேர்த்துக்கொள்ளலாம்)

செய்முறை

கடாயில் நெய் சேர்த்து சூடானவுடன், அதில் முந்திரி பருப்பு, திராட்சை சேர்த்து வறுத்து எடுத்து தனியான வைத்துவிடவேண்டும். அடுத்து அதே நெய்யில் பீட்ரூட் சேர்த்து நன்றாக பச்சை வாசம் போகும் வரை வதக்கிக்கொள்ளவேண்டும். தண்ணீர் நன்றாக வற்றியவுடன் பாலை சேர்த்து நன்றாக கலக்கவேண்டும். அடுத்து சர்க்கரை சேர்த்து நன்றாக கலந்துவிடவேண்டும்.

அடுத்து நீங்கள் சேர்க்க விரும்பினால் இனிப்பு இல்லாத கோவா சேர்த்துக்கொள்ளவேண்டும். இனிப்பு இல்லாத கோவா சேர்க்கும்போது பீட்ரூட் அல்வாவின் சுவை மிக நன்றாக இருக்கும். இனிப்பு இல்லாத கோவாவை கடையில் வாங்கிக்கொள்ளலாம் அல்லது இனிப்பு இல்லாத கோவாவை பாலை சுண்டவைத்து நீங்களே தயாரித்துக்கொள்ளலாம். எப்படி வேண்டுமானாலும் கோவாவை தயாரித்துக்கொள்ளுங்கள்.

ஒரு சிட்டிகை உப்பு, ஏலக்காய்ப் பொடி சேர்த்து இறக்கினால் சூப்பர் சுவையான பீட்ரூட் அல்வா தயார். இதில் அலங்கரிக்க கொஞ்சம் தர்ப்பூசணி விதைகளை தூவி பரிமாறலாம். உங்கள் வீட்டில் விசேஷங்கள் என்றாலோ அல்லது ஏதேனும் இனிப்பு சாப்பிட வேண்டும் விரும்பினாலோ இதை செய்து சாப்பிடலாம். பீட்ரூட் உங்கள் உடலுக்கு எண்ணற்ற நன்மைகளைத் தரக்கூடிய ஒன்றாகும். எனவே இதை சாப்பிடுவதால் உங்கள் உடலுக்கு ஆரோக்கியமும் கிடைக்கும் எனவே கட்டாயம் இந்த அல்வாவை செய்து சாப்பிட்டு மகிழ்ந்திருங்கள்.