Singapenne Serial: குடோனுக்குள் காதல் சடுகுடு.. கருநாகமாய் அலையும் கருணாகரன்! -சிங்கப்பெண்ணே சீரியலில் இன்று!

சிங்கப்பெண்ணே சீரியல் தொடர்பாக இன்று வெளியாகி இருக்கும் புரோமோவில் அன்பின் மனசாட்சி, அவன் முன் தோன்றி இனி நான் உன் முன்னே வருவதும், வராததும் உன்னுடைய முடிவில்தான் இருக்கிறது என்று சொல்கிறது. இன்னொரு பக்கம் சொக்கலிங்கம் செய்த சூழ்ச்சியால், ஆனந்தியின் குடும்பம் கதறி அழுது கொண்டிருக்கிறது; மற்றொரு பக்கம் ஆனந்தியிடம் காதலை சொல்வதற்காக அவளை குடோனுக்கு வரச் சொல்லி இருக்கிறான் அன்பு.  ஆக, இன்றைய சீரியலில் இது தொடர்பான நிகழ்வுகள் இடம் பெறும் என்று எதிர்பார்க்கலாம். 

கடந்த எபிசோடில் நடந்தது என்ன? 

செவரக்கோட்டையில் பாட்டன் சாமியை பார்க்க அழகப்பனும் அவரது குடும்பமும் வந்திருந்தது. அந்த நேரத்தில் ஆனந்தி வீடியோ காலில் வர, பாட்டன் சாமியை தானும் பார்க்க வேண்டும் என்று அப்பாவிடம் கூறினாள் ஆனந்தி. இதையடுத்து அப்பா வீடியோ காலில் பாட்டன் சாமியை காண்பிக்க, அவள் என்ன அலங்காரம் செய்யாமல் இருக்கிறது என்று கடிந்து கொண்டாள். 

இதையடுத்துப் பேசிய அவளது அம்மா, எப்போதுமே நீதான் எல்லாமே செய்வாய். ஆனால் இந்த சமயத்தில் நீ அங்கு இருக்கிறாய் என்று திருப்பி கேள்வி கேட்டார். இதைக் கேட்ட ஆனந்தி வருத்தம் அடைந்தாள். மற்றொருபக்கம் அன்பு செவரக்கோட்டைக்கு போனதை அவளது தங்கை,  அம்மாவிடம் போட்டுக் கொடுக்க, கோபத்தின் உச்சத்திற்கு சென்ற அன்பின் அம்மா, அவனைக் கன்னத்தில் ஓங்கி அறைந்தார். அத்தோடு மட்டுமில்லாமல், அன்பின் மாமா பெண்ணான துளசியை சீக்கிரமே உனக்கு கல்யாணம் முடித்து வைக்கிறேன் என்று சொல்லிவிட்டு சென்றார். ஏற்கனவே ஆனந்தியுடன் காதலில் இருக்கும் அன்பு இதை கேட்டு அதிர்ந்து போனான். 

அடித்து துன்புறுத்திய கருணாகரன் 

இன்னொரு பக்கம் கம்பெனியின் முழு கட்டுப்பாடும் கருணாகரனின் பக்கம் வந்துவிட்டது. இந்த நிலையில் அவன் கம்பெனிக்குள் ஒரு பெண்ணை மறைமுகமாக பணி அமர்த்தி, கம்பெனிக்குள் என்ன நடக்கிறது என்பதை உடனுக்குடன் என்னிடம் வந்து சொல்ல வேண்டும் என்று சொல்ல, ஒரு பெண்ணும் ஒரு ஆணும் பேசுவதை அவள் அவரிடம் சென்று போட்டுக் கொடுத்து விட்டாள். 

இதையடுத்து வெளியே வந்த கருணாகரன், அவனை அடித்து துன்புறுத்தியதோடு, மட்டுமில்லாமல் வேலையை விட்டு அனுப்புகிறேன் என்று கூறினான். இதையடுத்து அவன் இந்த சம்பளத்தில் தான் என்னுடைய குடும்பம் வாழ்க்கை நடத்திக் கொண்டிருக்கிறது என்று அவனின் காலைப் பிடித்து கெஞ்ச, காலை பிடித்ததால் உன்னை சும்மா விடுகிறேன் என்று எச்சரித்தான். அத்தோடு, இனி சாப்பிடும் பொழுது ஆணும் பெண்ணும் சேர்ந்து சாப்பிடக்கூடாது என்றும் முதலில் பெண்கள் சாப்பிட சென்று விட்ட பின்னர்தான், ஆண்கள் சாப்பிட வேண்டும் என்று கண்டிஷன் போட்டான். இதைக் கேட்ட அனைவரும் ஷாக்காகி நின்றனர். 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9