மீண்டும் விஜயுடன் இணையும் வில்லி நடிகை! வெளியான தகவல் உண்மையா?

சதுரங்க வேட்டை என்ற படம் மூலம் தமிழ் சினிமாவிற்கு அறிமுகமானவர் இயக்குனர் அ. வினோத். அப்படத்தை தொடர்ந்து தீரன் அதிகாரம் ஒன்று, நேர்கொண்ட பார்வை, வலிமை மற்றும் துணிவு உள்ளிட்ட படங்களை இதுவரை இயக்கியுள்ளார். இவரது அணைத்து படங்களும் திருட்டு, பணம் சார்ந்த கார்ப்பரேட் சுரண்டல் போன்ற கருக்களை அடிப்படையாக கொண்டு அமைக்கப்பட்ட படங்களாக இருந்தன. இவரது இயக்கத்தில் தற்போது விஜய் அவருடைய 69வது படத்தில் நடித்து வருகிறார். 

இப்படத்தின் படப்பிடிப்பு வேகமாக நடந்து வருகிறது. இப்படத்தில் விஜய்க்கு ஜோடியாக நடிகை பூஜா ஹெக்டே நடித்து வருக்கிறார். மேலும் இப்படத்தில் பாலிவுட் நடிகர் பாபி தியோல், பிரேமலு புகழ் நடிகை மமிதா பைஜூ ஆகியோரும் இணைந்து நடித்து வருகின்றனர். இந்தப்படமே விஜயின் கடைசி படம் என்பதால் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. 

 பல கோடி வசூலை எதிர்ப்பார்க்கும் படக்குழு 

நடிகர் விஜய் தமிழக வெற்றிக் கழகம் என்ற கட்சியையும் தொடங்கி விட்டார். அதன் மாநாட்டையும் வெற்றி கரமாக முடித்து விட்டார். இந்த நிலையில் விஜய் இப்படத்திற்கு பின் படங்களில் நடிக்கப் போவதை நிறுத்தப் போவதாகவும் தெரிவித்து இருந்தார். இதன் காரணமாக இப்படம் வெளியாகி அதிக வசூலை பெரும் என படக்குழுவினர் எதிர்பார்த்து வருகின்றனர். முன்னதாக இயக்குனர் வெங்கட் பிரபு இயக்கத்தில் வெளியான தி கோட் திரைப்படம் ரூ. 450 கோடிக்கும் அதிகமாக வசூல் பெற்றிருந்தது குறிப்பிடத்தக்கது. 

பிரகாஷ் ராஜ், பிரியாமணி, கவுதம் வாசுதேவ் மேனன், நரேன் உடபட பலர் இப்படத்தில் நடித்து வருகின்றனர். இப்படத்தை பிரபல தயாரிப்பு நிறுவனமான கே.வி.என் நிறுவனம் தயாரித்து வருகிறது. இந்த நிறுவனத்தின் முதல் தமிழ் படம் இதுவாகும். இந்த படத்தின் இரண்டாம் கட்ட  படப்பிடிப்பு பணிகள் தற்போது சென்னையில் விறுவிறுப்பாக நடைபெற்று வருகிறது. இப்படத்திற்கு அனிரூத் இசையமைக்கிறார். 

மீண்டும் வரலட்சுமி சரத்குமார் 

நடிகர் சரத்குமாரின் மகளும், பிரபல நடிகையுமான வரலட்சுமி சரத்குமார் சர்க்கார் பாடத்தைப் போல தளபதி 69 இலும் வில்லி நடிகையாக களம் இறங்கப் போகிறார் எனத் தகவல் வெளியாகியுள்ளது. வரலட்சுமி கடந்த 2012 இல் வெளியான “போடா போடி” திரைப்படத்தின் மூலம் தமிழ் சினிமாவிற்கு அறிமுகமாகி இருந்தார். அதனைத் தொடர்ந்து பல படங்களில் கதாநாயகியாக நடித்துள்ளார். 

இருப்பினும் இவர் வில்லியாக நடித்த சர்கார், சண்டக்கோழி 2 ஆகிய படங்கள் இவருக்கு நல்ல பெயர் பெற்றுத் தந்தது. மேலும் தெலுங்கு படங்களான யசோதா, வீர சிம்ஹா ரெட்டி போன்ற படங்களிலும் வில்லன் கதாபாத்திரத்தில் மிரட்டி இருப்பார்.  தற்போது இவர் தமிழ், தெலுங்கு உள்பட பல்வேறு மொழிகளில் நடித்து வருகிறார்.

நடிகை வரலட்சுமி சரத்குமாருக்கு கடந்த சில மாதங்களுக்கு முன்பு நிக்கோலாய் சச்தேவ் என்பவருடன் திருமணம் நடந்து முடிந்தது. இவர்கள் இருவரும் பல ஆண்டுகளாக காதலித்து வந்த நிலையில்  திருமணம் செய்து கொண்டார். திருமணத்திற்கு பின் பல படங்களில் நடிக்கத் தொடங்கியுள்ளார். தளபதி 69 இல் இவரது கதாபாத்திரம் குறித்து விரைவில் அதிகாரப்பூர்வ தகவல் வெளியாகும் என எதிர்பார்க்கப்படுகிறது.