மிஸ் பண்ணாம பாருங்க.. வீட்டில் இருந்தே செம என்ஜாய் பண்ணலாம்.. ஓடிடி-யில் அட்டகாசமான படங்கள் ரிலீஸ் ஆகி இருக்கு!

இந்த வாரம் ஆயுத பூஜை மற்றும் சரஸ்வதி பூஜை என தொடர் விடுமுறை வருவதால் தியேட்டரில் ரஜினியின் வேட்டையன் படம் வெளியாகி வெற்றிகராமாக ஓடி கொண்டு இருக்கிறது. அதே போல் ஓடிடியிலும் அதிகமான படங்கள் வெளியாக உள்ளது. அப்படி என்னென்ன படங்கள் ஓடிடியில் வெளியாக உள்ளது என்பதை இதில் பார்க்கலாம்.

வாழை

பரியேறும் பெருமாள், கர்ணன், மாமன்னன் என இதுவரை இயக்கிய மூன்று படங்களிலும் தாக்கத்தை ஏற்படுத்திய இயக்குநராக இருப்பவர் மாரி செல்வராஜ். இந்த படங்களை தொடர்ந்து புதுமுகங்களை வைத்து அவர் இயக்கியிருக்கும் படம் வாழை. கடந்த மாதம் 23ஆம் தேதி வெளியான இந்த படம் ரசிகர்களை வெகுவாக கவர்ந்ததுடன், விமர்சக ரீதியாக பாராட்டை பெற்றது. தமிழ் சினிமாவில் முன்னணி இயக்குநர்களும் இந்த படத்தை வெகுவாக பாராட்டியுள்ளனர். மாரி செல்வராஜ் வலுவான திரைக்கதை, எதார்த்த காட்சி அமைப்புகள் வாழை படத்தை அனைத்து தரப்பினரையும் பார்க்க தூண்டியது. ஹவுஸ் ஃபுல் காட்சிகளாக ஓடிய இந்த படம் ரூ. 35 கோடிக்கு மேல் பாக்ஸ் ஆபிஸில் வசூலை ஈட்டியது.இப்படம் இன்று ஹாட்ஸ்டாரில் வெளியாகிறது.

படிக்காத பக்கங்கள்

செல்வம் மாதப்பன் இயக்கத்தில் உருவாகியுள்ள படம் படிக்காத பக்கங்கள். திரில்லர் பாணியில் உருவாகியுள்ள இந்த கதைக்களத்தில் நடிகை யாஷிகா ஆனந்த் நடித்துள்ளார். கடந்த மே மாதம் வெளியான இந்த படத்தில் யாஷிகா ஆனந்த், பிரஜின் பிரதான கதாபாத்திரத்தில் நடித்துள்ளார்கள். சுமார் நான்கு மாதம் கழித்து இந்த படம் சிம்பிளி செளத் என்ற ஓடிடி தளத்தில் வெளியாகிறது. இந்த படம் இன்று சிம்ப்ளி சவுத் ஓடிடி தளத்தில் வெளியாகவுள்ளது.

போகும் இடம் வெகு தூரம் இல்லை

விமல் ஹீரோவாக நடித்துள்ள படம், ‘போகுமிடம் வெகு தூரமில்லை’. நாயகியாக மெரி ரிக்கெட்ஸ் நடித்துள்ளார். கருணாஸ், ஆடுகளம் நரேன், பவன், அருள்தாஸ், தீபா சங்கர், வேல ராமமூர்த்தி உட்பட பலர் நடித்துள்ளனர். ஷார்க் 9 பிக்சர்ஸ் சார்பில் சிவா கில்லாரி தயாரித்துள்ளார். டெமில் சேவியர் எட்வர்ட்ஸ் ஒளிப்பதிவு செய்துள்ளார். ரகுநந்தன் இசை அமைத்துள்ளார். அறிமுக இயக்குநர், மைக்கேல் கே.ராஜா இயக்கியுள்ளார். இப்படம் அமேசான் பிரைமில் வெளியாகிறது.

மது படலரா 2 மற்றும் கௌரி புராணம்

தெலுங்கில் நெட்பிளிக்ஸ் ஓடிடி தளத்தில் மது படலரா 2 மற்றும் ஆஹா ஓடிடியில் கௌரி புராணம் ஸ்ட்ரீமிங் செய்யப்பட உள்ளது.

