Shakila Vs Raadhika: ‘கேரவன்ல கேமரா வச்சாங்களாமே; விளம்பரத்துக்காக செக்ஸ் டார்ச்சர் ’ - ராதிகாவை வெளுத்த ஷகிலா!
Sep 10, 2024, 03:18 PM IST
Share
Shakila Vs Raadhika: அப்படியானால் அது முடிந்து போன கதை. நீங்கள் அப்போது தயாரிப்பு தரப்பிடம் இதுபோன்று நடக்கிறது. இதை பார்த்துக் கொள்ளுங்கள் என்று அட்வைஸ் செய்து இருந்தால் போதும், நீங்கள் ஒருவர் அது போன்று நின்று இருந்தால் போதும், நாங்கள் உங்களுடன் வந்து நின்றிருப்போம். -ஷகிலா
ராதிகா மலையாள படப்பிடிப்பில் இருந்த போது, கேரவனில் கேமரா வைத்ததாக குற்றச்சாட்டு ஒன்றை முன் வைத்தார். அந்த குற்றச்சாட்டு பரபரப்பை ஏற்படுத்திய நிலையில், அவருக்கு நடிகை ஷகிலா பதிலடி கொடுத்திருக்கிறார்.
இப்போது ஏன் சொல்கிறீர்கள்
இது குறித்து அவர் தனியார் ஊடகம் ஒன்றிற்கு அளித்த பேட்டியில், “வனிதா விஜயகுமார், ராதிகா அளித்த பேட்டியை எனக்கு அனுப்பி நான் கஷ்டப்பட்ட போதெல்லாம், எந்த காலகட்டத்திலும் இவர் எனக்கு உதவிகரமாக நிற்கவில்லை. இப்போது வந்து இவர் என்ன பேசிக்கொண்டிருக்கிறார்” என்று கூறினார்.
மேலும் பேசிய அவர், “எப்போதோ கேரவனில் நடந்ததை இப்போது சொல்கிறார். அந்தப்பேட்டியில் அவரே அப்போதே நான் தட்டி கேட்டேன். அதை டெலிட் செய்ய சொன்னேன் என்று சொல்லிவிட்டார். அப்படியானால் அது முடிந்து போன கதை. நீங்கள் அப்போது தயாரிப்பு தரப்பிடம் இதுபோன்று நடக்கிறது. இதை பார்த்துக் கொள்ளுங்கள் என்று அட்வைஸ் செய்து இருந்தால் போதும், நீங்கள் ஒருவர் அது போன்று நின்று இருந்தால் போதும், நாங்கள் உங்களுடன் வந்து நின்றிருப்போம்.
இன்னொரு பேட்டியில் அவர் எனது கணவர் இருக்கும் பொழுது இன்னொருவர் எனது அருகில் வந்து உட்கார்ந்திருந்தார். என்னுடைய கணவர் எழுந்து சென்றதும், அவரை நான் கடுமையாக திட்டினேன் அந்த பிரச்சினை அப்பவே முடிந்து விட்டது. ஆனால், பின்னாளில் நாங்கள் இயல்பாக பேசினோம். தற்போது நண்பர்களாக இருக்கிறோம் என்று கூறுகிறார். நீங்கள் பெயர் சொல்லி அந்த நபரை இங்கு குறிப்பிடவில்லை. அப்படி இருக்கும் பொழுது அதனால் யாருக்கு என்ன பயன்?
நீங்கள் யாரையுமே பெயரை குறிப்பிட்டுச் சொல்லவில்லை பெயரை குறிப்பிட்டு சொல்லும் பொழுது தானே நடவடிக்கை என்பது எடுக்கப்படும். தற்போது பாலியல் குற்றச்சாட்டுகளை முன்வைத்த பலரும் முன் ஜாமீன் எடுத்துக்கொண்டு உட்கார்ந்து இருக்கிறார்கள்.
ராதிகா நடிகை பாவனா பாலியல் துன்புறுத்தலுக்கு உள்ளாக்கிய திலீபிடம் பேசியதாக கூறி இருக்கிறார். ஆனால் அவர் அப்போது பாவனாவிடம் தான் பேசி இருக்க வேண்டும். ஆனால் நான் பாவனாவிடம் பேசமுயன்றேன். ஆனால் அவர் அதற்கு போதுமான அளவு பதில் கொடுக்கவில்லை.
ஒருவேளை இது போன்ற குற்றச்சாட்டுகளை அவர்கள் வெளியில் சொல்லும் பொழுது பொய் சொல்கிறோம் என்று நாம் நினைத்துக் கொள்வோம் என்று பயப்படுகிறார்களா என்று தெரியவில்லை. ஆனாலும் சிலர் பப்ளிசிட்டிக்காக இது போன்ற விஷயங்களை பயன்படுத்துவது உண்மைதான்” என்று பேசினார்.
பொறுப்புத் துறப்பு:
இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்