CINEMA REPORTS: விஜய் கொடி ரகசியம் டூ த்ரிஷா சர்ச்சை வரை! - இன்றைய டாப் 10 கோலிவுட் கிசுகிசுக்கள்

1.தமிழ் சினிமாவில் உச்ச நட்சத்திரமாக இருக்கக்கூடிய நடிகர் விஜய்யின் 68 ஆவது படமாக உருவாகி இருக்கும் திரைப்படம் 'தி கிரேட்டஸ்ட் ஆஃப் ஆல் டைம்'. இதனை சுருக்கமாக 'தி கோட்' என்று அழைக்கிறார்கள். இந்த படத்தில் விஜய்யுடன் பிரசாந்த், பிரபுதேவா, லைலா, சினேகா, மோகன், ஜெயராம், வைபவ் உள்ளிட்ட பலர் முக்கிய கதாபாத்திரங்களில் நடித்துள்ளனர். தென்னிந்திய சினிமாவின் முன்னணி நிறுவனமான ஏஜிஎஸ் எண்டர்டெயின்மென்ட்டின் கல்பாத்தி எஸ். அகோரம், கல்பாத்தி எஸ். கணேஷ் மற்றும் கல்பாத்தி எஸ். சுரேஷ் ஆகியோர் தயாரித்துள்ள இப்படத்திற்கு யுவன் சங்கர் ராஜா இசையமைத்துள்ளார். தி கோட் படத்தில் இருந்து இதுவரை 3 பாடல்கள் வெளியாகி ரசிகர்களிடையே வரவேற்பை பெற்றுள்ள நிலையில், படம் செப்டம்பர் 5ஆம் தேதி திரையரங்குகளில் வெளியாகும் என அறிவிக்கப்பட்டுள்ளது. இந்தப்படத்தின் நீளம் 2 மணி நேரம் 55 நிமிடங்கள் என்று தகவல் வெளியாகி இருக்கிறது.

2.Thangalaan Box Office: இயக்குநர் பா.இரஞ்சித் இயக்கத்தில் நடிகர் விக்ரம், நடிகை பார்வதி, நடிகை மாளவிகா மோகனன், பசுபதி உள்ளிட்ட பல நட்சத்திரங்கள் நடித்து, ஆகஸ்ட் 15ஆம் தேதி வெளியாகி இருக்கும் திரைப்படம், தங்கலான். இந்தத் திரைப்படத்திற்கு பிரபல இசையமைப்பாளரான ஜி வி பிரகாஷ் குமார் இசையமைத்திருக்கிறார். தங்கலான் திரைப்படம் 7 நாட்களில் 35. 56 கோடி வசூல் செய்து இருப்பதாக தெரியவந்திருக்கிறது.

3.அரசியல் களத்தில் நேரடியாக இறங்கி இருக்கும் நடிகர் விஜய் தன்னுடைய தமிழக வெற்றிக்கழகத்தின் கொடியை இன்று அறிமுகம் செய்து வைத்திருக்கிறார். அந்த கொடியில் நடுவில் வாகை மலர் இருக்கும் நிலையில், அதன் இரண்டும் பக்கங்களிலும் யானை இருக்கிறது. இந்தக்கொடிக்கு இன்ஸ்ப்ரேஷனாக ரபேல் நடால் மற்றும் கார்லோஸ் அல்கராஸ் ஆகியோர் இருப்பதாக சொல்லப்படுகிறது.

4.பாரி இளவழகன் இந்தப் படத்தை இயக்கி முக்கிய கதாபாத்திரத்திலும் நடித்துள்ள ஜமா திரைப்படம் அமேசான் ஓடிடி தளத்தில் வெளியாகி இருக்கிறது.

5. நடிகர் விஜய்சேதுபதிக்கு அறிமுகமே தேவையில்லை. அவரது நடிப்பில், அண்மையில் வெளியான திரைப்படம் ‘மகாராஜா’. ‘குரங்கு பொம்மை’ இயக்குநர் நித்திலன் இயக்கத்தில் வெளியான இந்தப்படம், விமர்சன ரீதியாக பெரும் வரவேற்பை பெற்றதோடு மட்டுமல்லாமல், வசூல் ரீதியாகவும் மிகப்பெரிய வரவேற்பை பெற்று 100 கோடியை தாண்டி வசூல் செய்தது. திரையரங்கில் கிடைத்த மிகப்பெரிய வரவேற்பு காரணமாக, படம் எப்போதும் ஓடிடியில் வரும் என்று ரசிகர்கள் எதிர்பார்த்து காத்துக்கொண்டிருந்தனர். ஓடிடியிலும் இந்தப்படம் மிகப்பெரிய வரவேற்பை பெற்றது. இதற்கிடையே இந்தப்படம் முதலாவதாக நடிகர் சாந்தனுக்கு சென்ற நிலையில், ஆனால் அவரது அப்பா பாக்யராஜ் இந்தப்படத்தை நிராகரித்ததாக தகவல் வெளியானது. இதனை சாந்தனு மறுத்திருக்கிறார்.

6.மாரி செல்வராஜ் தற்போது தன்னுடைய வாழை படத்தின் புரோமோஷனில் பிசியாக இருக்கிறார். இந்தப்படம் நாளை வெளியாக இருக்கிறது. இந்த நிலையில், இந்தப்படத்தின் பத்திரிகையாளர்களுக்கான காட்சி நேற்று சென்னையில் நடந்தது. இதனையடுத்து செய்தியாளர்களை மாரிசெல்வராஜ் சந்தித்தார்.

