Youtuber Irfan: சோதனை மேல் சோதனை.. போலீசில் வசமாக சிக்கிய இர்ஃபான்.. தேடி வந்த பில் - நடந்தது என்ன?
Aug 03, 2024, 04:27 PM IST
Share
Youtuber Irfan: சர்ச்சை மேல் சர்ச்சையாக சந்தித்துக்கொண்டிருக்கும் இர்ஃபான், தற்போது இருசக்கர வாகனத்தில் செல்லும் போது, போக்குவரத்து விதிகளை மீறியிருக்கிறார்.
YouTuber Irfan: பிரபல யூடியூபர் இர்ஃபானுக்கு அறிமுகமே தேவையில்லை. பல்வேறு உணவகங்களுக்கு சென்று அந்த உணவகத்தில் இருக்கும் உணவுகளை ருசித்து, அதனை வீடியோவாக வெளியிட்டு வந்த இவர், அண்மை காலமாக சினிமா பிரபலங்களையும், அரசியல்வாதிகளையும் பேட்டி எடுத்து வருகிறார். இவருக்கு யூடியூப்பில் லட்சக்கணக்கான ஃபாலோயர்கள் இருக்கிறார்கள். கடந்த ஆண்டு இருவருக்கு திருமணம் நடந்தது.
இர்ஃபானின் மனைவி கர்ப்பம்
இர்ஃபானின் மனைவி ஆலியா கர்ப்பமாக இருந்த நிலையில், வயிற்றில் இருக்கும் குழந்தையின் பாலினத்தை வெளிநாட்டில் சோதனை செய்து தெரிந்து கொண்டு இந்தியாவில் வெளியிட்டார். இது பெரும் சர்ச்சையாக வெடித்த நிலையில், அவர் மன்னிப்புக் கேட்ட பின்னர், அந்த விவகாரம் முடிவுக்கு வந்தது. இந்த நிலையில் இவருக்கும், பிரியாணி மேன் என்ற பெயரில் யூடியூப் சேனல் நடத்தி வரும் ரஃபிக்கும் யூடியூப்பில் வார்த்தைப்போர் மூண்டது. இந்த பிரச்சினையில் இருதரப்பும் தரக்குறைவான வார்த்தைகளை பயன்படுத்தினர்.
குறிப்பாக, இர்ஃபான் உறவினர் ஏற்படுத்திய கார் விபத்து விவகாரமும், அதில் இருந்து அவர்கள் தப்பித்தது குறித்து பிரியாணி மேன் பேசி இருந்தது கடும் விவாதத்தை எழுப்பியது.
இதற்கிடையே, முன்னதாக தன்னைப்பற்றி பிரியாணி மேன் தரக்குறைவாக பேசியதாக பெண் ஒருவர் சைபர் கிரைமில் புகார் கொடுக்க, ரஃபியை போலீசார் கைது செய்தனர்.இப்படி தொடர்ந்து சர்ச்சை மேல் சர்ச்சையாக சந்தித்துக்கொண்டிருக்கும் இர்ஃபான், தற்போது இருசக்கர வாகனத்தில் செல்லும் போது, போக்குவரத்து விதிகளை மீறியிருக்கிறார்.
இதனையடுத்து சென்னை போக்குவரத்து போலீசார், அவருக்கு ஹெல்மெட் அணியாமல் வாகனம் ஓட்டியதற்காக 1000 ரூபாயும், நம்பர் பிளேட் போக்குவரத்து விதிகளை மீறி இருந்ததால் அதற்கு 500 ரூபாயும் என மொத்தமாக 1500 ரூபாயை போலீசார் அபராதமாக விதித்து இருக்கின்றனர். முன்னதாக, அந்தகன் திரைப்படம் தொடர்பாக பிரபல யூடியூப் சேனலுக்கு பைக்கில் பயணம் செய்தபடி பேட்டிக்கொடுத்தார். அப்போது அவர் போக்குவரத்து விதிகளை மீறியதாக கூறி அவருக்கு 2000 ரூபாய் அபராதம் விதிக்கப்பட்டது குறிப்பிடத்தக்கது.
யார் அந்த பிரியாணி மேன்!
விஸ்காம் படித்த ஒரு மாணவன்.
