Karthigai Deepam: கீதாவ தொட விடமாட்டேன்.. துங்காவை தூக்கி அடித்த கார்த்திக்! - கார்த்திகை தீபம் அப்டேட்!

துங்காவிடம் கார்த்திக் விட்ட சவால்.. காத்திருக்கும் சம்பவம் என்ன? கார்த்திகை தீபம் இன்றைய எபிசோடு அப்டேட்

தமிழ் சின்னத்திரையில், ஜீ தமிழ் தொலைக்காட்சியில், தினம்தோறும் இரவு 9:00 மணிக்கு ஒளிபரப்பாகி வரும் பிரபலமான சீரியல், கார்த்திகை தீபம். இந்த சீரியலின் நேற்றைய எபிசோடில் நர்ஸ் சக்தி, துங்காவை பார்த்து அதிர்ச்சி அடைந்த நிலையில், இன்று நடக்கப் போவது என்ன என்பது குறித்து பார்க்கலாம் வாங்க!

தீபாவிற்காக ரிஸ்க் எடுக்கும் நர்ஸ்

அதாவது, துங்காவை பார்த்த நர்ஸ் ஷக்தி அவனுக்கு தெரியாமல் மீண்டும் ஆசிரமத்திற்குள் நுழைந்து விடுகிறாள். அத்தோடு, தீபாவை பத்திரமாக பார்த்துக் கொள்ள வேண்டும் என முடிவெடுக்கிறாள்.

அடுத்ததாக கார்த்தி, அருண் ஆகியோர் தீபாவை தேடி அலையும் போது அவர்கள் துங்காவை பார்க்க நேரிட நான் கண்டிப்பா கீதாவை தூக்குவேன்; அவ எனக்கு பண்ணதை திருப்பி பண்ணுவேன் என்று சவால் விடுகிறான். அதற்கு கார்த்தி, உன்னால கீதாவை எதுவும் பண்ண முடியாது. உன்கிட்ட இருந்து அவங்கள காப்பாத்தி தரேன்னு நான் கீதாவுக்கு வாக்கு கொடுத்து இருக்கேன் என்று பதில் சவால் விடுகிறான்.

இதையடுத்து வீட்டுக்கு வந்த கார்த்திக், கீதாவிடம் நடந்த விஷயத்தை சொல்ல, கீதா நம்மால ஏதாவது பண்ண முடியுமா என்று சந்தேகத்துடன் கேட்க, கார்த்தி தீபாவை நினைத்து வருந்துகிறான். இப்படியான நிலையில் அடுத்ததாக நடக்க போவது என்ன என்பது குறித்து அறிய, கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கடந்த எபிசோடில் நடந்தது என்ன?

சரஸ்வதி சபா கச்சேரிக்காக தீபா பாடுவதாகச் சொல்லி, எல்லோருக்கும் நோட்டீஸ் கொடுக்கப்பட்டது. அதன் மூலமாக தீபா குறித்த தகவல் கிடைக்கும் என நம்பினர். இன்னொரு பக்கம் ஐஸ்வர்யா இதை எப்படியாவது தடுக்க வேண்டும் என துங்காவுடன் சேர்ந்து திட்டம் தீட்டினாள்.

இன்னொரு பக்கம், அருணும், கார்த்திக்கும் நோட்டீஸ் கொடுத்துக் கொண்டு வந்து கொண்டிருந்த போது, தீபா இருக்கும் ஆசிரமத்தை பார்த்து, இங்க நாலு பேர் வந்துட்டு போவாங்க, நோட்டீஸ் கொடுத்தா தீபா குறித்து விவரம் கிடைக்க வாய்ப்பு இருப்பதாக அருண் சொல்ல, கார்த்திக்கும் நோட்டிஸ் கொடுப்பதற்காக கீழே இறங்கி உள்ளே செல்லும் போது, கார்த்திக்கிற்கு போன் கால் வந்தது. இதனையடுத்து அருண் உள்ளே சென்று நோட்டீஸ் கொடுத்தான்.

எதிர்பாராதவிதமாக அவன் கொடுத்த நோட்டீஸ் பறந்து போய், தீபபா மற்றும் சக்தி இருக்கும் ரூமுக்குள் சென்று விட, சக்தி அந்த நோட்டீசை பார்த்து விட்டாள். தீபாவை கண்டுபிடிக்க கார்த்திக் செய்த ஏற்பாடு தான் இது என வெளியே ஓடிவந்து பார்க்க, அதற்குள் அருண் அங்கிருந்து கிளம்பி விட்டான்.

இதை வைத்து தீபா குறித்து கார்த்திக் சாருக்கு தகவல் கொடுக்கலாம் என முடிவெடுக்கும் சக்தி, மேனேஜரிடம் கார்த்திக் நம்பர் குறித்து விசாரிக்க, ஏற்கனவே துங்கா யாராவது கார்த்திக் நம்பர் கேட்டா என்னுடைய நம்பர் தான் கொடுக்கணும் என மிரட்டி வழிக்கு கொண்டு வந்த விஷயம் தெரிய வந்தது. அடுத்து வெளியில் கடவுள் முருகன் வீதி உலா வர, சக்தி சாமி கும்பிட்டுக் கொண்டிருக்க, திடீரென துங்கா அங்கு வந்து நின்றான்.