Raja Rani: நஸ்ரியா இல்ல.. ராஜா ராணி படத்திற்கு அட்லீயின் முதல் சாய்ஸ் யார் தெரியுமா?

தமிழ் இயக்குநரான இயக்கநர் அட்லீ அறிமுகமான படம், ‘ ராஜா ராணி’. முதல் படமே இவருக்கு கை கொடுத்தது. ' ஜவான் ' படத்தின் மூலம் பாலிவுட் திரையுலகம் அவரைத் திரும்பிப் பார்க்க வைத்தது. அவர் தனது முதல் படத்தை 2013 ஆம் ஆண்டு மிகவும் உன்னதமாக இயக்கினார். முதல் படம் மூலமாக கோலிவுட் திரையுலகில் வெற்றிகரமான இயக்குநராக தன்னை நிலைநிறுத்திக் கொண்டார் .

காதல், நகைச்சுவை, உணர்வுகள் கலந்த இந்த படத்தை பிரபல இயக்குநார் ஏ.ஆர்.முருகதாஸ் தயாரித்து உள்ளார். மேலும், இந்த படத்தில் ஆர்யா, ஜெய், நயன்தாரா, நஸ்ரியா நஜிம் ஆகியோர் முக்கிய வேடங்களில் நடித்து உள்ளனர். நயன்தாரா மார்க்கெட் இறங்கி இருந்த நிலையில் இந்த படம் தான், கம் பேக் படமாக அமைந்தது.

சத்யராஜ், சந்தானம், சத்யன், அருண் ராஜ் காமராஜ் மற்றும் பலர் துணை வேடங்களில் நடித்துள்ளனர். தங்கள் விருப்பத்திற்கு மாறாக திருமணம் செய்து கொள்ளும் ஆர்யாவும், நயன்தாராவும் ஒரே வீட்டில் வாழ்ந்தாலும் அந்நியர்கள் போல தான். ஒரு கட்டத்தில், நயன்தாராவின் காதலன் ( ஜெய் ), ஆர்யாவுக்கு தெரியப்படுத்தினார். இதை தெரிந்து கொண்ட ஆர்யா, நயன்தாராவை, ஜெய்யுடன் சேர்த்து வைக்க முடிவு செய்கிறார் . “ There is a life after Love Failure ” என்ற வசனம் தான் படத்தின் டேக் லைன்.

அதேபோல் நயன்தாராவுக்கும், ஆர்யாவின் முன்னாள் காதலியின் (நஸ்ரியா) மரணம் தெரிய வருகிறது. ஒரு கட்டத்தில் ஆர்யா , நயன்தாரா இருவரும் காதலிக்கிறார்கள்... இணைகிறார்களா? இல்லையா என்பது தான் படத்தின் கிளைமாக்ஸ். மணிரத்னம் இயக்கிய படத்தில் கொஞ்சம் பட்டி டிங்கரைப் பார்த்த அட்லீ படத்தின் அட்டையை காப்பியடித்ததாக விமர்சனங்கள் வெளியாகின .

ஆனால், விமர்சகர்களை தாண்டி படம் வெற்றி பெற்றது. இந்தப் படம் நயன்தாராவுக்கு சும்மா வந்தாலும், நஸ்ரியாவின் க்யூட் நடிப்பும் அழகும் ரசிகர்களை அதிகம் கவர்ந்தது.

இந்நிலையில் நஸ்ரியாவுக்கு முன் படத்தில் நடிக்க முதலில் தேர்வு செய்யப்பட்ட நடிகை யார் என்ற தகவல் வெளியாகி உள்ளது. அந்த நடிகை வேறு யாரும் இல்லை நம் அனைவருக்கும் தெரிந்த நடிகை தான். நடிகை ப்ரியா ஆனந்த், நஸ்ரியா நடித்த கீர்த்தனா வேடத்தில் முதலில் கமிட்டானவர் ஆம்.

பின்னர் வேறு சில படங்களில் தேதி மோதலால் படத்திலிருந்து விலகினார். ஆனால் படத்தின் வெற்றியை பார்த்து  பல நாட்களாக இந்த வாய்ப்பை இழந்ததாக உணர்ந்தார்.

அதே போல் முன்னதாக நடிகை சாக்‌ஷி அகர்வால், ராஜா ராணி படத்தில் நஸ்ரியா நடித்த பாத்திரத்தில் நடிக்க கமிட்டானார். ஆனால் ஒரு சில காட்சிகள் எடுத்துவிட்டு தன்னிடம் எதுவுமே சொல்லாமல் படத்தில் இருந்து நீக்கிவிட்டதாக முன்பு ஒரு முறை பேட்டியில் கூறினார். 

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v