கட் ஆன கரண்ட்..அடியாளாக நுழைந்த கார்த்திக்.. துப்பாக்கியுடன் நின்ற சாமூண்டீஸ்வரி! - கார்த்திகை தீபம் சீரியல் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலில் நேற்றைய எபிசோடில், கரண்ட் கட் ஆக, இன்று நடக்கப் போவது என்ன என்பது குறித்து பார்க்கலாம்.

செக்மேட் வைத்த கார்த்திக்

கரண்ட் கட் ஆன உடன் யாரோ ஒருவன் உள்ளே நுழைய, சாமுண்டீஸ்வரி துப்பாக்கியை ஏந்தி நின்றாள். யார் என்று பார்த்தால் கார்த்திக் வந்து நிற்பது தெரிய வந்தது. உடனே, ரேவதி நீ எதுக்கு வந்த என்று கேள்வி கேட்கிறாள். அதற்கு பதிலளித்த கார்த்திக் சம்மதம் சொல்லதான் வந்தேன் என்கிறான். மேலும், எதுக்கு போலி துப்பாக்கி வச்சுட்டு நின்னுட்டு இருக்கீங்க என்று கலாய்க்கிறான்.

அதை தொடர்ந்து சாமுண்டீஸ்வரி உன்னை அப்படி எல்லாம் வேலைக்கு எடுக்க முடியாது; உன்னை சில கேள்விகள் கேட்கணும் என சொல்ல, கார்த்திக்கோ உங்க எல்லாரையும் இன்டர்வியூ பண்ணிட்டுதான் நான் வேலைக்கு சேருவேன் என செக் மேட் வைக்கிறான்.

அதன் பிறகு ஒவ்வொருத்தராக வர, கார்த்திக் கேள்விகளை கேட்க, கடைசியாக ஸ்வேதா மூலமாக கார்த்திக் இந்த வீட்டுக்குள் நுழைய காரணம் என்று தெரிகிறது. இறுதியாக கார்த்திக் சந்திர கலாவை விசாரிக்க கூப்பிடுகிறான். இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

நேற்று நடந்தது என்ன?

சிவனாண்டி ஆட்கள் சாமுண்டீஸ்வரியை குத்த வர சாமுண்டீஸ்வரி துப்பாக்கியை கையில் எடுத்தாள். இருவருக்கும் இடையே நடக்கும் தகராறில் ஒரு கட்டத்தில் ரவுடிகள் துப்பாக்கியை தள்ளிவிட்டு சாமுண்டீஸ்வரியை குத்த வந்தனர்.

இந்த சமயத்தில் கார்த்திக் இடையில் புகுந்து சாமுண்டீஸ்வரியை காப்பாற்றினான். தொடர்ந்து, ரவுடிகளுக்கும் கார்த்திக்கும் இடையே பெரிய சண்டை நடந்தது. அதைத்தொடர்ந்து சிவனாண்டி கார்த்தியை தனிப்பட்ட முறையில் சந்தித்து. உன்னுடைய வேலையை பார்த்துக்கொண்டு இருக்குமாறு கூற, கார்த்தியோ முடியாது என மறுத்தான்.

இந்த நிலையில், சந்திரகலா மற்றும் சிவனாண்டி திட்டம் ஒன்றை போட்டனர். அதன் படி, திடீரென சாமுண்டீஸ்வரி வீட்டில் கரண்ட் கட் செய்யப்படுகிறது. அப்போது, வீட்டுக்குள் ரவுடிகளை இறக்கி, சாமுண்டிஸ்வரியை குத்த சொல்கிறான் சிவனாண்டி.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.