Singappenne serial: காதல் கோளாறில் அன்பு…முட்டிமோதும் மகேஷ்.. ஊசலாடும் ஆனந்தி காதல்.. - சிங்கப்பெண்ணே சீரியலில் இன்று!
Aug 19, 2024, 01:39 PM IST
Share
Singappenne serial: தன் அண்ணன் வேலுவுக்காகவும் தான் தீமிதிப்பதாக கூற, எல்லோரும் ஆச்சரியப்படுகிறார்கள். இதை பார்க்கும் வேலு கண் கலங்குகிறான். - சிங்கப்பெண்ணே சீரியலில் இன்று!
சிங்க பெண்ணே சீரியல் தொடர்பாக இன்று வெளியாகி இருக்கும் புரோமூவில் சுயம்பு லிங்கம் தரப்பிற்கும்,அன்பு தரப்பிற்கும் இடையே நடக்கும் கயிறு இழுக்கும் போட்டியில் அன்பு தரப்பு ஜெயிக்கிறது. இதையடுத்து மகேஷ், ஆனந்தியின் குடும்பத்தை தொட வேண்டுமென்றால், எங்கள் இருவரை தாண்டிதான் நீ தொட வேண்டும் என்று சுயம்புலிங்கத்திடம் சவால் விடுகிறான்.
இதற்கிடையே ஆனந்தி, தன் அண்ணன் வேலுவுக்காகவும் தான் தீமிதிப்பதாக கூற, எல்லோரும் ஆச்சரியப்படுகிறார்கள். இதை பார்க்கும் வேலு கண் கலங்குகிறான். இதற்கிடையே அன்பு அம்மனிடம் ஆனந்தியிடம் காதலிச்சொல்ல வாய்ப்பு ஏற்படுத்தித் தருமாறு வேண்டுகிறான். அதோடு இன்றைய புரோமோ முடிவுக்கு வருகிறது.
கடந்த எபிசோடில் நடந்தது என்ன?
கடந்த எபிசோடில் செவரக்கோட்டைக்கு ஆனந்தியும் அவரது அலுவலகத்தில் உள்ளவர்களும் கோயில் திருவிழாவிற்கு வருகை தந்திருந்தார்கள். அவர்களுக்கு குடைச்சல் கொடுப்பதற்காக சுயம்பு லிங்கம் மித்ராவுடன் சேர்ந்து கொண்டு திட்டம் தீட்டுகிறான்.
அந்தத் திட்டத்தின் படி மித்ராவை வைத்து கோயில் பொங்க பானையை உடைய வைக்கிறான். இதைப் பார்த்து அதிர்ச்சியான ஆனந்தி என்ன செய்வதென்று தெரியாமல் திகைத்துப் போய் நின்றாள். இதையடுத்து ஊர் பெரியவர்கள் ஆனந்தியின் குடும்பம், சுயம்புலிங்கம் தரப்பு உள்ளிட்டோர் என்ன செய்யலாம் என்று பேசுகிறார்கள். இந்த வாய்ப்பை சரியாக பயன்படுத்திக் கொள்ள வேண்டும் என்று நினைக்கும் சுயம்புலிங்கம், வீட்டில் யாரேனும் சுத்தப் பதட்டமாக இல்லை என்றால் இப்படி நடக்கும் என்று வாய்க்கு வந்த படி பேசுகிறான். இதையடுத்து பேசும் ஆனந்தியின் அப்பா, எங்கள் குடும்பத்தை பற்றி ஊருக்கு தெரியும் என்று சொல்ல, சுயம்புலிங்கமோ உங்களைப் பற்றி எங்களுக்கு நன்றாகத் தெரியும்.
ஜாடை மாடையாக தாக்கிய சுயம்பு
ஆனால் உங்கள் மகள் தான் தற்போது டவுனில் இருந்து வந்திருக்கிறாள். என்று ஜாடை மாடையாக பேசி ஆனந்தியை தவறாக பேசினான். இதையடுத்து ஆனந்தி தரப்பு கொந்தளிக்கிறது. இதற்கிடையே உள்ளே வரும் பூசாரி இந்த வருடம் ஆனந்தி காப்பு கட்டி தீ மிதிக்க வேண்டாம் என்று சொல்கிறார். ஆனால் திடீரென்று பாதை மாறும் சுயம்பு அவள் காப்பு கட்டட்டும் நடப்பதை பார்த்துக் கொள்ளலாம் என்று கூறினான்.
ஆனந்தி யாருக்கு?
இந்த நிலையில் சேகர் சுயம்புலிங்கத்திடம் என்ன திடீரென்று அவர்கள் பக்கம் மாறி விட்டீர்கள் என்று கேட்க, திட்டம் ஒன்று இருப்பதாக அவன் சொன்னான். இதையடுத்து கயிறு இழுக்கும் போட்டி நடக்கிறது. அந்த போட்டியில் செவரகோட்டை தலைமையில் நன்றாக ஆடும் இரண்டு நபர்களை காசு கொடுத்து சுயம்பு விலக்கி வாங்கி,அவர்களை போட்டியிலிருந்து விலக வைத்தான். இதையடுத்து அவர்களும் சுயம்புலிங்கம் சொன்னது போல விலகி விட, அவர்களுக்கு பதிலாக வேறு யாரேனையும் கலந்து கொள்ளுமாறு சுயம்பு விவாதம் செய்கிறான். இதையடுத்து மகேஷும் அன்பும் களத்தில் இறங்குகிறார்கள்.அவர்களுக்கு பதிலாக எதிரணியில் சுயம்பும் சேகரும் களமிறங்கினார்கள். இதற்கிடையே அன்பும் மகேஷம் ஆனந்தி மீதான தங்களுடைய காதலை வெளிப்படுத்த தயாராக இருக்கிறார்கள்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்