Priyanka Deshpande:இது இரண்டாவது முறை.. டிடிவிட்டுக்கொடுக்கலன்னா நீங்க இங்க நிக்கவே முடியாது" - வெளுத்த பிரபலம்
Sep 17, 2024, 11:43 AM IST
Share
Priyanka deshpande: “மணிமேகலை குக் வித் கோமாளி நிகழ்ச்சியை விட்டு வெளியே செல்கிறேன் என்று சொல்வது, உண்மையில் இது இரண்டாவது முறை.” - உண்மையை போட்டுடைத்த பிரபலம்.
Priyanka Deshpande: குக் வித் கோமாளி நிகழ்ச்சியில் தொகுப்பாளராக பணியாற்றிய மணிமேகலை, தொகுப்பாளர் பிரியங்கா தன்னை வேலை செய்ய விட வில்லை என்று கூறி, அந்த நிகழ்ச்சியில் இருந்து வெளியேறினார். இந்த விவகாரத்தில் பலரும் பிரியங்காவை விமர்சித்து வரும் நிலையில், இந்த விவகாரத்தில் என்ன நடந்தது என்பது குறித்து பிரபல தொகுப்பாளர் ரஞ்சித் பேசி இருக்கிறார்.
யார் மீது தவறு
இது குறித்து அவரும், அவரது மனைவியும் எஸ். எஸ் யூடியூப் சேனலுக்கு கொடுத்த பேட்டியில், “மணிமேகலை குக் வித் கோமாளி நிகழ்ச்சியை விட்டு வெளியே செல்கிறேன் என்று சொல்வது, உண்மையில் இது இரண்டாவது முறை. ஆம் கடந்த சீசனில் சுனிதாவிற்கும், அவருக்கும் இடையே மோதல் வெடித்தது. அந்த மோதலில்தான் அவர் நிகழ்ச்சியை விட்டு வெளியேறினார்.
அப்போது சிறியதாக பிரேக் எடுத்துக்கொள்கிறேன் என்று கூறி, தன்னுடைய பர்சனல் சார்ந்த விஷயங்களில் அவர் கவனம் செலுத்தினார். அதனை தொடர்ந்து அவர் மீண்டும் ஆங்கராக அந்த நிகழ்ச்சியில் நுழைந்தார். ஆனால், பிரியங்காவுடனான இந்த விவகாரம் ஒரு மிகப்பெரிய பிரச்சினையாக மாறியது. இதற்காக மணிமேகலை சொல்லக்கூடிய கருத்து முற்றிலுமாக ஏற்றுக் கொள்ளக் கூடியதாகவே இருந்தது.
தன்னுடைய வேலையில் யார் மூக்கை நுழைத்தாலும், சம்பந்தப்பட்டவர்களுக்கு கோபம் வரத்தான் செய்யும். திவ்யா துரைசாமி வெளியேற்றப்பட்ட பொழுது, இறுதி உரையை ஆங்கர் பேச வேண்டும். ஆனால் அதனை உள்ளே புகுந்து பிரியங்கா பேசினார். இதையடுத்து பிரியங்காவிற்கும், மணிமேகலைக்கும் இடையே மோதல் வெடித்தது.
இதில் பிரியங்கா அப்செட் ஆகி கேரவனில் சென்று உட்கார்ந்து விட்டார். இதையடுத்து சேனல் டீம் அவரிடம் சென்று பேசினார்கள். அப்போது பிரியங்கா, நான் எனக்கு வருவதை செய்கிறேன். ஆனால் மணி என்னவோ, நான் அவரின் வேலையில் குறுக்கிடுவது போல பேசுகிறார் என்று கூறியிருக்கிறார். எல்லோரும் அன்று கிளம்பிவிட்டதால் அந்த பிரச்சினை அன்றைய தினம் முடிந்து போனது. இதையடுத்து இந்த வாரம் செட்டிற்கு வந்த மணிமேகலையிடம் நிகழ்ச்சி குழு, பிரியங்கா விடம் நீங்கள் சென்று மன்னிப்பு கேட்டு சமாதானப்படுத்துங்கள் என்று கேட்டு இருக்கிறது. அதில் மணிமேகலைக்கு கோபம் வந்து விட்டது.
விஜய் டிவியில், எப்பொழுதும் சிறந்த தொகுப்பாளினியாக பிரியங்காதான் தேர்வு செய்யப்படுவார். அதேபோல சிறந்த தொகுப்பாளராக மாகபா தான் தேர்வு செய்யப்படுவார். ஆனால் இம்முறை கொஞ்சம் மாறுதலாக ரியோவிற்கு விருது கொடுத்திருந்தார்கள். ஆனால், உண்மையில் மணிமேகலைக்கு சிறந்த தொகுப்பாளினி விருது வழங்கப்பட்டிருக்க வேண்டும். இதை பார்க்கும் பொழுது சேனல் மணிமேகலையை ஓரம் கட்டுகிறதோ என்ற சந்தேகம் வருகிறது. ஆனால் இதனை மணிமேகலையிடம் பிரியங்கா ஒவ்வொரு முறையும் குத்திக்காட்டி பேசிக்கொண்டே இருந்தார்
நான் இந்த இடத்தில் ஒரு முக்கியமான கேள்வியை கேட்க நினைக்கிறேன். கடந்த சில வருடங்களுக்கு முன்பு தொகுப்பாளனி டிடி தன்னுடைய உடல் நல குறைவினால் விஜய் டிவியை விட்டு வெளியேறினார். ஆனால் நிச்சயமாக அவரால் நிகழ்ச்சியை கஷ்டப்பட்டாவது தொகுத்து வழங்க முடியும். ஆனால், அவர் அப்படி செய்யவில்லை. அவர் அந்த இடத்தை உங்களுக்காக விட்டுக் கொடுக்க வில்லை என்றால், நீங்கள் இன்று இந்த இடத்திற்கு வந்திருக்க முடியாது” என்று பேசினார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்