Karthigai deepam: ‘என்கவுண்டரில் சாகப்போகும் தீபா.. கண்ணீர் வடிக்கும் கார்த்திக்! - கார்த்திகை தீபம் அப்டேட்!
Sep 02, 2024, 01:16 PM IST
Share
Karthigai deepam: இந்த சின்ன பையன் உன் பேர் என்ன என்று கேட்டான். அவன் கார்த்திக் என்று கூற, எனக்கும் உன் பேரு தான் " கார்த்திக் " என்று சொல்கிறான். தொடர்ந்து அந்த சிறுவன் நான் உன்னை கார்த்திக் என்று கூப்பிடட்டுமா என்று கேட்கிறான். - கார்த்திகை தீபம் அப்டேட்!
காணாமல் போன தீபா.. கார்த்தியை தேடி வந்த முருகர்.. கதையே மாறிப்போச்சு? - கார்த்திகை தீபம் இன்றைய எபிசோட் அப்டேட்
நேராக வந்த முருகர்
தமிழ் சின்னத்திரையில் ஜீ தமிழ் தொலைக்காட்சியில் தினம்தோறும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில் தீபாவின் புடவை மற்றும் மோதிரம் மட்டுமே கிடைக்க, கார்த்தி அதிர்ச்சி அடைந்த நிலையில், இன்று நடக்கப்போவது என்ன என்பது குறித்து பார்க்கலாம்.
அதாவது, கார்த்திக் மனமுடைந்து போய் நேராக ஒரு கோயிலுக்கு வந்து உட்கார்ந்து, தீபாவை எப்படியாவது கண்ணுல காட்டுங்க என கடவுளிடம் வேண்டிக் கொண்டிருக்கிறான். இந்த சமயத்தில் அதே கோயிலுக்கு கடவுள் வேஷம் போட்டு, ஒரு குடும்பத்தினர் வந்து உட்காருகின்றனர். அதில் முருகன் வேஷத்தில் இருந்த சின்ன பையன், கார்த்தியை பார்த்து, அவனை நெருங்கி வருகிறான். ஏன் சோகமா இருக்க சாப்பிடலையா? பசிக்குதா? என்று கார்த்தியை பார்த்து அவன் கேட்க, கார்த்திக் அதெல்லாம் இல்லை என்று சொல்கிறான்.
அதன் பிறகு ஒரு பொருள் தொலைந்து போச்சு, அதை கண்டுபிடித்து கொடுக்கச் சொல்லி கடவுளிடம் கேட்டு வந்திருக்கேன் என்று சொல்ல, இந்த சின்ன பையன் உன் பேர் என்ன என்று கேட்டான். அவன் கார்த்திக் என்று கூற, எனக்கும் உன் பேரு தான் " கார்த்திக் " என்று சொல்கிறான். தொடர்ந்து அந்த சிறுவன் நான் உன்னை கார்த்திக் என்று கூப்பிடட்டுமா என்று கேட்கிறான்.
மறுபக்கம் போலீஸ் ஒரு பெண்ணை கைது செய்து ஜீப்பில் உட்கார வைத்திருக்க, அந்த பெண்ணை என்கவுண்டரில் போட்டு தள்ள திட்டமிடுகின்றனர். இதைக் கேட்ட அந்த பெண் பசிக்குது சாப்பாடு வாங்கித் தாங்க என்று கேட்கிறாள். போலீஸ் அதெல்லாம் வாங்கி தர முடியாது என்று சொல்கின்றனர்.
என்கவுண்டராகப்போகும் தீபா
அதைக் கேட்டு தீபா போலவே இருக்கும் அந்தப் பெண், என்னை என்கவுண்டர்ல போட்டு தள்ள போறீங்கன்னு எனக்கு நல்லாவே தெரியும். நீங்க பேசுனதை நான் கேட்டுட்டேன். கடைசி ஆசையா சாப்பாடு தானே கேட்கிறேன், வாங்கி கொடுங்க என்று கேட்கிறாள். பிறகு போலீஸ் சரி வா என ஹோட்டலுக்கு அழைத்துச் செல்கின்றனர்.
இங்கே கார்த்திக் ரொம்ப நேரமாக அந்த சின்ன பையனிடம் பேசிக் கொண்டிருக்க, அந்த பையனின் குடும்பத்தினர் அவனை விட்டுச் சென்று விடுகின்றனர். பிறகு அந்த பையன் எனக்கு கார்ல போகணும்னு ஆசை, என்ன என் வீட்ல விட்டுடுங்க என்று சொல்லி கேட்க, கார்த்திக்கும் அழைத்துக் கொண்டு கிளம்புகிறான்.
அப்போது அந்த பையன் எனக்கு பசிக்குது என்று சொல்ல கார்த்திக் தீபா போலவே இருக்கும் அந்தப் பெண் வந்துள்ள அதே ஹோட்டலுக்கு ஓட்டலுக்கு அழைத்துச் செல்கிறான். இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைகாட்சியில் காணத் தவறாதீர்கள்
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்