Green Chilli: பச்சை மிளகாயின் வலி நிவாரணம் உள்ளிட்ட அசரடிக்கும் 5 அற்புதமான நன்மைகள்!

பச்சை மிளகாய் காரமாக இருப்பதால் பலரும் அதை பயன்படுத்துவதில்லை. ஆனால் இது சமையலுக்கு சுவையை சேர்ப்பது மட்டுமல்லாமல், பல ஆரோக்கிய நன்மைகளையும் கொண்டுள்ளது. இதை உட்கொள்வதால் ஏற்படும் 5 அற்புதமான நன்மைகள் குறித்து இங்கு பார்க்கலாம்.

மிளகாய் ஆசியா கண்டத்தில் உணவுப் பொருட்கள் தயாரிப்பில் பரவலாகப் பயன்படுத்தப்படுகிறது மற்றும் பல ஆரோக்கிய நன்மைகளைக் கொண்டுள்ளது. இது உணவுகளுக்கு காரமான சுவையைத் தருகிறது, அது மட்டும் அல்ல ஆரோக்கியத்திற்கும் இனிமையானது.

பச்சை மிளகாயில் உள்ள வைட்டமின் சி கொலாஜன் உற்பத்தியை அதிகரிக்கிறது. இது வயதான அறிகுறிகளைத் தடுக்கிறது. கொலாஜன் சருமத்தின் பொலிவை அதிகரிக்க உதவுகிறது. இது முகப்பரு மற்றும் தோல் வயதாவதை தடுக்கிறது. ஆனால் இந்த பச்சை மிளகாயை அளவோடு சாப்பிடவேண்டும். அதிகமாக சாப்பிட்டால் பல பக்கவிளைவுகள் உண்டாக வாய்ப்புள்ளது என்பதை மறந்து விடாதீர்கள்.

வைட்டமின்கள் நிறைந்தது:

மிளகாயில் பல வைட்டமின்கள் நிறைந்துள்ளன. வைட்டமின் சி நோய் எதிர்ப்பு சக்தியை அதிகரிக்கிறது. வைட்டமின் ஏ தோல் மற்றும் முடி ஆரோக்கியத்திற்கு நல்லது. இது உடலில் நோய் எதிர்ப்பு சக்தியை அதிகரிக்கிறது.

வளர்சிதை மாற்றத்தை மேம்படுத்துகிறது:

மிளகாயில் காரமான தன்மைக்கு காரணமான கேப்ளிசின் என்ற கலவை உள்ளது. இது தற்காலிகமாக வளர்சிதை மாற்றத்தை அதிகரிக்கிறது. இது கலோரிகளை குறைக்கிறது மற்றும் எடை குறைக்க உதவுகிறது.

வலி நிவாரணி:

கேப்ளிசின் ஒரு இயற்கை வலி நிவாரணி. மிளகாய் விதைகள் கீல்வாதம் மற்றும் தசை வலி கிரீம்களில் பயன்படுத்தப்படுவதாக கூறப்படுகிறது.

செரிமானத்தை மேம்படுத்துதல்:

மிளகாய் செரிமானத்திற்கு உதவும் சாறுகளின் உற்பத்தியைத் தூண்டுகிறது. இது செரிமானத்தை மேம்படுத்த உதவுகிறது. சில நபர்களில், இது அஜீரணம் மற்றும் வாய்வு அறிகுறிகளைப் போக்க உதவுகிறது.

ஆன்டி-ஆக்ஸிடன்ட்கள்:

பச்சை மிளகாயில் பீட்டா கரோட்டின் மற்றும் கேப்சைசின் போன்ற ஆன்டி-ஆக்ஸிடன்ட்கள் உள்ளன. இது உடலில் உள்ள தீங்கு விளைவிக்கும் ஃப்ரீ ரேடிக்கல்களை நடுநிலையாக்க உதவுகிறது. நாள்பட்ட நோய்களின் அபாயத்தைக் குறைப்பதில் ஆன்டிஆக்ஸிடன்ட்கள் பங்கு வகிக்கின்றன.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.