ரஜினியுடன் இணைவது எப்போது?

அப்போது அவரிடம் நீங்கள் ரஜினிகாந்துடன் இணைகிறீகளா? என்ற கேள்வி முன்வைக்கப்பட்டது. அப்போது பேசிய அவர், “ எனக்கு ரஜினிகாந்தை பிடிக்கும். அவருக்கும் என்னைப் பிடிக்கும். எங்கள் இருவருக்குமே, நாங்கள் இணைந்து படம் செய்ய வேண்டும் என்ற ஆசை இருக்கிறது.

என்னுடைய பரியேறும் பெருமாள், கர்ணன், மாமன்னன் ஆகிய திரைப்படங்களை பார்த்த பின்னர் அவர் என்னை அழைத்து உரையாடினார். இந்தத்திரைப்படம் நெல்சன் திலீப்குமார் இயக்கத்தில் ரஜினி நடிக்கும் ஜெயிலர் 2 படத்திற்கு பிறகு இந்தப்படம் நடக்கும் என்று சொல்லப்படுகிறது.

7. தன்னுடைய கட்சியான தமிழக வெற்றிக்கழகத்தின் கொடியை அந்தக்கட்சியின் தலைவரும் நடிகருமான விஜய் அறிமுகம் செய்து வைத்தார். சென்னை பனையூரில் இருக்கும் தமிழக வெற்றிக்கழகத்தின் அலுவலகத்தில் வைத்து இந்த நிகழ்ச்சி நடைபெற்றது. விரைவில் விஜய் மாநாடு நடத்த இருப்பதாக தகவல் வெளியான நிலையில், அதற்கு இன்று அவர் பதில் அளித்தார்.

முதல் மாநாடு எப்போது?

நம்முடைய முதல் மாநில மாநாட்டிற்கான அதற்கான ஏற்பாடுகள் எல்லாம் வேகமாக நடந்து கொண்டிருக்கின்றன. அது எங்கு எப்போது நடக்கும் உள்ளிட்ட விவரங்களை நான் கூடிய சீக்கிரமே அறிவிக்கிறேன். அதற்கு முன்னதாக நீங்கள் மகிழ்ச்சியாக இருக்க வேண்டும் என்பதற்காக நம்முடைய தமிழக வெற்றிக் கழகத்தின் கொடியை நான் அறிமுகப்படுத்தி இருக்கிறேன் என்றார் விஜய்

8. அர்ஜுன் நடித்து இயக்கி கடந்த 2002ஆம் ஆண்டு வெளிவந்து மாபெரும் வெற்றியடைந்த திரைப்படம் ஏழுமலை. இந்தப்படத்தில் சிம்ரன் உள்ளிட்ட பலர் நடித்திருந்தனர். இந்தப்படத்தின் இரண்டாம் பாகம் உருவாக இருப்பதாகவும், அர்ஜூன் இயக்கி தயாரிக்க இருப்பதாக சொல்லப்படும் இந்தப்படத்தில் அவரது மருமகன் உமா ராமையா கதாநாயகனாக நடிக்கிறார் என்று சொல்லப்படுகிறது.

9. சந்தீப் ரெட்டி வங்கா இயக்கத்தில் நடிகர் பிரபாஸ் நடிப்பில் உருவாகி வரும் ஸ்பிரிட் படத்தில் பிரபாஸ் கதாநாயகனாகவும், வில்லனாகவும் நடிக்கிறார். இதில் வில்லனாக நடிக்கும் பிரபாஸிற்கு ஜோடியாக நடிகை த்ரிஷா நடிக்க இருப்பதாக கூறப்படுகிறது.

10. பகுஜன் சமாஜ் கட்சியின் தலைவர் ஆம்ஸ்ட்ராங் படுகொலை வழக்கில் தொடர்புடைய மொட்டை கிருஷ்ணனுக்கு, பிரபல இயக்குநர் நெல்சன் திலீப்குமார் மனைவி மோனிஷா லட்சக்கணக்கில் பணபரிவர்த்தனை செய்ததாக தகவல்கள் வெளியானது. இந்த நிலையில் மோனிஷா சார்பாக, அவரது வழக்கறிஞர் அறிக்கை ஒன்றை வெளியிட்டு இருக்கிறார்.

“கடந்த ஆகஸ்ட் 7ம் தேதி என்னுடைய மனுதாரர் மோனிஷாவிற்கு, கிருஷ்ணன் என்பவருடன் பணபரிவர்த்தனையில் ஈடுபட்டதாக எழுந்த குற்றச்சாட்டு தொடர்பாக விளக்கம் கேட்டு போலீசார் சம்மன் அனுப்பினர். அதற்கு என்னுடைய மனுதாரர் போலீசாருக்கு முழு ஒத்துழைப்பு அளித்து அவருக்குரிய விளக்கத்தை அளித்தார்.

ஆனால் பல்வேறு தளங்களில் கிருஷ்ணன் என்பவருடன் மோனிஷா பணபரிவர்த்தனையில் ஈடுபட்டதாக கூறி செய்திகள் வெளியாகி இருக்கிறது. இதனைப்பார்த்து அவர் அதிர்ச்சியடைந்தார். அந்த தகவல்கள் அனைத்தும் பொய்யானவை.” என்று அவர் அதில் குறிப்பிட்டு இருந்தார்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9