Unni Mukundan: மலையாளத்தின் சிக்ஸ் பேக் நடிகர்.. தமிழில் கருடன் தந்த வெளிச்சம்.. உன்னிமுகுந்தன் வளர்ந்த கதை!

Unni Mukundan: கலைக்கு மொழி கிடையாது என்பார்கள். அப்படி தமிழ்நாட்டில் பிறமொழி பேசும் மாநிலத்தவர்கள் நடிகர்கள் சாதித்த வரலாறு ஏராளம் உண்டு. நம் ஊர்க்காரர்களும் வேறுமொழி பேசும் ஊர்களில் சென்று கோலோச்சியதும் உண்டு. அப்படி ஒரு நடிகர் தான், உன்னி முகுந்தன். இன்றுடன் 37ஆவது வயதில் எடுத்துவைக்கும் உன்னி முகுந்தன் கடந்த வந்த பாதையைக் காணலாம்.

யார் இந்த முன்னி முகுந்தன்?:

கேரள மாநிலம், திருச்சூரில் மடத்திபரம்பில் முகுந்தன் நாயர் மற்றும் ரோஜி முகுந்தன் என்னும் மலையாளம் பேசும் தம்பதியருக்கு, 1987ஆம் ஆண்டு, செப்டம்பர் 22ஆம் தேதி மகனாகப் பிறந்தவர் தான், உன்னி முகுந்தன்.

உன்னி முகுந்தன் தன் சிறு வயதில் குஜராத் மாநிலம், அகமதாபாத்தில் வளர்ந்தார். அதனால், அகமாதாபாத்தில் உள்ள பிரகதி மேல்நிலைப்பள்ளியில் தான் அவரது படிப்பும் இருந்தது. அதன்பின், கல்லூரி படிப்பதற்காக ஊர் திரும்பும் உன்னி முகுந்தன்,திருச்சூர் அருகிலுள்ள பிரஜோதி நிகேதன் கல்லூரியில் ஆங்கில இலக்கியமும் இதழியலும் படிக்கின்றார். படித்தமுடித்த உடன் ஆரம்பத்தில் டி.டி.இ.சி என்னும் அமெரிக்க ஆயுள் நிறுவனத்தில் வாடிக்கையாளர் சேவை மையப் பணிகளைப் பார்த்தார்.

முதல் படமே உன்னி முகுந்தனுக்கு தமிழ்ப்படம் தான்

2011ஆம் ஆண்டு, உன்னி முகுந்தன், தமிழில் சீடன் என்னும் படத்தின் மூலம் சினிமாவில் அறிமுகமானார். அதன்பின், மலையாளத்தில் பாம்பே மார்ச் 12 என்னும் படத்தில் அறிமுகம் ஆனார். இந்தப் படத்தின்மூலம் மலையாளத்தின் உச்ச நடிகரான மம்மூட்டியுடன் சேர்ந்து நடித்தார். இப்படத்தில் நடித்தமைக்காக சிறந்த புதுவரவு நடிகர் என்னும் சைமா விருதினை வென்றார். அதன்பின், மலையாள இயக்குநர் டி.கே.ராஜிவ் குமார் இயக்கிய தல்சமயம் ஒரு பெண்குட்டி என்னும் படத்தில் நடித்தார்.

உன்னி முகுந்தனின் வாழ்வில் திருப்புமுனையாக அமைந்த படம் என்றால், அது மலையாள இயக்குநர் விஷாக் இயக்கிய மல்லு சிங் எனலாம். இப்படம் கேரளாவில் 100 நாட்கள் ஓடியது.

2015ஆம் ஆண்டு, உன்னி முகுந்தனுக்கு நிறைய நல்ல படங்கள் கிடைத்த வருடம் எனலாம். இந்த ஆண்டு தீபு கருணாகரன் இயக்கத்தில் மம்மூட்டி நடித்த ஃபயர் மேன் திரைப்படத்தில் துணை நடிகர் கதாபாத்திரத்தில் உன்னி முகுந்தன் நடித்தார். அதே வருடத்தில் இயக்குநர் பேரரசு இயக்கிய மலையாளப் படமான சாம்ராஜ்யம் 2: சன் ஆஃப் அலெக்ஸாண்டர் படத்தில் ஹீரோவாக நடித்தார். அடுத்து இயக்குநர் முஷின் பராரி இயக்கத்தில் கே.எல்.10 பத்து என்னும் படத்தில் நடித்தார்.

தெலுங்கு - தமிழிலும் முத்திரை பதிக்கும் உன்னி முகுந்தன்:

அடுத்து 2016ஆம் ஆண்டு ஸ்டைல் என்னும் கமர்ஷியல் மலையாளப் படத்திலும், காட்டும் மழையும் என்னும் படத்திலும், ஒரு முறை வந்து பார்த்தாயா என்னும் மலையாளப் படங்களிலும் உன்னி முகுந்தன் நடித்தார். அடுத்து அதே ஆண்டு, ஜனதா கேரேஜ் என்னும் தெலுங்கு படத்தில் மோகன் லாலின் மகனாக நடித்திருந்தார், உன்னி முகுந்தன். குறிப்பாக, படத்தில் வில்லத்தனம் செய்திருப்பார். இப்படம் தெலுங்கில் பெரியஹிட்டானது.

2017ஆம் ஆண்டு, அச்சாயன்ஸ் என்னும் படத்தின்மூலம், மலையாளத்தில் பாடலாசிரியராகவும் பாடகராகவும் உருவெடுத்தார், உன்னி முகுந்தன். அதன்பின், அவருடே ராவுகள், மலையாள ஹரிகுமாரின் இயக்கத்தில் கிளைண்ட், மம்மூட்டி நடித்த மாஸ்டர் பீஸ் ஆகியப் படத்தில் வில்லன் ரோல் என வரிசையாக நடித்தார், நடிகர் உன்னி முகுந்தன்.

2018ஆம் ஆண்டு, தமிழ் - தெலுங்கில் நடிகை அனுஷ்கா ஷெட்டியுடன் இணைந்து நடித்த ‘பாகமதி’ பெரிய ஹிட்டானது. 2022ஆம் ஆண்டு, மாளிகைப்புரம் என்று இவர் நடித்த படம் பல்வேறு மொழிகளில் டப் செய்யப்பட்டு ஹிட்டானது. சமீபத்தில் இவர் சூரி, சசிகுமாருடன் இணைந்து நடித்த ‘கருடன்’திரைப்படம் மிகப்பெரிய ஹிட்டானது குறிப்பிடத்தக்கது.