இது குறித்து அவர் எஸ்.எஸ் யூடியூப் சேனலுக்கு பேசும் போது, “அபி லயோலா காலேஜில், விஸ்காம் படித்த ஒரு மாணவன். அப்போது நானும், என்னுடைய நண்பர்களும் குறும்படங்கள் பலவற்றை எடுத்துக்கொண்டிருந்தோம். அந்தப்படங்களில் வேலை செய்வதற்கு எங்களது ஜூனியர்களை அழைப்போம். அவர்களும், அண்ணன்.. அண்ணன் என்று கூறிக்கொண்டு காசு வாங்காமல் வேலை செய்வார்கள்.
ஆனால், நாங்கள் நமக்காக இவ்வளவு இறங்கி வேலை செய்கிறார்களே.. அவர்களுக்கு பிரியாணியாவையாவது வாங்கிகொடுப்போம் என்று நினைத்தோம். அப்போது கடைகளில் ஒரு கிலோ பிரியாணி மிகவும் பிரபலம். அதன் விலை 100 ரூபாய்தான். 200 ரூபாய்க்கு பிரியாணி வாங்கினால், கிட்டத்தட்ட எட்டு பேர் திருப்தியாக சாப்பிட்டு விடலாம். காலப்போக்கில் அது எங்களது குழுவில் வழக்கமாக ஆகிவிட்டது. ஒரு கட்டத்தில் எங்களுடன் வேலை செய்யப் போனாலே, பிரியாணி கிடைக்கும் என்று எல்லோருக்கும் தெரிந்து விட்டது.
எனக்கு மிகவும் சந்தோஷமாக இருக்கும்
அது இன்னும் கொஞ்சம் மாறி, என் மீது கவனம் திரும்பி, என்னை பிரியாணி என்று அழைக்க ஆரம்பித்து விட்டார்கள். ஒரு கட்டத்தில், என்னை கல்லூரி முழுக்க பிரியாணி பையன் என்றுதான் அழைப்பார்கள். அதை கேட்கும் போது, எனக்கு மிகவும் சந்தோஷமாக இருக்கும் நம்மை, சூப்பர் ஸ்டார் என்று அழைக்கவில்லை என்றாலும் கூட, பிரியாணி பையன் என்றாவது அழைக்கிறார்களே என்று குஷியாக இருக்கும்.
அப்போது, என்னுடைய இன்ஸ்டாகிராம் ஐடியானது பிரியாணி பையன் என்ற பெயரில் இருந்தது. நாங்கள் விஸ்காம் மாணவர்கள் என்பதால், நிறைய டிவி சேனல்களுக்கு ஸ்கிரிப்ட் எழுதி கொடுத்து கொண்டிருந்தோம். அதில் சிலவை ரிஜெக்ட் ஆகிவிடும். அதை எங்களது மன திருப்திக்காக நாங்கள் படமாக்குவோம். அதை யூடியூபில் அப்லோடு செய்யலாம் என்று முடிவு எடுத்தவுடன், அந்த யூடியூப் சேனலுக்கு என்ன பெயர் வைக்கலாம் என்று எல்லோரும் ஆலோசித்தோம்.
ஒரு கிலோ பிரியாணி
அப்போதுதான் நம்மை ஒரு கிலோ பிரியாணி என்று அழைப்பார்களே.. அதையே வைத்து விடலாம் என்று முடிவெடுத்தோம். ஒரு கட்டத்தில், எங்களது குழு உடைந்து விட்டது. ஆனால் காலப்போக்கில், அவரவர்கள் அவர்களுக்கு கிடைத்த சிறந்த வாய்ப்புகளை பயன்படுத்தி, அடுத்த கட்டத்தை நோக்கி சென்று விட்டார்கள். ஆனால், நான் வீடியோ உருவாக்கத்திலேயே இருக்கலாம் என்று முடிவெடுத்து இங்கேயே இருந்து விட்டேன்.
அந்த நேரத்தில்தான் என்னுடைய இன்ஸ்டாகிராம் ஐடியை தி பிரியாணி பையன் என்று மாத்தினேன். இதைப் பார்த்த என்னுடைய அம்மா youtube சேனலுக்கும் அதே பெயரையே வைத்து விடலாமே என்று சொன்னார். நான் யோசித்தேன். பிரியாணி நமக்கு மிகவும் பிடிக்கும், அதையே வைத்துவிடலாமே என்று சொல்லி, பிரியாணி மேன் என்று youtube சேனலுக்கு பெயர் வைத்தேன். அப்படித்தான் நான் உருவேனேன்” என்று பேசினார்
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்