லெவல் கிராஸ்

மலையாளத்தில் இந்த வாரம் இரண்டு படங்கள் ஓடிடியில் வெளியாகிறது. லெவல் கிராஸ் என்பது ஆசிப் அலி, அமலா பால் மற்றும் ஷரஃப் யு தீன் ஆகியோர் நடித்த மலையாளத் திரைப்படமாகும், இதை அர்பாஸ் அயூப் இயக்கியுள்ளார். இந்தத் திரைப்படம் ஜூலை 26, 2024 அன்று திரையரங்குகளில் வெளியானது . இப்படம் ஆஹா ஓடிடியில் வெளியாகிறது.

ஜெய் மகேந்திரன்

சைஜு க்ரூப், சுஹாசினி மணிரத்னம், மியா ஜார்ஜ் முக்கிய கதாபாத்திரத்தில் நடித்திருக்கும் மலையாள வெப் சீரிஸ்யாக இருக்கும் ஜெய் மகேந்திரன், தமிழ், தெலுங்கு, கன்னடம் ஆகிய மொழிகளிலும் சோனி லைவ் ஓடிடி தளத்தில் இன்று முதல் ஸ்டிரீமிங் ஆகிறது. ஊழல் பேர்வழியாக இருக்கும் துணை தாசில்தார், தனது பெயரையும், வேலையையும் காப்பாற்றி கொள்ள எந்த எல்லைக்கும் செல்வதை விறுவிறுப்பான திரைக்கதையுடன் சொல்லும் கதையாக ஜெய்மகேந்திரன் உள்ளது.

வேதா

கடந்த ஆகஸ்ட் மாதம் வெளியான இந்த இந்தி படத்தில் ஜான் ஆபிரகாம், ஷர்வாரி, ஆஷிஷ் வித்யார்த்தி பிரதான கதாபாத்திரங்களில் நடித்துள்ளார்கள். ஆக்சன் ட்ராமா பாணியில் உருவாகியிருக்கும் வேதா படம் நிகில் அத்வானி இயக்கியுள்ளார். பாக்ஸ் ஆபிஸில் தோல்வியை தழுவியி இந்த படம் ஜீ5 ஓடிடி தளத்தில் இந்தி, தமிழ், தெலுங்கு ஆகிய மொழிகளில் வெளியாகிறது

KHEL KHEL MEIN

நெட்ஃபிக்ஸில் கேல் கேல் மெய்ன் ஒளிபரப்பாக உள்ளது. இப்படத்தில் அக்ஷய்குமார் முக்கியமான கதாபாத்திரத்தில் நடித்திருக்கிறார். நடிகை டாப்சீ, அக்ஷய் குமார் நடிப்பில் உருவாகியுள்ள காமெடி ஹிந்தி திரைப்படம் KHEL KHEL MEIN.

லோன்லி பிளாணட்

ரெமாண்டிக் ட்ராமா பாணியில் உருவாகியிருக்கும் லோன்லி பிளானட் படத்தில் லாரா டெர்ன் மற்றும் லியாம் ஹெம்ஸ்வொர்த் நடித்துள்ளார்கள். மொராக்கோவுக்கு செல்லும் பெண் ஆசிரியரின் பயணத்தில் வசீகரிக்கும் இளைஞனைச் சந்திக்கும் போது, ​​அவளுடைய வாழ்க்கை எதிர்பாராத திருப்பத்தை ஏற்படுத்துகிறது, இது ஒரு உணர்ச்சிமிக்க மற்றும் உருமாறும் காதலுக்கு வழிவகுக்கும் கதையாக அமைந்துள்ளது.

குடார் கு 2

ரிது மற்றும் அனுஜின் ஆகியோர் நடிப்பில் உருவான குடார் கு 2 படம் அமேசானில் ஒளிபரப்பாக இருக்கிறது.

சர்ஃபியா

சூர்யா நடிப்பில் தமிழில் சூப்பர் ஹிட்டான சூரரைபோற்று படத்தின் இந்தி ரீமேக்காக சர்ஃபிரா உருவாகியுள்ளது. இந்த படத்தில் அக்சய் குமார், பரேஷ் ராவல், ராதிகா மதன், சீமா பிஸ்வாஸ் உள்பட பலரும் நடித்துள்ளனர். சுதா கொங்காரா இயக்கியிருக்கும் இந்த படம் பாக்ஸ் ஆபிஸில் தோல்வியை தழுவியது. கடந்த ஜூலை மாதம் வெளியான இந்த படம் தற்போது டிஸ்னி ப்ளஸ் ஹாட்ஸ்டாரில் வெளியாகிறது.