Sujatha Vijayakumar: ‘ரவிதான் எங்க வீட்ல முதல்ல கால் வச்ச ஆம்பள.. பேரன்தான் வேணும்னு தவம் இருந்தேன்’- ரவி மாமியார்!
Sep 11, 2024, 01:34 PM IST
Share
Sujatha Vijayakumar: ஜெயம் ரவிக்கும், ஆர்த்திக்கும் இடையே சண்டை நடக்காமல் இருந்ததே இல்லை என்று நான் சொல்ல மாட்டேன். அவர்களுக்குள்ளேயேயும் நிறைய வாக்குவாதங்கள் வரும். அந்த மாதிரியான தருணங்களில், நான் ஒவ்வொரு முறையும் ரவிக்கு ஆதரவாகவே நிற்பேன். அங்கு தான் பிரச்சினையை ஏற்படும். - ரவிமாமியார்!
ஜெயம் ரவி ஆர்த்தியை பிரிவதாக அண்மையில் அறிக்கை வெளியிட்ட நிலையில், ஆர்த்தி ரவி இது என்னுடைய ஒப்புதல் இல்லாமல் ரவி எடுத்த தன்னிச்சையான முடிவு என்று, இன்று அவர் வெளியிட்ட அறிக்கையில் குறிப்பிட்டு இருக்கிறார். இந்த நிலையில் இவர்கள் பிரிவிற்கு ஜெயம் ரவி மாமியாரான சுஜாதா விஜயகுமார்தான் காரணம் என்று கூறப்படுகிறது. இந்த நிலையில் கடந்த ஆறு மாதத்திற்கு முன்னதாக, சுஜாதா பிஹைண்ட் வுட்ஸ் சேனலுக்கு கொடுத்த பேட்டியில், ரவிக்கும் ஆர்த்திக்கும் இடையே இருந்த பிணைப்பு குறித்து பேசி இருக்கிறார்
ஆர்த்தி டென்ஷன் பார்ட்டி
இது குறித்து அவர் பேசும் போது, “உண்மையில் ஜெயம் ரவியும் ஆர்த்தியும் காதலிக்கிறார்கள் என்று என்னிடம் சொன்னபோது, நான் உண்மையில் மிகவும் ஷாக் ஆனேன். காரணம், அவர்கள் சினிமா சம்பந்தப்பட்ட குடும்பம். நாங்கள் வேறு குடும்பம். அப்படி இருக்கும் பொழுது, எப்படி இவர்கள் தங்களை கனெக்ட் செய்து கொண்டார்கள் என்பதில் எனக்கு ஆச்சரியம் இருந்தது. அதன் பின்னர்தான் ஜெயம் ரவியும் ஆர்த்தியும் நிகழ்ச்சி ஒன்றில் சந்தித்து இருக்கிறார்கள் என்பதும், அப்போது இருவருக்கும் ஒருவரை ஒருவர் பிடித்து போனது என்பதும் தெரிய வந்தது.
ஜெயம் ரவிக்கும், ஆர்த்திக்கும் இடையே சண்டை நடக்காமல் இருந்ததே இல்லை என்று நான் சொல்ல மாட்டேன். அவர்களுக்குள்ளேயேயும் நிறைய வாக்குவாதங்கள் வரும். அந்த மாதிரியான தருணங்களில், நான் ஒவ்வொரு முறையும் ரவிக்கு ஆதரவாகவே நிற்பேன். அங்கு தான் பிரச்சினையை ஏற்படும். ஆர்த்தி இதுகுறித்து நீ உன்னுடைய மாப்பிள்ளைக்கு சப்போர்ட் செய்கிறாயா? இல்லை, நான் தவறு செய்து இருக்கிறேன் என்பதிற்கு சப்போர்ட் செய்கிறாயா என்று என்னிடம் கேட்பாள். ஆனால், அந்த விஷயத்தை அப்படி அணுக கூடாது. காரணம், ரவி கொஞ்சம் நிதானமானவர். ஆனால் ஆர்த்தி அப்படி கிடையாது. சின்ன விஷயத்திற்கு கூட சடாரென்று டென்ஷன் ஆகி விடுவார்.
அதை வைத்து நான் ரவிக்கு சப்போர்ட் செய்வேன். அப்போது எனக்கும் ஆர்த்திக்கும் இடையே வாக்குவாதம் ஏற்படும். என்னுடைய வீட்டில் எல்லோருமே பெண் பிள்ளைகள் தான். என்னுடைய அம்மாவிற்கு முழுக்க பெண் பிள்ளைகள்தான். எனக்கு இரண்டு பெண் பிள்ளைகள். என்னுடைய தங்கைக்கு மூன்று பெண் பிள்ளைகள். மூத்த அக்காவிற்கு இரண்டு பெண் பிள்ளைகள் இப்படி எங்களை சுற்றி எல்லாமே பெண்களாகவே இருந்தார்கள். அதனால் எங்களுக்கு ஆண்கள் அதிகம் பரீட்சமில்லாமல் இருந்தார்கள். ஒரு நிகழ்ச்சிக்கு சென்றால் கூட அத்தி பூத்தார் போல, ஏதாவது ஒரு ஆண் இருப்பார்.
முதல் ஆண்மகன்
அப்படி பார்க்கும் பொழுது ரவி தான் எங்களுடைய வீட்டில் முதலில் கால் வைத்த ஆண் மகன். நான் எனக்கு பேரன் வேண்டும் என்று சொல்லி மிகவும் வேண்டி கேட்டுக் கொண்டிருந்தேன். அதன்படியே எங்கள் வீட்டிற்கு ஜெயம் ரவியின் மூலமாக பேரன் வந்தான். அது நிகழ்வு எங்கள் வீட்டில் பண்டிகை விட ஒரு படி மேலே சென்று மிகவும் ஒரு கொண்டாட்டமான விஷயமாக இருந்தது. ஆரவ் பற்றி பேசினாலே நான் அழ ஆரம்பித்து விடுவேன். அதன் பின்னரும் இன்னொரு பேரன் பிறந்தான். என்னுடைய மன அழுத்தத்திற்கு மருந்தே அவர்கள் இரண்டு பேரும் தான்” என்று பேசினார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்