Actor Surya Birthday: ‘நீ பூஜ்ஜியத்தில் இருந்தாலும் பரவாயில்ல’.. அண்ணனுக்கு பிறந்தநாள் வாழ்த்து சொன்ன கார்த்தி

நடிகர் சூர்யா இன்று தன்னுடைய 49 வது பிறந்தநாளை கொண்டாடுகிறார். இதனை முன்னிட்டு அவருக்கு அவரது ரசிகர்கள், பிரபலங்கள் உள்ளிட்ட பலரும் பிறந்தநாள் வாழ்த்து கூறி வரும் நிலையில், தற்போது அவரது தம்பியும், நடிகருமான கார்த்தி, பிறந்தநாள் வாழ்த்து கூறியிருக்கிறார்.

இது குறித்து தன்னுடைய ட்விட்டர் பக்கத்தில் பதிவிட்டு இருக்கும் அவர், “ நீ பூஜ்ஜியத்தில் இருந்து தொடங்கினாலும் பராவாயில்லை, ஒரு விஷயத்தை கற்றுக்கொண்டு, அதில் உழைப்பு மற்றும் அர்ப்பணிப்பை கொடுக்கும் போது, எந்த விஷயத்தையும் சாதிக்கலாம் என்று எனக்கு காட்டிய உனக்கு பிறந்தநாள் வாழ்த்துகள். இந்த சமூகத்தில் அன்பை பரப்பும் எங்களது ரசிகர்களுக்கு, எங்கள் அன்பை கொடுக்கிறோம்” என்று குறிப்பிட்டு இருக்கிறார்.

சூர்யாவின் பிறந்தநாளை முன்னிட்டு, நடிகர் சூர்யா தற்போது நடித்து வரும் சூர்யா 44 படத்தில் இருந்து டீசர் வீடியோ வெளியாகி இருக்கிறது.

பிரபல இயக்குநர் கார்த்திக் சுப்புராஜ் இயக்கும் இந்தப்படத்தில் இருந்து, கடந்த மாதம், ஃபர்ஸ்ட் லுக் வீடியோ ஒன்று வெளியானது. அதில், படத்தில் சூர்யாவின் லுக் வெளியிடப்பட்டு இருந்தது.

இது தொடர்பாக சூர்யா வெளியிட்டு இருந்த எக்ஸ் பதிவில், “லைட்ஸ், கேமரா, ஆக்‌ஷன்.. ஷூட்டிங் நடைபெற்று வருகிறது” என்று பதிவிட்டு இருந்தார்.

இந்தப்படத்தின் கதாநாயகியாக பூஜா ஹெக்டே கமிட் செய்யப்பட்டு இருக்கிறார். இவர்களுடன் நடிகர்கள் கருணாகரன், ஜெயராம், ஜோஜூ ஜார்ஜ் உள்ளிட்ட பலர் இந்தப்படத்தில் கமிட் செய்யப்பட்டு இருக்கிறார்கள். இந்தப்படத்திற்கு இசையமைப்பாளர் சந்தோஷ் நாராயணன் இசையமைத்து இருக்கிறார்.

முன்னதாக, நடிகர் சூர்யாவின் 44 வது திரைப்படத்தை பிரபல இயக்குநர் கார்த்திக் சுப்புராஜ் இயக்க இருப்பது தொடர்பான அறிவிப்பு வெளியான போது அந்தப்படம் தொடர்பாக, கார்த்திக் சுப்புராஜ் நெகிழ்ச்சியை வெளிப்படுத்தும் விதமாக பதிவு ஒன்றை வெளியிட்டு இருந்தார். அந்தப்பதிவில், “ நான் என்னுடைய அடுத்தப்படத்தில், எப்போதும் அழகாக இருக்கும் சூர்யாவுடன் சாருடன் இணைய இருக்கிறேன்” பதிவிட்டு இருந்தார்.

இந்த அறிவிப்பு அனைவரையும் ஆச்சரியப்படுத்தியது.காரணம், சூரரைப்போற்று திரைப்பட வெற்றிக்கு பிறகு சுதா கொங்கரா படத்தில் கமிட் ஆன நடிகர் சூர்யா, அந்தப்படம் கால தாமதம் ஆகும் என்று அறிக்கை வெளியிட்டு இருந்தார். இந்த நிலையில் அவர் வெற்றிமாறன் இயக்கும் வாடிவாசல் படத்தில் கமிட் ஆவார் என்று எதிர்பார்க்கப்பட்டது.

வாடிவாசல் கைவிடப்படுகிறதா?

காரணம், விடுதலை திரைப்படத்தின் இசை வெளியீட்டு விழாவில் விடுதலை இரண்டாம் பாகத்தை முடித்த பின்னர், வாடிவாசல் படத்தை இயக்க இருப்பதாக வெற்றிமாறன் கூறி இருந்தார். இதற்கிடையே, சூர்யா 44 தொடர்பான அறிவிப்பு வந்த காரணத்தால், அந்தப்படத்தின் நிலை என்ன என்பது தெரியவில்லை. அந்தப்படம் தொடருமா இல்லை கைவிடப்படுமா? என்பதை பொறுத்திருந்தான் பார்க்க வேண்டும்

சூர்யா 44 படம் குறித்து தயாரிப்பாளர் கார்த்திகேயன் பேசும் போது, “ இந்தக்கூட்டணி குறித்தான ரகசியத்தை பாதுகாப்பது என்பது மிக மிக முக்கியமானது. திரைத்துறையில் தற்போது அதிகமான அளவில் தகவல் கசிவு நடந்து வருகிறது. அதனால் சரியான தருணம் வரும் வரை இந்த கூட்டணி தொடர்பான ரகசியத்தை நாங்கள் பாதுகாத்து வந்தோம்.

2 வருடங்களாக நடந்த டிஸ்கஷன்

இந்தப்படம் தொடர்பான டிஸ்கஷன், சூர்யா சாருக்கும் கார்த்திக் சுப்புராஜூக்கும் இடையே கிட்டத்தட்ட 2 வருடங்களாக நடந்து வருகிறது. இந்தக் கூட்டணி அவர்களின் கலை குறித்தான பார்வையை உயிர்பிப்பதற்காக சரியான தருணத்தை எதிர்நோக்கி காத்துக்கொண்டிருந்தது.” என்று பேசினார்.

நடிகர் சூர்யாவின் 42ஆவது திரைப்படமான கங்குவா படத்தை இயக்குநர் சிறுத்தை சிவா இயக்கி வருகிறார். இந்தப் படத்தில் சூர்யாவிற்கு ஜோடியாக பாலிவுட் நடிகை திஷா பதானி நடிக்கிறார்.வில்லனாக அண்மையில் அனிமல் திரைப்படத்தில் வில்லனாக நடித்து பிரபலமான பாபி தியோல் நடிக்கிறார்.

இவர்களுடன் நடிகர்கள் யோகி பாபு, ஆனந்த் ராஜ், ரெடின் கிங்ஸ்லி, ரவி ராகவேந்திரா உள்ளிட்டப் பல நடிகர்கள் நடித்துள்ளனர். இசையமைப்பாளர் தேவி ஸ்ரீபிரசாத் இந்தப்படத்திற்கு இசையமைத்து இருக்கிறார். இந்தப்படம் வருகிற அக்டோபர் மாதம் 10ம் தேதி திரைக்கு வருகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9